ଆମର ଏକା ଲଢ଼ିବାର ଶକ୍ତି ଅଛି, ମୋ କଥାକୁ ଅନର୍ଥ କରାଯାଉଛି: ଦାମ

<p>ଭୁବନେଶ୍ୱର: ମୋ କଥାର ଅର୍ଥରୁ ଅନର୍ଥ ବାହର କରାଯାଉଛି। ବିନା ସାହାଯ୍ୟରେ ନିର୍ବାଚନ ଲଢିବା ପାଇଁ ଆମର ଶକ୍ତି ଅଛି। କଂଗ୍ରେସ-ବିଜେଡି ମେଣ୍ଟ ପ୍ରସଙ୍ଗରେ ଆଜି ମନ୍ତ୍ରୀ ଦାମୋଦର ରାଉତ ଏପରି ପ୍ରତିକ୍ରିୟା ଦେଇଛନ୍ତି।</p> <p>ସେ କହିଛନ୍ତି,&ldquo;ଦଳରେ କିଏ କ&rsquo;ଣ ବୁଝନ୍ତି, ମୁଁ ଜାଣେ ନାହିଁ। ମୁଁ ପ୍ରଥମେ ଭାରତୀୟ, ପରେ ଓଡ଼ିଆ। ଓଡ଼ିଆ ସ୍ୱାର୍ଥ ଓ ସ୍ୱାଭିମାନଙ୍କୁ ଅବହେଳା କରାଗଲା ବୋଲି ବିଜୁ ପଟ୍ଟନାୟକ ଆଞ୍ଚଳିକ ଦଳ ଗଢ଼ିଥିଲେ। ବିଜୁ ବାବୁ ଜବାହାରଲାଲ ନେହେରୁଙ୍କ ସମର୍ଥକ ଥିଲେ,ସେ କଂଗ୍ରେସକୁ ବିରୋଧ କରୁ ନ ଥିଲେ। ଜବାହାରଲାଲ ନେହେରୁଙ୍କ ପରେ କଂଗ୍ରେସର ଯେଉଁ ନେତୃତ୍ୱ ଆସିଥିଲା ସେଥିପାଇଁ ସେ କଂଗ୍ରେସ ଛାଡି ଦେଇଥିଲେ।&rdquo;</p> <p>ସେ ଆହୁରି କହିଛନ୍ତି,&ldquo;୨୦୦୯ ମସିହାରୁ କଂଗ୍ରେସ ଓ ବିଜେପଠାରୁ ସମଦୂରତା ରଖିଛୁ। &nbsp;ମୁଁ କଂଗ୍ରେସ ସମର୍ଥକ ନୁହେଁ, କଂଗ୍ରେସକୁ ସବୁବେଳେ ସମାଲୋଚନା କରି ଆସିଛି।&rdquo;</p> <p>ସେହିପରି ବିଜେପି ଉପରେ ବର୍ଷିଛନ୍ତି ଦାମଦୋର ରାଉତ।କହିଛନ୍ତି,&ldquo;ତିନିବର୍ଷ ହେଲା ନରେନ୍ଦ୍ର ମୋଦି ସରକାର ସାଂପ୍ରଦାୟିକତା ବିଷ ମଞ୍ଜି ବୁଣି ଚାଲିଛନ୍ତି।&rdquo;</p> <p>୮୦ରୁ୯୦ ଦଶକରେ ବୈଜୟନ୍ତ କେଉଁଠି ଥିଲେ? ଯାହାକୁ ଯେମିତି ରସିଲା, ତାକୁ ସେମିତି ବାସିଲା ବୋଲି ସାଂସଦ ବୈଜୟନ୍ତ ପଣ୍ଡାଙ୍କ ଟ୍ୱିଟ୍ ଉପରେ ପ୍ରତିକ୍ରିୟା ଦେଇଛନ୍ତି ଦାମ।</p> <p>ଭର୍ତ୍ତୃହରିଙ୍କ କଂଗ୍ରେସ ଅଛୁଆଁ ପ୍ରସଙ୍ଗରେ ମଧ୍ୟ ମତ ରଖି କହିଛନ୍ତି-&ldquo;ମୁଁ ଏବେବି କହୁଛି କଂଗ୍ରେସ ଅଛୁଆଁ ନୁହେଁ।&nbsp; ଓଡ଼ିଶାକୁ କଂଗ୍ରେସର ଅବହେଳା ପ୍ରସଙ୍ଗରେ ମୁଁ ସମାଲୋଚନା କରେ।&rdquo;</p>