କେନ୍ଦ୍ରମନ୍ତ୍ରୀଙ୍କ ଟାର୍ଗେଟରେ ମୁଖ୍ୟମନ୍ତ୍ରୀ: କହିଲେ-ଭ୍ରଷ୍ଟାଚାରରେ ପ୍ରବୀଣ ନବୀନ ସରକାର

<p>ଭୁବନେଶ୍ୱର (ଓଡ଼ିଶା ରିପୋର୍ଟର): କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ଜୁଏଲ ଓରାମଙ୍କ ପରେ ଆଜି କଡ଼ା ଭାଷାରେ ରାଜ୍ୟ ସରକାରଙ୍କୁ ସମାଲୋଚନା କରିଛନ୍ତି କେନ୍ଦ୍ର ମାନବ ସମ୍ବଳ ବିକାଶ ମନ୍ତ୍ରୀ ପ୍ରକାଶ ଜାଭଡେକର। ୩ ଦିନିଆ ଓଡ଼ିଶା ଗସ୍ତରେ ଆସିଥିବା ଜାଭଡେକର ଭୁବନେଶ୍ୱର ଲୋକସଭା ଆସନ ପାଇଁ ଦଳର ସାଂଗଠନିକ ସ୍ଥିତିର ସମୀକ୍ଷା କରିବା ଅବସରେ ସିସୋର ଲିଙ୍କର ଫଟୋ ଦେଖାଇ ବିଜେଡିର ଗୋହି ଖୋଳିଛନ୍ତି। ଏପରିକି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଚିଟ୍&zwnj;ଫଣ୍ଡ ଲିଙ୍କକୁ ଟାଣିଛନ୍ତି।</p> <p>ଜାଭଡେକର କହିଛନ୍ତି-&ldquo;ବିଜେଡିର ୫୦ ବିଧାୟକ ଚିଟ୍&zwnj;ଫଣ୍ଡ ସଂସ୍ଥା ପାଇଁ ପ୍ରଚାର କରୁଥିଲେ। ଚିଟ୍&zwnj;ଫଣ୍ଡ କ୍ଷତିଗ୍ରସ୍ତ ପାଇଁ ୩୦୦ କୋଟିର କର୍ପସ ଫଣ୍ଡ କରିଥିଲେ। ହେଲେ ଏପର୍ଯ୍ୟନ୍ତ କ୍ଷତିଗ୍ରସ୍ତଙ୍କୁ ଟଙ୍କା ଟିଏ ଫେରାଇ ନାହାନ୍ତି ରାଜ୍ୟ ସରକାର। ରାଜ୍ୟରେ ଲୋକଙ୍କୁ ପିଇବା ପାଣି କମ୍&zwnj; ମିଳୁଛି। ମଦ ଅଧିକ ମିଳୁଛି। ନବୀନ ସରକାର ଭ୍ରଷ୍ଟାଚାରରେ ପ୍ରବୀଣ ସରକାର।&rdquo;</p> <p>ସେ କହିଛନ୍ତି-&ldquo;ରାଜ୍ୟରେ ସ୍କୁଲ ଅଛି, ପ୍ରଧାନଶିକ୍ଷକ ନାହାନ୍ତି। ଡାକ୍ତରଖାନା ଅଛି, ଡାକ୍ତର ନାହାନ୍ତି। ପାନୀୟ ଜଳ ଯୋଗାଇବା ପାଇଁ ଟ୍ୟାପ୍&zwnj; ରହିଛି। ମାତ୍ର ସେଥିରେ ଏକ ଘଣ୍ଟା ପାଣି ଆସୁଛି। ଯାହା ଲୋକଙ୍କ ଶୋଷ ମେଣ୍ଟାଇ ପାରୁନାହିଁ। ବିଜୁଳି ସଂଯୋଗ ରହିଛି। ୮ ଘଣ୍ଟାରୁ ଅଧିକ ସମୟ ଧରି ବଲ୍&zwnj;ବ ଜଳୁନି। ଯିବାଆସିବା ପାଇଁ ଭଲ ରାସ୍ତା ଖଣ୍ଡିଏ ନାହିଁ। ଇଏ ହେଉଛି ନବୀନ ସରକାରଙ୍କ ସ୍ଥିତି।&rdquo;</p> <p>ବିଜେଡି ମୁଖପାତ୍ର ସସ୍ମିତ ପାତ୍ର କହିଛନ୍ତି-&ldquo;ଜାଭଡେକର ସିବିଆଇର ମୁଖପାତ୍ର ସାଜି ଓଡ଼ିଶା ଆସୁଛନ୍ତି। ଫଟୋ ଦେଖାଇ ରାଜ୍ୟ ସରକାରଙ୍କୁ ସମାଲୋଚନା କରୁଛନ୍ତି। ଆମ ପାଖରେ ଗୁଜରାଟରେ ନରେନ୍ଦ୍ର ମୋଦି ଚିଟ୍&zwnj;ଫଣ୍ଡ ସଂସ୍ଥାର ମାଲିକଙ୍କୁ ପୁରସ୍କାର ଦେଉଥିବା ଫଟୋ ଅଛି। ଦେଖାଇବୁ କି?&rdquo;</p> <p>ପାନୀୟ ଜଳ ଯୋଗାଣ ନେଇ ସେ କହିଛନ୍ତି-ଛତିଶଗଡ଼, ଝାଡ଼ଖଣ୍ଡ, ମହାରାଷ୍ଟ୍ର, ମଧ୍ୟପ୍ରଦେଶ ଓ ଛତିଶଗଡ଼ ତୁଳନାରେ ଓଡ଼ିଶା ସରକାର ଯଥେଷ୍ଟ ପରିମାଣରେ ପାଣି ଯୋଗାଉଛନ୍ତି। ପାନୀୟ ଜଳ ଯୋଗାଣ ନେଇ କିଛି କହିବା ପୂର୍ବରୁ ପ୍ରଥମେ ତଥ୍ୟକୁ ଦେଖନ୍ତୁ?&rdquo;</p> <p>ଦୁଇ ଦିନ ଧର ଭୁବନେଶ୍ୱର ଲୋକସଭା ଅଧିନରେ ଥିବା ବିଧାନସଭା କ୍ଷେତ୍ରରେ ଦଳର ସାଂଗଠନିକ ସ୍ଥିତିର ସମୀକ୍ଷା କରୁଛନ୍ତି ପ୍ରକାଶ ଜାଭେଡକର। ତାଙ୍କୁ ଭୁବନେଶ୍ୱର ସମେତ ପୁରୀ, ନବରଙ୍ଗପୁର ଓ ବ୍ରହ୍ମପୁର ଲୋକସଭାରେ ସଂଗଠନ ମଜବୁତ ପାଇଁ ଦଳ ଦାୟିତ୍ୱ&nbsp; ଦେଇଛି। ଏସବୁ ଅଞ୍ଚଳରେ କି କି ରଣନୀତି କଲେ ଦଳ ଅଧିକ ମଜବୁତ ସେ ନେଇ ବୁଥ୍&zwnj;ସ୍ତରରୁ ଆରମ୍ଭ କରି ମଣ୍ଡଳ, ଜିଲ୍ଲା ଓ ରାଜ୍ୟ ସ୍ତରୀୟ ନେତାଙ୍କ ସହ ମାରଥନ ବୈଠକ କରୁଛନ୍ତି ଜାଭେଡକର।</p>