ଡଙ୍ଗା ଚାଳକଙ୍କୁ ମାଓ ଭୟ: ବିଚ୍ଛିନ୍ନାଞ୍ଚଳକୁ ଚାଲୁନି ଭୁଟୁଭୁଟି, ଖାଲି ପଡ଼ିଛି ଘାଟ

<p>ମାଲକାନଗିରି (ଓଡ଼ିଶା ରିପୋର୍ଟର): ବିଚ୍ଛିନ୍ନାଞ୍ଚଳକୁ ଚାଲୁ ନାହିଁ ଭୁଟୁ ଭୁଟି ଓ ଦେଶୀ ଡଙ୍ଗା। ଯାହାଫଳରେ ଜଳ ବନ୍ଦୀ ଜୀବନ ଅତିବାହିତ କରୁଛନ୍ତି ବିଚ୍ଛିନ୍ନଞ୍ଚଳବାସୀ। କିଛି ଦିନ ତଳେ ଚିତ୍ରକୋଣ୍ଡାର ସ୍ପିଲ୍ ୱେ ଘାଟରେ ମାଓବାଦୀମାନେ ବୋଟ୍ ଚାଳକଙ୍କୁ ପୋଲିସ ଇନ୍&zwnj;ଫର୍ମର ସନ୍ଦେହରେ ହତ୍ୟା କରିବାରୁ ଏପରି ସ୍ଥିତି ଉପୁଜିଛି।</p><p>ଗତ ୨୨ ତାରିଖରେ ରକ୍ତରଞ୍ଜିତ ହୋଇହେଲା ଚିତ୍ରକୋଣ୍ଡା ସ୍ପିଲ୍&zwnj; ୱେ&rsquo; ଘାଟ। ପୋଲିସ ଇନ୍&zwnj;ଫର୍ମର ସନ୍ଦେହରେ ପଣସପୁଟର ବୋଟ୍ ଚାଳକ ସମା ପାଙ୍ଗିଙ୍କୁ ଗୁଳି କରି ହତ୍ୟା କରିଥିଲେ ମାଓବାଦୀ। ଏହା ପରେ ଖାଁଖାଁ ଲାଗୁଛି ସ୍ପିଲ୍ ୱେ&rsquo; ଘାଟ। ଧାଡ଼ି ଧାଡ଼ି ହୋଇ ଘାଟରେ ଭାସୁଛି ଡଙ୍ଗା। ଆଉ ଶୁଭୁନି ଭୁଟି ଭୁଟି ଶବ୍ଦ। ଡଙ୍ଗା ଚାଳକ ସମା ପାଙ୍ଗିଙ୍କୁ ହତ୍ୟା ପରେ କାତ ଧରିବା ପାଇଁ କେହି ରାଜି ହେଉନାହାନ୍ତି। ମାଓଭୟରେ ସେମାନେ ଡଙ୍ଗା ଚଳାଇବାକୁ ରାଜି ହେଉନଥିବା ଅଭିଯୋଗ ହୋଇଛି। ଗୋଟିଏ ମାତ୍ର ଲଞ୍ଚ ଦିନକୁ ଥରେ ଯିବାଆସିବା କରୁଛି। ଯାହା ବିଚ୍ଛିନ୍ନାଞ୍ଚଳବାସୀଙ୍କ ଆବଶ୍ୟକତା ପୂରଣ କରିପାରୁ ନାହିଁ। ଅନ୍ୟପକ୍ଷରେ ଡଙ୍ଗା ଚାଲୁନଥିବାରୁ ବିଚ୍ଛିନ୍ନାଞ୍ଚଳର ୧୫୧ ଗାଁର ଲୋକେ ଜୀବନ ବନ୍ଦୀ ଜବନ ଅତିବାହିତ କରୁଛନ୍ତି।</p><p>ଡଙ୍ଗା ଚାଳକ କହିଛନ୍ତି-&ldquo;ଭୁଟୁ ଭୁଟି ନେଇ ଯିବାକୁ ଡର ଲାଗୁଛି। ସେଥିପାଇଁ ଚଲାଉ ନାହୁଁ।&rdquo;</p><p>ବିଚ୍ଛିନ୍ନାଞ୍ଚଳ ବାସିନ୍ଦା କହିଛନ୍ତି-&ldquo;୭ ଦିନ ହେଲା ଭୁଟୁ ଭୁଟି ଚାଲୁନି। ଯାହାଦ୍ୱାରା ନଦୀ ଆରପାରିକି ଯାଇପାରୁ ନାହୁଁ। ବହୁ ଦୁଃଖକଷ୍ଟରେ ଜୀବନ ବିତାଉଛୁ।&rdquo;</p><p>&lt;a href=&quot;&quot;&gt;(image) &lt;/a&gt;ଚିତ୍ରକୋଣ୍ଡା ବିଚ୍ଛିନ୍ନାଞ୍ଚଳର ସବୁ ଘାଟକୁ ଲଞ୍ଚ ଯାଉନଥିବାରୁ ଏଠାକାର ମୁଖ୍ୟ ଘାଟ କୁହାଯାଉଥିବା ସ୍ପିଲ୍ ୱେ ବା ହେଲି ପାହାଡ଼ ଘାଟରେ ସରକାରଙ୍କ ପକ୍ଷରୁ ୮ଟି ଭୁଟ୍&zwnj; ଭୁଟି ଯୋଗାଇ ଦିଆଯାଇଥିଲା। କିନ୍ତୁ ସେଥିରୁ ୨ଟି ମାଓବାଦୀଙ୍କ କବ୍&zwnj;ଜାରେ ଥିବା ବେଳେ ବାକି ୬ଟି ହତ୍ୟାକାଣ୍ଡ ପରେ ବନ୍ଦ ହୋଇଯାଇଛି। ତେଣୁ ପେଟପାଟଣା ଚିନ୍ତାରେ ଉଭୟ ଡଙ୍ଗା ଚାଳକ ଓ ବିଚ୍ଛିନ୍ନାଞ୍ଚଳବାସୀ। ସେପଟେ ମାଓ ଭୟରେ ନିଜ ଗାଁ ଛାଡ଼ି ଚିତ୍ରକୋଣ୍ଡା ଓ କୁଡୁମୁଲୁଗୁମ୍ମାରେ ରହୁଥିବା ବିସ୍ଥାପିତ ଲୋକେ ମଧ୍ୟ ଏହି ହତ୍ୟାକାଣ୍ଡ ପରେ ନିଜକୁ ସୁରକ୍ଷିତ ମଣୁନାହାନ୍ତି।</p><p>ମାଲକାନଗିରି ଏସ୍&zwnj;ପି ଜଗମୋହନ ମୀନା କହିଛନ୍ତି-&ldquo;ଚିତ୍ରକୋଣ୍ଡା ଘଟଣା ପାଟ୍ରୋଲିଂ ବ୍ୟବସ୍ଥା କରାଯିବ। ଏହାଛଡ଼ା ବିଚ୍ଛିନ୍ନାଞ୍ଚଳରେ ମଧ୍ୟ କମ୍ୱିଂ ଅପରେସନ୍&zwnj;କୁ ଜୋରଦାର କରାଯିବ।&rdquo;</p><p>https://youtu.be/qM331CSPGlc</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।