ଥାନାରେ ମାତାଲ ଯୁବତୀଙ୍କ ନୌଟଙ୍କୀ

ବଲାଙ୍ଗିର: ବଲାଙ୍ଗିର ରେଳ ଷ୍ଟେସନ୍‌ରୁ ମାତାଲ ଅବସ୍ଥାରେ ଜଣେ ଯୁବତୀଙ୍କୁ ଉଦ୍ଧାର କରାଯାଇଛି। ଦେହର କପଡ଼ା ଛିଡି ଯାଇଛି, ବିଭିନ୍ନ ସ୍ଥାନରେ କାଦୁଅ ଲାଗିଛି। ହୋସ୍‌ରେ ନାହାନ୍ତି ଯୁବତୀ। ପୋଲିସ୍‌କୁ ନାଲି ଆଖି ଦେଖାଉଛନ୍ତି ଓ ଗଣମାଧ୍ୟମ ପ୍ରତିନିଧିଙ୍କୁ ଧମକାଉଛନ୍ତି। ଏହି ଅଞ୍ଚଳରେ ଚର୍ଚ୍ଚାର ବିଷୟ ହୋଇଛି।

ରେଳ ଷ୍ଟେସନରେ ଜଣେ ଯୁବତୀ ମାତାଲ ଅବସ୍ଥାରେ ପଡ଼ିଥିବା ଟାଉନ ଥାନାକୁ ସୂଚନା ଆସିଥିଲା। ଖବର ପାଇବା ପରେ ଥାନାର ମହିଳା କର୍ମଚାରୀମାନେ ଘଟଣା ସ୍ଥଳରେ ପହଞ୍ଚି ଯାଇଥିଲେ। ସେଠାରୁ ଯୁବତୀଙ୍କୁ ଉଦ୍ଧର କରାଯାଇ ପିସିଆର ଭ୍ୟାନ୍‌ରେ ବସା ଯାଇଥିଲା। ହେଲେ ନିଶାରେ ମସଗୁଲ ଯୁବତୀ ଆରମ୍ଭ କରିଦେଇଥିଲେ ନୌଟଙ୍କୀ। ପୋଲିସ୍‌ କର୍ମଚାରୀ ଯେନତେନ କରି ତାଙ୍କୁ ଥାନାକୁ ଆଣିବାକୁ ସକ୍ଷମ ହୋଇଥିଲେ। ହେଲେ ଥାନାରେ ବି ଯୁବତୀ ଜଣଙ୍କ ଆରମ୍ଭ କରିଦେଇଥିଲେ ନଖରାମୀ।

ସେ ଯାହା ହେଉ, ଯୁବତୀଙ୍କ ପରିଚୟ ମିଳିଛି। ତାଙ୍କ ବ୍ୟାଗରୁ ମିଳିଥିବା ଆଧାର କାର୍ଡରୁ ସେ କଟକ ଜିଲ୍ଲା ବାଦାମବାଡ଼ି ଥାନା ଅରୁଣଉଦୟ ନଗରର ବୋଲି ଜଣାପଡିଛି।

ଏବେ ଯୁବତୀ ଜଣଙ୍କୁ ସୁଧାର ଗୃହରେ ରଖାଯାଇ ତାଙ୍କ ପରିବାର ସହ ଯୋଗାଯୋଗ କରାଯାଉଛି।

This website uses cookies to improve your experience. We'll assume you're ok with this, but you can opt-out if you wish. AcceptRead More