ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଓଡିଶାରରେ ୩ଟି ରେଳ ପ୍ରକଳ୍ପର ଉଦ୍‌ଘାଟନ ରେଳ ରାଷ୍ଟ୍ରମନ୍ତ୍ରୀ ମନୋଜ ସିହ୍ନା। ଭୁବନେଶ୍ୱର ରେଳ ସଦନରୁ ଭିଡିଓ କନଫରେନ୍‌ସିଂ ଜରିଆରେ ଏହି ୩ଟି ପ୍ରକଳ୍ପର ଶୁଭାରମ୍ଭ ଓ ଭିତ୍ତିପ୍ରସ୍ତର ସ୍ଥାପନ କରାଯାଇଛି।</p> <p>ସମ୍ବଲପୁର-ଝାରସୁଗୁଡ଼ା ମଧ୍ୟରେ ନୂଆ ବିଦ୍ୟୁତ୍‌ ଲାଇନ୍‌ର ଶୁଭାରମ୍ଭ କରାଯାଇଛି। ଏହାସହ ସମ୍ବଲପୁର କ୍ଷେତରାଜପୁରରେ ଏକ ରୋଡ୍ ଓଭର ବ୍ରିଜ ନିର୍ମାଣର ଭିତ୍ତିପ୍ରସ୍ତର ସ୍ଥାପନ କରାଯାଇଛି। ଖୋର୍ଦ୍ଧା ରୋଡ୍‌ ଷ୍ଟେସନରେ ୱାଇଫାଇ ସେବାର ଉଦଘାଟନ ମଧ୍ୟ କରାଯାଇଛି।</p> <p>ମନ୍ତ୍ରୀ ସିହ୍ନା ଓଡ଼ିଆରେ ଓଡ଼ିଶାବାସୀଙ୍କୁ ନମସ୍କାର କରିବା ସହ ଜଗନ୍ନାଥ ଧାମକୁ ଆସିବାର ସୌଭାଗ୍ୟ ପାଇଥିବାରୁ ନିଜକୁ ଧନ୍ୟ ମନେ କରୁଥିବା କହିଥିଲେ।</p> <p>ଏହି ଅବସରରେ ସେ କହିଥିଲେ, “ଓଡ଼ିଶାରେ ରେଳ ଉନ୍ନତିକରଣ ପାଇଁ କେନ୍ଦ୍ର ସରକାରଙ୍କ ପକ୍ଷରୁ କୌଣସି ଅବହେଳା କରାଯାଉନାହିଁ। ପୂର୍ବରୁ ଓଡ଼ିଶାରେ ବିଭିନ୍ନ ରେଳ ପ୍ରକଳ୍ପ ପାଇଁ ୭୦୦ରୁ ୧୦୦୦ କୋଟି ଟଙ୍କାର ଅନୁଦାନ ମିଳୁଥିଲା। ଗତ ୩ ବର୍ଷରେ ଆମେ ଏହାକୁ ବଢାଇ ୫୦୦୦ କୋଟିରୁ ଅଧିକ କରି ଦେଇଛୁ। ୨୦ରୁ ୨୫ ବର୍ଷ ହେବ ଓଡ଼ିଶାରେ ଅଧପନ୍ତରିଆ ହୋଇ ପଡି ରହିଥିବା ବିଭିନ୍ନ ପ୍ରକଳ୍ପ କାମ ଶେଷ କରିବା ଏହାର ଅଭିପ୍ରାୟ।”</p> <p>ସେ ଆହୁରି କହିଛନ୍ତି ଯେ, ଖୋର୍ଦ୍ଧା ରୋଡ଼-ବଲାଙ୍ଗିର, ହରିଦାସପୁର-ପାରାଦୀପ ଓ ଅନୁଗୋଳ-ସୁକିନ୍ଦା ଯୋଜନାକୁ ଶୀଘ୍ର ଶେଷ କରିବାକୁ ପ୍ରାଥମିକତା ଦିଆଯାଉଛି। ଖୋର୍ଦ୍ଧା ରୋଡ଼ ଷ୍ଟେସନର ବିସ୍ତାର ପାଇଁ ବିଭାଗ ପକ୍ଷରୁ ଯୋଜନା କରାଯାଇଛି। ”</p> <p>ଏହି ଅବସରରେ ପାଇକ ବିଦ୍ରୋହ କଥା ମଧ୍ୟ ଉଠାଇଥିଲେ ସିଂହ୍ନା। ଖୋର୍ଦ୍ଧା ରୋଡ଼ରେ ୱାଇଫାଇ ସେବାର ଶୁଭାରମ୍ଭ କରି କହିଥିଲେ, “ଖୋର୍ଦ୍ଧାର ଇତିହାସ ବହୁତ ପୁରୁଣା। ସିପାହୀ ବିଦ୍ରୋହ ପୂର୍ବରୁ ଏଠାରେ ସଂଗଠିତ ହୋଇଥିଲା ପାଇକ ବିଦ୍ରୋହ।”</p> <p>ଗତ ଶନିବାର ହୋଇଥିବା ଉତ୍କଳ ଏକ୍ସପ୍ରେସ ଦୁର୍ଘଟଣାର ତଦନ୍ତ କରାଯାଉଛି। ଏହି ଘଟଣା ପାଇଁ ଯିଏ କେହି ବି ସମ୍ପୃକ୍ତ ଥିବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠନ ନିଆଯିବ ବୋଲି ମନ୍ତ୍ରୀ କହିଛନ୍ତି।</p> <p>ଏହି ପ୍ରକଳ୍ପ ଉଦ୍‌ଘାଟନ ସମାରୋହରେ ସାଂସଦ ପ୍ରସନ୍ନ ପାଟ୍ଟଶାଣୀ ଉପସ୍ଥିତ ଥିଲେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
