ଛାତ୍ରପୁର କାଉନ୍‌ସିଲରଙ୍କୁ ବିଜେପି ପ୍ରରୋଚନାରେ ହତ୍ୟା କରାଯାଇଛି?

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଛତ୍ରପୁର ବିଜେଡି କାଉନ୍&zwnj;ସିଲର ଲକ୍ଷ୍ମୀଦତ୍ତ ପ୍ରଧାନଙ୍କୁ ବିଜେପି ପ୍ରରୋଚନାରେ ହତ୍ୟା କରାଯାଇଛି। ବ୍ରହ୍ମପୁରରେ &lsquo;ମୋ&rsquo; ବୁଥ୍&zwnj; ମଜବୁଥ୍&zwnj;&rsquo; କାର୍ଯ୍ୟକ୍ରମରେ ଯୋଗଦେଇଥିବା ବଡ଼ବଡ଼ ନେତାମାନେ ଏହି ହତ୍ୟାକାଣ୍ଡର ମୁଖ୍ୟ ଷଡଯନ୍ତ୍ରକାରୀ କୃଷ୍ଣ ନାୟକଙ୍କ ଦ୍ୱାରା ଲକ୍ଷ୍ମୀଦତ୍ତଙ୍କୁ ହତ୍ୟା କରାଇଛନ୍ତି। ଆଜି ଏପରି ବିସ୍ଫୋରକ ବୟାନ ଦେଇଛନ୍ତି ବିଜେଡିର ବରିଷ୍ଠ ନେତା ପ୍ରଶାନ୍ତ ନନ୍ଦ।</p><p>ନନ୍ଦ କହିଛନ୍ତି-&ldquo;ଗଞ୍ଜାମରେ &lsquo;ମୋ ବୁଥ୍&zwnj; ମଜବୁଥ୍&zwnj;&rsquo; କାର୍ଯ୍ୟକ୍ରମ କରିବାକୁ ବିଜେପି ଚାହିଁଥିଲା। ସେତେବେଳେ ଅଧିକ କର୍ମୀ ନହେବେ ବୋଲି ଭାବିଥିଲେ। ବିଜେପି ସେହି କାର୍ଯ୍ୟକ୍ରମକୁ ସଫଳ କରିବା ପାଇଁ କିଛି ମାଫିଆ ଓ ଗୁଣ୍ଡାଙ୍କୁ ନେଇ ଦଳରେ ସାମଲ କରିଥିଲା। ଏପରିକି ସେମାନଙ୍କ ହାତ ଧରି ଫଟୋ ଉଠାଇଥିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ସେହି କାର୍ଯ୍ୟକ୍ରମରେ ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ମଧ୍ୟ ଉପସ୍ଥିତ ଥିଲେ।&rdquo;</p><p>ସେ କହିଛନ୍ତି-&ldquo;ଛତ୍ରପୁର ଏନ୍&zwnj;ଏସିର କାଉନ୍&zwnj;ସିଲରଙ୍କୁ ସମସ୍ତଙ୍କ ସମ୍ନାରେ ଗୋଡାଇ ଗୋଡ଼ାଇ ବିଜେପି କର୍ମୀମାନେ ହତ୍ୟା କଲେ। ମାତ୍ର ଏଥିପାଇଁ ସେମାନେ ଅନୁତାପ କଲେ ନାହିଁ। ବିଜେପି ସିବିଆଇ ଓ ଗୁଣ୍ଡାମାନଙ୍କୁ ନେଇ ଯେଉଁ ୧୨୦ର ସପ୍ନ ଦେଖିଛି, ଏହା ବିରୋଧରେ ବିଜେଡି ରାସ୍ତାକୁ ଓହ୍ଲାଇବ।&rdquo;</p><p>ପ୍ରଶାନ୍ତ ନନ୍ଦଙ୍କ ଅଭିଯୋଗର ଜବାବ ରଖିଲେ ବିଜେପି ମୁଖପାତ୍ର ଗୋଲୋକ ମହାପାତ୍ର। ସେ କହିଛନ୍ତି-&ldquo;ବିଧାୟକ ଓ କାଉନ୍&zwnj;ସିଲର ବିବାଦରୁ ଲକ୍ଷ୍ମୀଦତ୍ତଙ୍କୁ ହତ୍ୟା କରାଯାଇଛି। ମୃତ କାଉନସିଲର ଚେୟାରମ୍ୟାନଙ୍କ ଗୋଷ୍ଠୀର ଥିଲେ। ହତ୍ୟାକାରୀ ହତ୍ୟାକାଣ୍ଡ ପୂର୍ବରୁ ବିଧାୟକଙ୍କ ଘରକୁ ଯାଇଥିଲେ। ବିଧାୟକଙ୍କ ଘରେ ଲାଗିଥିବା ସିସିଟିଭି ଯାଞ୍ଚ ହେଲେ ସ୍ପଷ୍ଟ ହେବ।&rdquo;</p><p>କିଛି ଦିନ ତଳେ ବ୍ରହ୍ମପୁରରେ ହୋଇଥିଲା &lsquo;ମୋ&rsquo; ବୁଥ୍&zwnj; ମଜବୁଥ୍&zwnj;&rsquo; କାର୍ଯ୍ୟକ୍ରମ। ଏଥିରେ ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଓ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କ ଉପସ୍ଥିତିରେ କୃଷ୍ଣ ନାୟକ ବିଜେପିରେ ଯୋଗଦେଇଥିଲେ।</p><p>[vc_video link=&quot;&quot; align=&quot;center&quot;]</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।