ଆଉ ଶତ୍ରୁଙ୍କ ପାଇଁ ସହଜ ନୁହେଁ ଓଡ଼ିଶା ଉପକୂଳ: ନିମିଷକେ ନିପାତ କରିବ କୋଷ୍ଟଗାର୍ଡ଼

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଓଡ଼ିଶା ଉପକୂଳର ସୁରକ୍ଷା ଓ ପ୍ରାକୃତିକ ବିପର୍ଯ୍ୟୟର ମୁକାବିଲା ପାଇଁ ଇଣ୍ଡିଆନ୍ କୋଷ୍ଟଗାର୍ଡର ନୂଆ ଉଦ୍ୟମ। ଭୁବନେଶ୍ୱରରେ ବେସ୍ କରିବ ଅତ୍ୟାଧୁନିକ &lsquo;ଧ୍ରୁବ ମାର୍କ-୩ ଚପର&rsquo; ଓ ଟ୍ୱିନ୍ ଇଞ୍ଜିନ୍ &lsquo;ଏୟାର ବସ୍ ଟାକ୍ଟିକାଲ୍ ଚପର&rsquo;। ଭୁବନେଶ୍ୱର ବିମାନବନ୍ଦର ପରିସରରେ ନବନିର୍ମିତ ମଲ୍ଟି ମିଶନ୍ ମେରିଟାଇମ୍ ଏୟାରକ୍ରାଫ୍ଟ ହ୍ୟାଙ୍ଗର ଉଦ୍&zwnj;ଘାଟନ ଅବସରରେ ଆଜି ଏହି ସୂଚନା ଦେଇଛନ୍ତି କୋଷ୍ଟଗାର୍ଡ ଡିଜି।</p> <p>ଆଜି ଭୁବନେଶ୍ୱର ବିମାନ ବନ୍ଦରରେ ସ୍ୱତନ୍ତ୍ର ଉତ୍ସବ ଆୟୋଜନ କରାଯାଇଥିଲା। ନୂତନ ଭାବେ କରାଯାଇଥିବା ମଲ୍ଟି ମିଶନ ମେରିଟାଇମ୍ ଏୟାରକ୍ରାଫ୍ଟ୍ ହ୍ୟାଙ୍ଗରକୁ ଉଦ୍&zwnj;ଘାଟନ କରାଯାଇଛି। ଏଥିରେ ମୁଖ୍ୟ ଅତିଥି ଭାବେ କୋଷ୍ଟଗାର୍ଡ଼ ଡିଜି ରାଜେନ୍ଦ୍ର ସିଂ ଯୋଗ ଦେଇଥିଲେ।</p> <p>ବର୍ତ୍ତମାନ ସମୟରେ ସମୁଦ୍ର ପଟୁ ଆକ୍ରମଣର ସମ୍ଭାବନାକୁ ଆଖି ଆଗରେ ରଖି କୋଷ୍ଟଗାର୍ଡ଼କୁ ଅଧିକ ସୁଦୃଢ଼ କରାଯାଉଛି। ଆଗାମୀ ଦିନରେ ୩୨,୦୦୦ କୋଟି ଟଙ୍କା ବ୍ୟୟରେ କୋଷ୍ଟଗାର୍ଡ଼କୁ ଅଧିକ କ୍ରିୟାଶୀଳ କରାଯିବାର ଯୋଜନା ପ୍ରସ୍ତୁତ ରହିଛି। ୨୦୨୨ ସୁଦ୍ଧା ୧୭୫ଟି ନୂଆ ଜାହାଜ ଓ ୧୧୦ଟି ଏୟାକ୍ରାଫ୍ଟ ମଧ୍ୟ କୋଷ୍ଟଗାର୍ଡ଼ ପାଖରେ ଉପଲବ୍ଧ ହେବ। ଏହାଛଡ଼ା ୧୪ଟି ଏୟାର ଟ୍ୱିନ୍&zwnj; ଇଞ୍ଜିନ ଇସି-୭୨୫ ଟାକ୍&zwnj;ଟିକାଲ ଚପର ଓ ୧୬ଟି ଧ୍ରୁବ୍&zwnj; ମାର୍କ-୩ ଚପର ପାଇଁ ମଧ୍ୟ ହିନ୍ଦୁସ୍ତାନ ଏରୋନଟିକସ୍&zwnj;କୁ ଅର୍ଡ଼ର ଦିଆଯାଇଛି। ଏଗୁଡ଼ିକ କୋଷ୍ଟଗାର୍ଡ଼ ନିକଟରେ ଉପଲବ୍ଧ ହେଲେ ଭୁବନେଶ୍ୱରରେ ପ୍ରାୟ ୨ଟି ଏୟାର ବସ୍&zwnj; ଓ ଧ୍ରୁବ ମାର୍କ-୩ ଚପର ବେସ୍&zwnj; କରିବ। ଏହାଦ୍ୱାରା ଓଡ଼ିଶା ସମେତ ଭାରତର ପୂର୍ବ ଉପକୂଳ ଅଧିକ ସୁରକ୍ଷିତ ହୋଇପାରିବ ବୋଲି କୋଷ୍ଟଗାର୍ଡ଼ ଡିଜି ରାଜେନ୍ଦ୍ର ସିଂ ରଖିଛନ୍ତି।</p> <p>ଗୋଟିଏ ପାର୍ଶ୍ୱରେ ହିମାଳୟକୁ ଛାଡ଼ିଦେଲେ ଅନ୍ୟ ତିନି ପଟରୁ ଆମ ଦେଶକୁ ସମୁଦ୍ର ଘେରି ରହିଛି। ଏହି ସମୁଦ୍ର ପଟୁ ହିଁ ଆତଙ୍କବାସୀ ମୁମ୍ବାଇ ଆକ୍ରମଣ କରିଥିଲେ। ଏହାପରେ କୋଷ୍ଟଗାର୍ଡ଼ର କାର୍ଯ୍ୟ ପରିସୀମା ପଢ଼ି ଯାଇଥିଲା। ଚୀନ୍&zwnj; ହେଉ କିମ୍ୱା ପାକିସ୍ଥାନ, ଶ୍ରୀଲଙ୍କ ହେଉ କିମ୍ୱା ବର୍ମା, ସାମ୍ପ୍ରତିକ ପରିସ୍ଥିତିକୁ ଆଖି ଆଗରେ ରଖି କୋଷ୍ଟଗାର୍ଡ଼ ଏଭଳି ପଦକ୍ଷେପ ନେଇଛି ବୋଲି ବିଶେଷଜ୍ଞ ମତ ଦେଇଛନ୍ତି।</p> <p>&amp;nbsp;</p>