କଲେଜ ନିର୍ବାଚନରେ ଟଙ୍କା କାରବାରକୁ ନେଇ ଛାତ୍ର ରାଜନୀତି ସରଗରମ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ରମାଦେବୀ ମହିଳା ବିଶ୍ୱବିଦ୍ୟାଳୟ ପରେ ଜୟପୁର ବିକ୍ରମ ଦେବ କଲେଜରେ ଟଙ୍କା ବଣ୍ଟା ଯାଇଥିବା ଅଭିଯୋଗ ହୋଇଛି। ଛାତ୍ରଛାତ୍ରୀଙ୍କୁ ପୁସିଂ କାର୍ଡ ଓ ଗୋଲାପ ଫୁଲର ବଦଳରେ ଏଠାରେ ଟଙ୍କା ବାଣ୍ଟା ଯାଉଥିଲା। ନିର୍ବାଚନରେ ବିଜୟୀ ସଭାପତି ଏମ. ଆକାଶଙ୍କ ବିରୋଧରେ ଏପରି ଅଭିଯୋଗ ଆଣିଛନ୍ତି ପରାଜିତ ପ୍ରାର୍ଥୀ ଜୟ ମୁଦୁଲି। ଏପରିକି ସାମ୍ବାଦିକ ସମ୍ମିଳନୀ କରି ଟଙ୍କା ବଣ୍ଟା ଯିବା ବେଳର ଭିଡ଼ିଓ ମଧ୍ୟ ଦେଖାଇଥିଲେ। ଭିଡିଓରେ କଲେଜ ୟୁନିଫର୍ମ ପିନ୍ଧା କେତେକ ଛାତ୍ରଙ୍କୁ କଲେଜ ପରିସରରେ ଟଙ୍କା ଯଚା ଯାଉଥିବା ଦେଖିବାକୁ ମିଳିଛି। ଭୋଟ୍&zwnj; ପାଇଁ ଡାଲ୍&zwnj; କରୁଛନ୍ତି ଜଣେ ଅଣ ଛାତ୍ର ଓ ଜଣେ ବୟସ୍କ ବ୍ୟକ୍ତି। ତେଣୁ ନବ ନିର୍ବାଚିତ ଛାତ୍ର ସଂସଦ ସଭାପତିଙ୍କ ପଦ ରଦ୍ଦ କରାଯାଉ ବୋଲି ଦାବି କରିଛନ୍ତି ପରାଜିତ ପ୍ରାର୍ଥୀ ଜୟ ମୁଦୁଲି ଓ ପୂର୍ବତନ ଛାତ୍ର ସଂସଦ ସଭାପତି।</p><p>&lt;a href=&quot;&quot;&gt;(image) &lt;/a&gt;ବିକ୍ରମଦେବ କଲେଜ ପରାଜିତ ସଭାପତି ପ୍ରାର୍ଥୀ ଜୟ ମୁଦୁଲି କହିଛନ୍ତି-&ldquo;ବିଜୟୀ ହୋଇଥିବା ପ୍ରାର୍ଥୀ ଅର୍ଥ ବଳରେ ଜିତିଛନ୍ତି। ଏନେଇ ଯଥେଷ୍ଟ ପ୍ରମାଣ ମୋ&rsquo; ପାଖରେ ରହିଛି। ତେଣୁ ବିଜୟୀ ଛାତ୍ରଙ୍କ ପଦ ରଦ୍ଦ କରାଯାଉ। ତାହା ନହେଲେ ଆଗାମୀ ଦିନରେ ଆନ୍ଦୋଳନ କରାଯିବ।&rdquo;</p><p>ପୂର୍ବତନ ଛାତ୍ର ସଂସଦ ସଭାପତି ସନ୍ଦୀପ ସାମନ୍ତରାୟ କହିଛନ୍ତି-&ldquo;ଛାତ୍ର ସଂସଦ ନିର୍ବାଚନ ସମୟରେ ହୋଇଥିବା ଟଙ୍କା କାରବାର ଘଟଣାର ତଦନ୍ତ କରାଯାଉ। ଯଦି ଏହା ଉପରେ ତଦନ୍ତ କରା ନଯାଏ, ଆଗାମୀ ଦିନରେ ଛାତ୍ର ଆନ୍ଦୋଳନ ତୀବ୍ରତର ହେବ। ଦରକାର ପଡ଼ିଲେ ଆମେ ଆଇନ୍&zwnj;ର ଆଶ୍ରୟ ନେବୁ।&rdquo;</p><p>ବିକ୍ରମଦେବ କଲେଜ ଛାତ୍ର ସଂସଦ ସଭାପତି ଏମ୍. ଆକାଶ କହିଛନ୍ତି-&ldquo;ଛାତ୍ରଛାତ୍ରୀମାନେ ଯୋଗ୍ୟ ପ୍ରାର୍ଥୀଙ୍କୁ ବାଛିଛନ୍ତି। ଏଥିରେ କୌଣସି ଟଙ୍କା କାରବାର ହୋଇନାହିଁ। ପରାଜିତ ଛାତ୍ର ଈର୍ଶାରେ ବଶବର୍ତ୍ତୀ ହୋଇ ଏପରି କରିଛନ୍ତି। ଯେଉଁ ଭିଡିଓ ସେମାନେ ଦେଖାଇଛନ୍ତି, ତାହା ସମ୍ପର୍କରେ ମୁଁ କିଛି ଜାଣିନି।&rdquo;</p><p>ରମାଦେବୀ ମହିଳା ବିଶ୍ୱବିଦ୍ୟାଳୟରେ ଚଳିତ ବର୍ଷ ଆସିଥିଲା ଅନୁରୂପ ଅଭିଯୋଗ। ଭୋଟ୍ ଗ୍ରହଣ ଦିନ କିଛି ଭୋଟରଙ୍କୁ ଗୋଲାପ ଫୁଲ ସହ ୫୦୦ ଟଙ୍କିଆ ନୋଟ୍ ଦିଆଯାଇଥିବାବେଳର ଚିତ୍ର ସୋସିଆଲ୍ ମିଡିଆରେ ଭାଇରାଲ୍ ହୋଇଥିଲା। ଯାହାକୁ ନେଇ ଉଠିଥିଲା ଆପତ୍ତି। ଏବେ ବିକ୍ରମଦେବ କଲେଜରୁ ଅଭିଯୋଗ ଆସିବା ପରେ ରାଜ୍ୟର ତିନି ପ୍ରମୁଖ ଛାତ୍ର ସଂଗଠନ ଏହାକୁ ନିନ୍ଦା କରୁଥିଲେ ମଧ୍ୟ ପରସ୍ପରକୁ ଆରୋପ ଲଗାଇବାକୁ ପଛାଇ ନାହାନ୍ତି।</p><p>ଛାତ୍ର କଂଗ୍ରେସ ଉପଦେଷ୍ଟା ମନୋଜ ବିଶ୍ୱାଳ କହିଛନ୍ତି-&ldquo;ବିଜୁ ଛାତ୍ର ଜନତା ଦଳ ଭୋଟ୍&zwnj; ହାତେଇବା ପାଇଁ କେତେ ତଳସ୍ତରକୁ ଯାଇପାରନ୍ତି, ତାର ଝରଲ ଦେଖିବାକୁ ମିଳିଛି। ନିଜ ସପକ୍ଷରେ ଭୋଟ ହାତେଇବା ପାଇଁ ସେମାନେ କେତେ ବେଳେ ପଇସା ବାଣ୍ଟୁଛନ୍ତି ତ ଆଉ କେତେବେଳେ ଗୁଣ୍ଡାମାନଙ୍କୁ ବ୍ୟବହାର କରୁଛନ୍ତି। ଏହା ଛାତ୍ର ରାଜନୀତ ପାଇଁ ଏକ କଳଙ୍କିତ ଅଧ୍ୟାୟ।&rdquo;</p><p>ଏବିଭିପି ଉପଦ୍ଦେଷ୍ଟା ତନ୍ମୟ ଦାସ କହିଛନ୍ତି-&ldquo;ଛାତ୍ର ସଂସଦ ନିର୍ବାଚନରେ ପଇସା ବଳରେ ଭୋଟ କିଣାଯାଉଛି। ଏପରି ଗୋଟିଏ କି ଦୁଇଟି କଲେଜରେ ହୋଇନାହିଁ। ଅନେକ କଲେଜର ପଇସା ଦେଇ ଭୋଟ କିଣାଯାଉଛି। ଏହା ସତ୍ତ୍ୱେ ସେମାନେ ବାହାସ୍ପୋଟ୍&zwnj; ମାରୁଛନ୍ତି। ଏଥିରୁ ଜଣାପଡ଼ୁଛି ସେମାନେ କେତେ ତଳକୁ ଖସି ଯାଇପାରନ୍ତି।&rdquo;</p><p>ବିଜୁ ଛାତ୍ର ଜନତା ଦଳ ଉପଦ୍ଦେଷ୍ଟା ଚିନ୍ମୟ ସାହୁ କହିଛନ୍ତି-&ldquo;ଅଙ୍ଗୁରୁ ଖାଇ ନପାରିଲେ ଖଟା। ଯେଉଁମାନେ କେବେ ଛାତ୍ର ନେତା ହୋଇ ନଥିଲେ ସେମାନେ ଆଜି ଛାତ୍ର ନେତା ସାଜିଛନ୍ତି। ଏହା ଛାତ୍ର ସମାଜ ପାଇଁ ଅପମାନ ଜନକ। ଆଜି ଶିକ୍ଷିତ ଛାତ୍ରଛାତ୍ରୀ କେବେ ହେଲେ ପଇସାରେ ପ୍ରଭାବିତ ହେବନାହିଁ।&rdquo;</p><p>[vc_video link=&quot;https://www.youtube.com/watch?v=D6tbXtcuzd8&quot; align=&quot;center&quot;]</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।