ସୁର-ତାରା ତୁତୁ ମେଁମେଁ, କହିଲେ- କଂଗ୍ରେସ କାହା ବୋପାର ନୁହେଁ

<p>ଭୁବନେଶ୍ୱର: କଂଗ୍ରେସରେ ଥିବା ଗୋଷ୍ଠୀ କନ୍ଦଳ ବିସ୍ଫୋରକ ରୂପ ନେଇଛି। ସ୍ଥିତି ଏପରି ହୋଇଛି ଯେ ବରିଷ୍ଠ ନେତା ପରସ୍ପରକୁ ଧମକାଇବା ଆରମ୍ଭ କରିଛନ୍ତି। ଏପରିକି କଂଗ୍ରେସର ମାଲିକାନାକୁ ନେଇ ନେତା ନେତା ମଧ୍ୟରେ ଲାଗିଛି ତୁତୁ ମେଁମେଁ। ଖାଲି ସେତିକି ନୁହେଁ, କଥା ନିଆଁ ଜଳିବା, ଧୂଆଁ ଉଠିବା ପର୍ଯ୍ୟନ୍ତ ବି ପହଞ୍ଚି ଗଲାଣି।</p><p>ଆଜି ଏମିତି କଥା କଟାକଟି ହୋଇଛନ୍ତି, ବିରୋଧୀ ଦଳ ମୁଖ୍ୟ ସଚେତକ ତାରାପ୍ରସାଦ ବାହିନୀପତି ଏବଂ ବରିଷ୍ଠ କଂଗ୍ରେସ ନେତା ସୁରେଶ ରାଉତରାୟ। ସୁରଙ୍କୁ ଟାର୍ଗେଟ କରି ତାରା କହିଛନ୍ତି- &ldquo;କଂଗ୍ରେସ ଦଳ କାହା ପୈତୃକ ସମ୍ପତ୍ତି ନୁହେଁ କି କଂଗ୍ରେସ ଭବନ କାହା ବାପାର ନୁହେଁ। ସୁରେଶ ରାଉତରାୟ ବିଭିନ୍ନ କଥା କହୁଛନ୍ତି ବୋଲି ବହୁତ ଲୋକ କଂଗ୍ରେସ ଭବନକୁ ଯାଉନାହାଁନ୍ତି। କେତେବେଳେ କହୁଛନ୍ତି ୨ ଟଙ୍କିଆ ଏମ୍&zwnj;ଏଲ୍&zwnj;ଏ ତ ଆଉ କେତେବେଳେ କହୁଛନ୍ତି ଚାରଣା ଏମ୍&zwnj;ଏଲ୍&zwnj;ଏ। ଏ ଦାଦାଗିରି ଚଳିବ ନାହିଁ।&rdquo;</p><p>[vc_video link=&quot;&quot; align=&quot;center&quot;]</p><p>ସେ ଆହୁରି କହିଛନ୍ତି- &ldquo;ଏପରି ଅପମାନ ଚଳିବ ନାହିଁ। ଆମେ ଦିଲ୍ଲୀ ଯାଇ ସୋନିଆ ଗାନ୍ଧିଙ୍କୁ ଦେଖା କରି ଏପରି ମନ୍ତବ୍ୟ ଉପରେ ଆଲୋଚନା କରିବୁ।&rdquo;</p><p>ସେହିପରି ତାରା ପିସିସି ସଭାପତି ପ୍ରସାଦ ହରିଚନ୍ଦନଙ୍କୁ ମଧ୍ୟ ଟାର୍ଗେଟ କରିଛନ୍ତି। ସେ କହିଛନ୍ତି- &ldquo;ପ୍ରସାଦ ବାବୁ ଜାଣିଶୁଣି ତାଙ୍କ ଶ୍ୱଶୁର (ସୁର ରାଉତରାୟ)ଙ୍କ ତୁଣ୍ଡରେ ଏସବୁ କଥା କହୁଛନ୍ତି। ଏଥିପାଇଁ ବିଧାୟକ ଦଳ ଭୟଭୀତ ନୁହେଁ। ମୁଁ କହିବାକୁ ଚାହୁଁଛି ଦୟାକରି ଚୁପ ରୁହ। କଥା ଆଗକୁ ବଢାଇଲେ ବିଷମ ହେବ।&ldquo;</p><p>ଅନ୍ୟପକ୍ଷରେ ତାରାଙ୍କ ମନ୍ତବ୍ୟକୁ ନେଇ ସୁର ନିଆଁ ଜଳିବ ବୋଲି କହିଛନ୍ତି। ସେ କହିଛନ୍ତି- &ldquo;ଦୁଇ ତିନିଜଣ ଭଡ଼ଭଡ଼ ହେଉଛନ୍ତି। କଂଗ୍ରେସ କ&rsquo;ଣ ଏମାନଙ୍କ ପୈତୃକ ସମ୍ପତ୍ତି। କଂଗ୍ରେସ ଜନସାଧାରଣଙ୍କର। ଅଗାଣ୍ଡିଆ ରାଜାକୁ ପାଳଚୁଣ୍ଟା ମନ୍ତ୍ରୀ, ତୁମେ ଏମ୍&zwnj;ଏଲ୍&zwnj;ଏ ହୋଇଛ ବୋଲି ରାହୁଲ ଗାନ୍ଧିଙ୍କୁ ଅଗାଣ୍ଡିଆ କହିବ। ଆଉ ଗୋଟେ ଏମ୍&zwnj;ଏଲ୍&zwnj;ଏ କହୁଛି &lsquo;ହରିଆ&rsquo;। ପ୍ରସାଦଙ୍କୁ ଇସ୍ତଫା ଦେବାକୁ କହୁଛ, ତୁମେ କ&rsquo;ଣ ତାଙ୍କୁ ପିସିସି ସଭାପତି କରିଥିଲ।&rdquo;</p><p>ସେ ଆହୁରି କହିଛନ୍ତି- &ldquo;ତୁମେ ଗୋଟେ ଏମ୍&zwnj;ଏଲ୍&zwnj;ଏ। ଏତେ କାହିଁକି ହାଁ ହାଁ ହେଉଛ। ତୁମେ ଜଣେ ଦୁଇଜଣ ଫାଷ୍ଟ ଟାଇମ୍&zwnj; ଆସିଛ। ଆଗରୁ ବିଜେପିରେ ଥିଲ ଜିତି ପାରୁନଥିଲ। ହାତ ଚିହ୍ନରେ ଜିତିଛ। କଂଗ୍ରେସ ପଛରେ ଲାଗିଲେ ଧୂଆଁ ହୋଇଯିବ। ସେ ଧୂଆଁରେ ଜଳିଯିବ।&rdquo;</p><p>ଓଡ଼ିଶାରେ ଖରାପ ସ୍ଥିତିରେ ଥିବା କଂଗ୍ରେସରେ ଏବେ ଗୋଷ୍ଠୀ କନ୍ଦଳ ଚରମ ସୀମାରେ ପହଞ୍ଚିଛି । କିଛିଦିନ ତଳେ କିଛି ବରିଷ୍ଠ ନେତା ଓ ନେତ୍ରୀ ଦଳ ଛାଡ଼ିଛନ୍ତି। ଏପରି ସ୍ଥିତିରେ ବରିଷ୍ଠ ନେତାମାନଙ୍କର ଏପରି ପରସ୍ପର ବିରୋଧୀ ମନ୍ତବ୍ୟ ଦଳକୁ ଯେ ରସାତଳକୁ ନେଇଯିବ ଏଥିରେ ସନ୍ଦେହ ନାହିଁ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।