ଡାର୍ଟି ପ୍ରଫେସରଙ୍କ ହେଟ୍‌ ଷ୍ଟୋରୀ! ଛାତ୍ରୀଙ୍କ ଅଭିଯୋଗ-ମୋତେ ଆଖି ମାରୁଥିଲେ, ଘରକୁ ଡାକି ଯାହା କରୁଥିଲେ କହିହେବନି

<p>କଟକ (ଓଡ଼ିଶା ରିପୋର୍ଟର): କଟକ ଏସ୍&zwnj;ସିବି ମେଡ଼ିକାଲ କଲେଜରେ ପୁଣି ଜଣେ ଡାକ୍ତରୀ ଛାତ୍ରୀଙ୍କୁ ଯୌନ ନିର୍ଯାତନା ଦିଆଯାଉଥିବା ଅଭିଯୋଗ ହୋଇଛି। ମେଡ଼ିକାଲ କଲେଜର ଜଣେ ଆସୋସିଏଟ୍ ପ୍ରଫେସର ଓ ସିନିୟର ରେସିଡେଣ୍ଟଙ୍କ ନାଁରେ ଏପରି ଅଭିଯୋଗ ଆଣିଛନ୍ତି ଡେଣ୍ଟାଲ ବିଭାଗର ପିଜି ଛାତ୍ରୀ। ଏପରିକି ଛାତ୍ରୀ ଜଣକ ଡେଣ୍ଟାଲ ବିଭାଗର ଏଚ୍&zwnj;ଓଡିଙ୍କ ବିରୋଧରେ ମଧ୍ୟ ଦୁର୍ବ୍ୟହାର ଅଭିଯୋଗ ଆଣିଛନ୍ତି। ଏନେଇ ମଙ୍ଗଳାବାଗ ଥାନାରେ ଅଭିଯୋଗ ହେବା ପରେ ପୋଲିସ ୩୫୪, ୩୫୪ ଏ, ୨୯୪, ୩୨୩, ୫୦୬, ୪୩ ଆଇପିସିରେ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।</p> <p>ଛାତ୍ରୀ ଜଣକ କହିଛନ୍ତି-&ldquo;ଜଣେ ଆସୋସିଏଟ୍ ପ୍ରଫେସର ଓ ଜଣେ ସିନିୟର ରେସିଡେଣ୍ଟ ମୋତେ ଅଶ୍ଲୀଳ ଇଙ୍ଗିତ କରୁଥିଲେ। ଏପରିକି ଆଖି ମଧ୍ୟ ମାରୁଥିଲେ। କେସ୍&zwnj; ଡିସ୍&zwnj;କସ୍&zwnj;ନ କରିବା ପାଇଁ ଘରକୁ ଡାକିଥିଲେ। କ୍ୟାରିଅରକୁ ଧ୍ୟାନଦେଇ ମୁଁ ବାଧ୍ୟ ସେମାନଙ୍କ ଘରକୁ ଯାଇଥିଲି। ସେଠାରେ ମୋତେ ଯାହା ସବୁ କରାଯାଇଥିଲା, ତାହା କହିବା ସମ୍ଭବ ନୁହେଁ। ଯେତେବେଳେ ନିର୍ଯାତନା ଅସହ୍ୟ ହେଲା ବାଧ୍ୟ ହୋଇ ପରିବାର ଲୋକଙ୍କ ପରାମର୍ଶ କ୍ରମେ ଏଚ୍&zwnj;ଓଡିଙ୍କ ପାଖରେ ଅଭିଯୋଗ କରିବାକୁ ଯାଇଥିଲି। ମାତ୍ର ସେ ମୋ କଥା ଶୁଣିବା ପରିବର୍ତ୍ତେ ମୋତେ ଅଶ୍ଲୀଳ ଭାଷାରେ ଗାଳି ଦେଇଥିଲେ। ଏପରିକି ମୋ&rsquo; ଗଳା ଧରି କ୍ୟାବିନ୍&zwnj;ରୁ ବାହାର କରିଦେଇଥିଲେ।&rdquo;</p> <p>କଟକ ଡିସିପି ଅଖିଳେଶ୍ୱର ସିଂହ କହିଛନ୍ତି-&ldquo;ଛାତ୍ରୀଙ୍କ ଅଭିଯୋଗ ଭିତ୍ତିରେ ମାମଲା ରୁଜୁ କରାଯାଇଛି। ଅଭିଯୋଗ ଆଧାରରେ ତଦନ୍ତ ଆରମ୍ଭ ହୋଇଛି। ତଦନ୍ତ କାଳରେ ଯାହା ସାମ୍ନାକୁ ଆସିବ, ପଦକ୍ଷେପ ନିଆଯିବ।&rdquo;</p> <p>ଡାକ୍ତରୀ ଛାତ୍ରୀଙ୍କ ଅଭିଯୋଗକୁ ବିଭାଗୀୟ ମୁଖ୍ୟ ଇନ୍ଦୁ କରଙ୍କ ଖଣ୍ଡନ କରିଛନ୍ତି। ସେ କହିଛନ୍ତି-&ldquo;ନାଇଟ୍&zwnj; ଡ୍ୟୁଟିରେ ନ ଆସିବାରୁ ବିଭାଗୀୟ ମୁଖ୍ୟ ଭାବେ ତାଗିଦ କରିଥିଲେ। ଆସୋସିଏଟ୍ ପ୍ରଫେସର ଓ ଏସ୍ଆରଙ୍କ ନାଁରେ ଯଦି ମିଥ୍ୟ ଅଭିଯୋଗ ଆଗରୁ ହୋଇଥିଲା, ତାହାହେଲେ ମୋ&rsquo; କାନକୁ ଆସି ପାରିଥାନ୍ତା। ତଦନ୍ତ ହେଲେ ସବୁ ତଥ୍ୟ ପଦାକୁ ଆସିବ।&rdquo;</p> <p>[vc_video link=&quot;&quot; align=&quot;center&quot;]</p>