କଟକ: ତ୍ରାହି ଅଚ୍ୟୁତ ଆଶ୍ରମ ମୁଖ୍ୟ ସୁରବାବାଙ୍କ ବଡପୁଅ ତ୍ରିଲୋଚନ ମିଶ୍ରଙ୍କ ତୃତୀୟ ପର୍ଯ୍ୟାୟ କ୍ରାଇମବ୍ରାଞ୍ଚ ରିମାଣ୍ଡର ଆଜି ପ୍ରଥମ ଦିନ। ସୁରେନ୍ଦ୍ରଙ୍କ ବିଲଡର ଓ ଅର୍ଥନୈତିକ କାରବାର ସଂପର୍କରେ ଅଧିକ ଖୋଳତାଡ ଲାଗି କ୍ରାଇମବ୍ରାଞ୍ଚ ତାଙ୍କୁ ଜେରା କରିବ।
ଭୁବନେଶ୍ୱରର ଏକ ବ୍ୟାଙ୍କରେ ସୁରେନ୍ଦ୍ରଙ୍କ ଆଉ ଏକ ଲକର ଠାବ କରାଯାଇଛି। କ୍ରାଇମବ୍ରାଞ୍ଚ ସୂତ୍ରରୁ ମିଳିଥିବା ସୂଚନା ଅନୁସାରେ ସୁରେନ୍ଦ୍ରଙ୍କ ବାର୍ଷିକ ସାଢେ ୩ କୋଟିରୁ ୪ କୋଟି ଟଙ୍କାର କାରବାର ଥିବା ଜଣାପଡିଛି। କିନ୍ତୁ ସେ ଏ ବାବଦରେ ଟିକସ ଦେଉ ନ ଥିଲେ।
ସେପଟେ ରିମାଣ୍ଡ ଅବଧି ସରିବା ପରେ ସୁରେନ୍ଦ୍ର ଓ ତାଙ୍କ ସାନ ପୁଅ ବିରଞ୍ଚିକୁ ୧୪ ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଛି। ଗତକାଲି ଅପରାହ୍ନରେ କଡା ସୁରକ୍ଷା ବ୍ୟବସ୍ଥା ମଧ୍ୟରେ ସୁରେନ୍ଦ୍ର ଓ ତାଙ୍କ ଦୁଇ ପୁଅଙ୍କୁ ଭୁବନେଶ୍ୱରସ୍ଥିତ ଜେଏମଏଫସି କୋର୍ଟକୁ ଅଣାଯାଇଥିଲା। ତେବେ କୋର୍ଟରେ ପ୍ରବଳ ଗହଳି ଯୋଗୁଁ ସେମାନଙ୍କୁ ବିଚାରପତିଙ୍କ ବାସଭବନରେ ହାଜର କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।