ପ୍ରଚାର ସର୍ବସ୍ୱରେ ନମ୍ବର ୱାନ୍ ହୋଇ ‌ଆତ୍ମବଡ଼ିମା ଦେଖାଉଛନ୍ତି ନବୀନ: ଧର୍ମେନ୍ଦ୍ର

<p>ଭୁବନେଶ୍ୱର: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରଚାର ସର୍ବସ୍ୱରେ ନମ୍ବର ୱାନ୍ ହୋଇ &zwnj;ଆତ୍ମବଡ଼ିମା ଦେଖାଉଛନ୍ତି। ଏହା ଦିନରେ ଲଣ୍ଠନ ଦେଖାଇବା ସହ ସମାନ। ବୁଡ଼ି ଯାଉଥିବା ଲୋକ କୁଟା ଖିଅକୁ ବି ଧରେ। ନବୀନଙ୍କୁ ଶ୍ରେଷ୍ଠ ପ୍ରଶାସକ ପୁରସ୍କାର ପ୍ରଦାନ ପ୍ରସଙ୍ଗରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ଏହି ମନ୍ତବ୍ୟ ଦେଇଛନ୍ତି।</p> <p>ସେ କହିଛନ୍ତି,&ldquo;ଖଣି ଦୁର୍ନୀତି ସଂପର୍କରେ ସୁପ୍ରିମକୋର୍ଟ ଓଡ଼ିଶାର ପ୍ରଶାସନ ଉପରେ ଯେଉଁ ପ୍ରକାର ମନ୍ତ୍ୟବ ଦେଇଛନ୍ତି, ତାହା ସମସ୍ତଙ୍କର ଆଖି ଖୋଲିବା ଭଳି। ପାହାଡ଼ ଭଳିଆ ଖଣିକୁ ଲୁଟ କରି ନିଆଗଲା। ଏଥିରେ ଓଡ଼ିଶା ସରକାର ଭାଗିଦାର ବୋଲି ସୁପ୍ରିମକୋର୍ଟଙ୍କ ଟିପ୍ପଣୀ ରହିଛି। ତା&rsquo; ପରେ ବି ଯଦି କେହି ବିଜ୍ଞାପନ ମାଧ୍ୟମରେ କହିବ ଯେ ମୁଁ ଏକ ନମ୍ବର ପ୍ରଶାସକ, ତା&rsquo;ହେଲେ ତାଙ୍କୁ ମହାପ୍ରଭୁ ଜଗନ୍ନାଥ ସଦ&zwj;&zwj;ବୁଦ୍ଧି ଦିଅନ୍ତୁ ବୋଲି କୁହାଯିବ।&rdquo;</p> <p>ଧର୍ମେନ୍ଦ୍ର ଆହୁରି କହିଛନ୍ତି,&ldquo;ସେପ୍ଟେମ୍ବର ମାସରେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହ ଓଡ଼ିଶା ଆସିବେ। ଭୁବନେଶ୍ୱରରେ ୩ ଦିନ ରହିବେ। ରାଜ୍ୟରେ ୩୬ ହଜାର ବୁଥରେ ଦଳୀୟ କାର୍ଯ୍ୟକ୍ରମର ସମୀକ୍ଷା କରିବେ। ବୃଦ୍ଧିଜୀବୀ ଓ ତୃଣମୃଳ ସ୍ତରରେ ନେତାଙ୍କୁ ଭେଟିବେ। ଏଥର କୌଣସି ସାର୍ବଜନୀନ କାର୍ଯ୍ୟକ୍ରମ ନାହିଁ।&rdquo;</p> <p>ସେ କହିଛନ୍ତି,&ldquo;୧୨୦ଟି ଲୋକସଭା କ୍ଷେତ୍ରରେ ଆମେ ଅଳ୍ପ ଭୋଟ୍&zwnj;ରେ ହାରିଥିଲୁ। ଏଥର ନିଶ୍ଚୟ ଜିତିବୁ ବୋଲି ଭାବୁଛୁ। &nbsp;ସେଗୁଡ଼ିକର ଦାୟିତ୍ୱ ଦଳର ୨୫ ଜଣ ସଂଗଠକଙ୍କ ମଧ୍ୟରେ ବଣ୍ଟା ଯାଇଛି। ମୋର ଓଡ଼ିଶାର ଯାହା ଭୂମିକା ରହିବା କଥା ରହିବ। ତାହା ବ୍ୟତୀତ କେରଳର ୬ଟି କ୍ଷେତ୍ର ପାଇଁ ମୋତେ ଦାୟିତ୍ୱ ମିଳିଛି। ପ୍ରକାଶ ଜାବଡେକର, ଅନୀଲ ଜୈନ ଓ ଅରୁଣ ସିଂହଙ୍କୁ ଓଡ଼ିଶାର ଦାୟିତ୍ୱ ଦିଆଯାଇଛି।&rdquo;</p> <p>ଧର୍ମେନ୍ଦ୍ରଙ୍କ ମନ୍ତବ୍ୟ ଉପରେ ପ୍ରତିକ୍ରିୟା ରଖିଛନ୍ତି ମନ୍ତ୍ରୀ ଦାମୋଦର ରାଉତ।&nbsp; ସେ କହିଛନ୍ତି- &ldquo;ଧର୍ମେନ୍ଦ୍ର ପ୍ରଧାନଙ୍କ ଜନ୍ମ ଓଡ଼ିଶାରେ। ବିହାରରୁ ଜିତିବା ପରେ ଓଡ଼ିଶାକୁ ନିଜର ଭାବୁ ନାହାନ୍ତି।&nbsp; ଏକ ଜାତୀୟସ୍ତରର ମାଗାଜିନ୍ ମୁଖ୍ୟମନ୍ତ୍ରୀଙ୍କୁ ସମ୍ମାନିତ କରିଛି। ନିଜ ରାଜ୍ୟ ମୁଖ୍ୟମନ୍ତ୍ରୀଙ୍କ ପାଇଁ ଧର୍ମେନ୍ଦ୍ର ଗର୍ବ ଅନୁଭବ କରିବା କଥା। ଅନ୍ୟମାନେ ଶୁଭେଚ୍ଛା ଜଣାଉଥିବା ବେଳେ ଧର୍ମେନ୍ଦ୍ରଙ୍କୁ କଷ୍ଟ କାହିଁକି ହେଉଛି।&rdquo;</p>