ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>[vc_video link="" align="center"]</p> <p>ଢେଙ୍କାନାଳ: ବିପଦରେ ଗଜରାଜ। ପୁଣି ଟଳି ପଡ଼ିଲେ ୩ ହାତୀ। ବିଦ୍ୟୁତ୍‌ ଆଘାତରେ ସେମାନଙ୍କ ମୃତ୍ୟୁ ହୋଇଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ଏବେ ଦୋଷ ଲୁଚାଇବା ପାଇଁ ବନ ବିଭାଗ ଓ ବିଦ୍ୟୁତ ବିଭାଗ ପରସ୍ପରକୁ କାଦୁଅ ଫିଙ୍ଗା ଆରମ୍ଭ କରିଦେଇଛନ୍ତି। ତେବେ ଏଥିରୁ ସ୍ପଷ୍ଟ ଭାବେ ବାରି ହେଉଛି ପ୍ରଶାସନିକ କଳର ଅବହେଳା ଯୋଗୁଁ ଆଜି ୩ଟି ନିରୀହ ହାତୀ ଟଳିପଡ଼ିଛନ୍ତି।</p> <p>ଢେଙ୍କାନାଳ ଜିଲ୍ଲା ବୋରାପଦା ଜଙ୍ଗଲରେ ୩ ହାତୀଙ୍କ ମୃତ୍ୟୁ ଘଟିଛି। ଓହଳି ପଡ଼ିଥିବା ଏଲ୍‌ଟି ବିଦ୍ୟୁତ ତାରରେ ଲାଗି ହାତୀଙ୍କ ମୃତ୍ୟୁ ହୋଇଥିବା ଜଣାପଡ଼ିଛି। ଏଥିରେ ୨ଟି ମାଈ ଓ ଗୋଟିଏ ଛୁଆ ହାତୀ ଅଛି। ଘଟଣାସ୍ଥଳରେ ପହଞ୍ଚି ବନ ବିଭାଗ ତଦନ୍ତ ଆରମ୍ଭ କରିଛି।</p> <p>ନିୟମ ଅନୁସାରେ ଏଲ୍‌ ବିଦ୍ୟୁତ ତାର ଉଚ୍ଚତା ୧୮ରୁ ୨୧ ଫୁଟ୍‌ ଉଚ୍ଚତାରେ ଯିବା କଥା। ମାତ୍ର ହାତୀ ଗୁଡ଼ିକ ମରିଥିବା ସ୍ଥାନରେ ବିଦ୍ୟୁତ ତାର କମ୍‌ ଉଚ୍ଚତାରେ ଯାଇଛି। ଫଳରେ ଏଭଳି ଅଭାବନୀୟ ଘଟଣା ଘଟିଛି। ସେଥିପାଇଁ ବନ ବିଭାଗ ବିଦ୍ୟୁତ୍‌ ବିଭାଗ ଉପରେ ଦୋଷ ଲଦିଛି।</p> <p>ସଦର ଫରେଷ୍ଟର ପୂର୍ଣ୍ଣବିକାଶ ଭୋଇ କହିଛନ୍ତି,“ପୁରୁଣା ଫ୍ୟାକ୍ଟ୍ରିକୁ ଯାଇଥିବା ବିଦ୍ୟୁତ ତାର ସଂସ୍ପର୍ଶରେ ୩ଟି ହାତିର ମୃତ୍ୟୁ ଘଟିଛି। ଏଥିପାଇଁ ବିଦ୍ୟୁତ୍‌ ବିଭାଗ ଦାୟୀ।”</p> <p>ସେସୁ ଯନ୍ତ୍ରୀ ଅନିଲ କୁମାର ନାୟକ କହିଛନ୍ତି,“ହିନ୍ଦୋଳରେ ହାତୀ ମରିବା ପରେ ଏହି ଅଞ୍ଚଳରେ ବିଦ୍ୟୁତ ତାର ପରିବର୍ତ୍ତନ ପାଇଁ ଦେଢ ବର୍ଷ ତଳେ ଏନ୍‌ଜେନ୍‌କୁ ନିର୍ଦ୍ଦେଶ ଦିଆଯାଇଥିଲା। କିନ୍ତୁ ବିଦ୍ୟୁତ ତାର ବଦଳା ଯାଇନଥିଲା। ଫଳରେ ଏଭଳି ଅଭାବନୀୟ ଘଟଣା ଘଟିଲା। ଏନେଇ ଉଚ୍ଚ ପଦସ୍ତ ଅଧିକାରୀଙ୍କୁ ଅବଗତ କରାଇବା ପରେ ନିଷ୍ପତ୍ତି ନିଆଯିବ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
