ମାତାଲ ରେଳ କର୍ମଚାରୀଙ୍କ ପାଇଁ ଲୋକେ ହଟହଟ୍ଟା : ଗେଟ୍‌ ପକାଇ ଶୋଇ ପଡ଼ିଲେ, ଦେଖନ୍ତୁ ଭିଡିଓ

ସମ୍ବଲପୁର: ଚେକଗେଟ୍‌ ପଡ଼ିଥିଲା। ଟ୍ରେନ୍‌ ଆସୁଥିଲା ଯାଉଥିଲା।  ହେଲେ ମଝିରେ ଯେଉଁ ବ୍ୟବଧାନ ରହୁଥିଲା ଗେଟ୍ କିନ୍ତୁ ଉଠୁ ନ ଥିଲା। ଟ୍ରେନ୍‌ ନ ଥାଇ ମଧ୍ୟ ଗେଟ ପଡ଼ିଥିଲା। ସେପଟେ ଗେଟ୍‌ର ଉଭୟ ପଟେ ନାହିଁ ନଥିବା ଭିଡ଼।

ଦୀର୍ଘ ସମୟ ଧରି ଗେଟ୍ ନ ଉଠିବାରୁ ବାଧ୍ୟ ହୋଇ ଅପରେଟର୍ ରୁମ୍‌କୁ ଯାଇଥିଲେ ।  ହେଲେ ସେଠାକାର ଚିତ୍ର  ଲୋକଙ୍କୁ ଆଶ୍ଚର୍ଯ୍ୟ କରିଥିଲା। ଲେବଲ କ୍ରସିଂ ଦାୟିତରେ ଥିବା  କର୍ମଚାରୀ  ନିଶାସକ୍ତ ଅବସ୍ଥାରେ ପଡ଼ି ରହିଥିଲେ। ପରେ ଲୋକମାନେ ନିଜେ ଗେଟ୍‌ ଉଠାଇବା ପରେ ଯାତାୟତ ସ୍ୱଭାବିକ ହୋଇଥିଲା। ଗତକାଲି ଏମିତି ଏକ ସମ୍ବେଦନଶୀଳ ଘଟଣା ସମ୍ବଲପୁର କ୍ଷେତରାଜପୁର ରେଲେୱେ ଲେବଲ କ୍ରସିଂରେ ଘଟିଥିଲା।

ଜଣେ ମଦ୍ୟପ ରେଳ କର୍ମଚାରୀଙ୍କ ପାଇଁ ଲୋକେ ନାକେଦମ୍ ହେବା ସ୍ଥାନୀୟ ଅଞ୍ଚଳରେ ଖୁବ୍‌ ଚର୍ଚ୍ଚାର ବିଷୟ ପାଲଯିଛି।  ଗତକାଲି ବିଳମ୍ବିତ ରାତିରେ  ଉକ୍ତ ଲେବଲ କ୍ରସିଂରେ ଡ୍ୟୁଟିରେ ଥିବା ନରେଶ ଚନ୍ଦ୍ର ପ୍ରଧାନ ନାମକ ଜଣେ ରେଲେୱେ କର୍ମଚାରୀ ନିଶାସକ୍ତ ଅବସ୍ଥାରେ ଏଭଳି କରିଛନ୍ତି। ଟ୍ରେନ ସେହି ଧାରଣା ଦେଇ ଅତିକ୍ରମ କରିବା ପୂର୍ବରୁ ଲେଭଲ କ୍ରସିଂର ଗେଟ ପକାଇବା  ଓ ଟ୍ରେନ ଗଲାପରେ ଗେଟ ଉଠାଇବା କଥା ।

 ହେଲେ ଦୀର୍ଘ ସମୟ ଧରି ଗେଟ ନ ଖୋଲିବାରୁ ଲୋକେ ବାଧ୍ୟ ହୋଇ ଅପରେଟର୍ ରୁମ୍‌କୁ ଯାଇଥିଲେ।   ଆଉ ନିଶାଶକ୍ତ ଅବସ୍ଥାରେ ନରେଶଙ୍କୁ ପାଇଥିଲେ। ଏନେଇ ଆରପିଏଫକୁ ଜଣାଇବା ପରେ ଶେଷରେ ଲୋକେ ନିଜେ ଗେଟ ଉଠାଇଥିଲେ।  ପରେ ଯାତାୟତ ସ୍ୱଭାବିକ୍‌ ହୋଇଥିଲା। ସ୍ୱଭାବିକ ହୋଇଥିଲା ଏହି ସମୟରେ ଜଣେ ସ୍ଥାନୀୟ ଲୋକ ନିଜ ମୋବାଇଲ ଫୋନରେ ସୁଟିଂ କରିଥିଲେ ଏହି ଦୃଶ୍ୟକୁ । ସେପଟେ ତଦନ୍ତ କରାଯାଇ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ବୋଲି ସମ୍ବଲପୁର ରେଳ ମଣ୍ଡଳ ବିଭାଗ ଅଧିକାରୀ କହିଛନ୍ତି।