ବ୍ରହ୍ମପୁରରେ ପୁଣି ଏନ୍‌କାଉଣ୍ଟର; ଦୁର୍ଦ୍ଦାନ୍ତ ଅପରାଧୀ ମୁନା ଓ ତା ସହଯୋଗୀ ଆହତ

ବ୍ରହ୍ମପୁର: ବ୍ରହ୍ମପୁରରେ ପୁଣି ଏନ୍‌କାଉଣ୍ଟର। ପୋଲିସର ଗୁଳିରେ ଦୁର୍ଦ୍ଦାନ୍ତ ଅପରାଧୀ ମୁନା ସାହୁ ଆହତ ହୋଇଛି। ମୁନାର ଡାହାଣ ଗୋଡ଼ରେ ଗୁଳି ବାଜିଛି ।  ମୁନାର ସାଥିରେ ଥିବା ତାର ସହଯୋଗୀ ରାଧାକୃଷ୍ଣ ସାହୁର ଗୋଡ଼ରେ ମଧ୍ୟ ଗୁଳି ବାଜିଛି।

ଆଙ୍କୁଲିର ଜଳେଶ୍ୱରଖଣ୍ଡି ରୋଡ୍‌ ଅଞ୍ଚଳରେ ଉଭୟଙ୍କୁ ଏନକାଉଣ୍ଟର କରିଥିଲା ବ୍ରହ୍ମପୁର ପୋଲିସ। ସେମାନଙ୍କ ଠାରୁ ଗୋଟିଏ ଦେଶୀ ପିସ୍ତଲ, ୪ ରାଉଣ୍ଡ ଗୁଳି, ୩ଟି ବୋମା ଓ ବାଇକ ଜବତ ହୋଇଛି। ଉଭୟଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି। ମୁନା ନାଁରେ ଅନେକ ମାମଲା ରହିଛି।

ସୂଚନାଯୋଗ୍ୟ, ଗତକାଲି ଆସିକା ଥାନା ଅନ୍ତର୍ଗତ କରଞ୍ଜେଇ ଛକରେ ଏନ୍‌କାଣ୍ଟରରେ ଅପରାଧୀ ଅନନ୍ତ ନାରାୟଣ ପଟ୍ଟନାୟକ ଗୁରୁତର ଆହତ ହୋଇଥିଲା। ତା’ ଡାହାଣ ଗୋଡ଼ରେ ଗୁଳି ବାଜିଥିଲା। ତାକୁ ଆସିକା ଡାକ୍ତରଖାନାରେ ଭର୍ତ୍ତି କରାଯାଇଥିଲା।