ଫେଲ୍‌ ମାରିଲା ବ୍ୟାଙ୍କ ଡକାୟତି: ଲକର ଭାଙ୍ଗି ନ ପାରି ଫେରିଗଲେ ଦୁର୍ବୃତ୍ତ,ଦେଖନ୍ତୁ ଦୃଶ୍ୟ

ଝାରସୁଗୁଡ଼ା(ଓଡ଼ିଶା ରିପୋର୍ଟର): ଫେଲ୍ ମାରିଲା ବ୍ୟାଙ୍କ ଡକାୟତି। ବ୍ୟାଙ୍କ ଲକର ଭାଙ୍ଗିନପାରି ଖାଲି ହାତରେ ଫେରିଗଲେ ମୁଖାପିନ୍ଧା ଦୁର୍ବୃତ୍ତ। ଯାହାର ପ୍ରତିଟି ଚିତ୍ର  କଏଦ୍ ହୋଇଛି ସିସିଟିଭିରେ।

ଝାରସୁଗୁଡା ଜିଲ୍ଲା କୁମ୍ଭାରବନ୍ଧ ସେଣ୍ଟ୍ରାଲ ବ୍ୟାଙ୍କ ଅଫ ଇଣ୍ଡିଆରେ ଘଟିଛି ଏହି ଘଟଣା। ରାତି ପ୍ରାୟ ୧ଟାରୁ ୩ଟା ବେଳେ  ୩ ଜଣ ମୁଖାପିନ୍ଧା ଦୁର୍ବୃତ୍ତ ବ୍ୟାଙ୍କରେ ପଶି ପ୍ରଥମେ ଲକର ରୁମ୍‌କୁ ଯାଇଥିଲେ। ତାପରେ ଲକର  ଭାଙ୍ଗିବାକୁ ଉଦ୍ୟମ କଲେ। ସମସ୍ତ କଳବଳ କୌଶଳ ଖଟାଇ ଲକର୍ ତାଡ଼ି ସେଥିରେ ଥିବା ଟଙ୍କାକୁ  ନେବା ପାଇଁ ଉଦ୍ୟମ କରିଥିଲେ। ଶେଷରେ ଲକର ଭାଙ୍ଗିନପାରି ଫେରିଯାଇଥିଲେ ଦୁର୍ବୃତ୍ତ। ଦେଖନ୍ତୁ ସିସିଟିଭିରେ କଏଦ ହୋଇଥିବା ଏହି ଭିଡିଓ(ଭିଡିଓ)

ଆଜି ସକାଳେ ସ୍ଥାନୀୟ ଲୋକ ବ୍ୟାଙ୍କ  ଗେଟ୍ ଖୋଲାଥିବା ପ୍ରଥମେ ପୋଲିସକୁ ଖବର କରିଥିଲେ। ଝାରସୁଗୁଡା ଏସ୍‌ପିଙ୍କ ତତ୍ତ୍ୱାବଧାନରେ  ପୋଲିସ ଘଟଣାର ତଦନ୍ତ କରୁଛି। ମିଳିଥିବା ସୂଚନା ଅନୁଯାୟୀ, ବ୍ୟାଙ୍କ ଲକରରେ ୧୫  ଲକ୍ଷରୁ ଉର୍ଦ୍ଧ ଟଙ୍କା ଥିବା ଜଣା ପଡ଼ିଛି।