‘ଚାଷୀ ଆତ୍ମହତ୍ୟା ନକରି ଲଢ଼େଇ କରି ଜେଲ୍‌ ଯାଉ’

<p>ବରଗଡ଼: ଗତ ବୁଧବାର ବରଗଡ଼ ଜିଲ୍ଲା କଳାପାଣି ଗାଁରେ ବିଷ ପଇ ଆତ୍ମହତ୍ୟା କରିଥିବା ଚାଷୀ ବୃନ୍ଦା ସାହୁଙ୍କ ପରିବାରକୁ ଆଜି ଭେଟିଛନ୍ତି ନବନିର୍ମାଣ କୃଷକ ସଂଗଠନର କର୍ମକର୍ତ୍ତା। ସଙ୍ଗଠନର ଜାତୀୟ ସଂଯୋଜକ ଅକ୍ଷୟ କୁମାର ଓ ଉପଦେଷ୍ଟା ସୌମ୍ୟରଂଜନ ପଟ୍ଟନାୟକ ବୃନ୍ଦାଙ୍କ ପରିବାର ଲୋକଙ୍କୁ ଭେଟି ସମବେଦନା ଜଣାଇଛନ୍ତି।</p> <p>ବୃନ୍ଦାଙ୍କ ପରିବାରକୁ ଭେଟିବା ପରେ ଅକ୍ଷୟ କହିଛନ୍ତି,&ldquo;ସରକାର ବୃନ୍ଦାଙ୍କ ପରିବାର ଲୋକଙ୍କୁ ତୁରନ୍ତ ୧୦ ଲକ୍ଷ ଟଙ୍କାର କ୍ଷତିପୂଣ ଦିଅନ୍ତୁ। ଏଥିସହ ଚାଷୀଙ୍କ ସୁରକ୍ଷା ପାଇଁ ମୁଖ୍ୟମନ୍ତ୍ରଙ୍କ ରିଲିଫ୍ ପାଣ୍ଠିରୁ ଅର୍ଥ ଦିଆଯାଉ। ଚାଷୀ ଆତ୍ମହତ୍ୟା ନ କରି ଲଢ଼େଇ କରି ଜେଲ୍&zwnj; ଯାଉ।&rdquo;</p> <p>ସେହିପରି ଉପଦେଷ୍ଟା ସୌମ୍ୟରଂଜନ ପଟ୍ଟନାୟକ କହିଛନ୍ତି, &ldquo;ବୃନ୍ଦା ସାହୁଙ୍କ ପରିବାର କାନ୍ଦିବା ବନ୍ଦ କରି ଦାବି ହାସଲ ଲାଗି ସଂଗ୍ରାମ କରନ୍ତୁ।&nbsp; ସରକାରୀ ଓ ବିରୋଧୀ ଦଳ ଏହାକୁ ନେଇ ରାଜନୀତି ନ କରନ୍ତୁ।&rdquo;</p> <p>ସୂଚନାଯୋଗ୍ୟ, ଆତ୍ମହତ୍ୟା କରିବା ପୂର୍ବ ଦିନ ବୃନ୍ଦା ସାହୁ ତାଙ୍କ ଅଧା ଏକର ଜମିରେ ନିଆଁ ଲଗାଇ ଦେଇଥିଲେ। ଫସଲରେ ଚକଡ଼ା ପୋକ ଲାଗିଯାଇଥିବା&nbsp; ଯୋଗୁଁ ସେ ଏପରି ପଦକ୍ଷେପ ନେଇଥିଲେ।</p>