ମାଛ ଧରିବାକୁ ଜାଲ ପକାଇଥିଲେ: ଫସିଲା ଅଦ୍ଭୁତ ଜୀବ, ଭିଡିଓ ଦେଖନ୍ତୁ

ଗୁଜହୋଉ ପ୍ରାନ୍ତ: ମାଛ ଧରିବାକୁ ଜାଲ ପକାଇବା ଏକ ସହଜ ଉପାୟ। ନଦୀ, ନାଳ, ପୋଖରୀରେ ଆପଣ ନିଶ୍ଚିତ କେବେ ନା କେବେ ମାଛ ଧରିଥିବେ। ଜାଲ ଟାଣିବା ବେଳେ ଭିତରେ ମାଛ ପଡ଼ିଛି କି ଧଣ୍ଡ ସାପ, କି କାହାର ପୁରୁଣା ବୁଟ୍‌ ଜାଣାପଡ଼ି ନଥାଏ। ଜାଲ ଉପରକୁ ଆସିବା ପରେ ଯଦି ମାଛ ପଡ଼ିଥାଏ ଖୁସି ହୋଇଯାଇଥିବେ। ହେଲେ ଯଦି ଅଲଗା କିଛି ଜିନିଷ ଆସିଯାଏ ଆପଣଙ୍କ ମନ ଫିକା ହୋଇଯାଇଥିବ। ହେଲେ ଆଜି ଆମେ ଜାଲରେ ପଡ଼ିଥିବା ଏମିତି ଏକ କଥା କହିବାକୁ ଯାଉଛୁ, ଯାହାକୁ ଦେଖି ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ। ଆଜ୍ଞା ହଁ ଚାଇନାରେ ଜାଲରେ ଫସିଛି ଏକ ଅଦ୍ଭୁତ ଜୀବ।

ଚୀନର ଗୁଜହୋଉ ପ୍ରାନ୍ତରେ ଜଣେ ବ୍ୟକ୍ତି ମାଛ ଧରିବାକୁ ନଦୀରେ ଜାଲ ପକାଇଥିଲେ। କିନ୍ତୁ ତାଙ୍କ ଜାଲରେ ଯାହା ପଡ଼ିଥିଲା ତାହା ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ। ଜାଲ ଉପରକୁ ଟାଣିଲା ମାତ୍ରେ ସେଥିରେ ଏମିତି ଏକ ଜୀବ ପଡ଼ିଥିଲା, ଯାହାର ଶରୀର ମାଛ ପରି ହୋଇଥିଲେ ହେଁ ମୁଣ୍ଡ ପକ୍ଷୀ ପରି ଦେଖାଯାଉଥିଲା। ଅର୍ଥାତ୍‌ ଅଧା ମାଛ ଓ ଅଧା ପକ୍ଷୀ ପରି।

ମାଛଟି ଏକ ଗ୍ରାସ କାର୍ପ ପ୍ରଜାତୀର ବୋଲି ଅନୁମାନ କରାଯାଉଥିଲା। ମାଛର ଏପରି ଅଦ୍ଭୁତ ରୂପେ ଦେଖି ପାଖରେ ଛିଡ଼ା ହୋଇଥିବା ବ୍ୟକ୍ତି ଭିଡିଓ ସୁଟ୍‌ କରି ଏହାକୁ ୟୁଟ୍ୟୁବ୍‌ରେ ସେୟାର କରିଥିଲେ।

ଆପଣ ବି ଭିଡିଓରେ ଦେଖନ୍ତୁ ଜାଲରେ ଫସିଥିବା ଏହି ଅଦ୍ଭୁତ ଜୀବଟିକୁ।