ମହିଳାମାନେ ମଦ ଦୋକାନ ଭାଙ୍ଗିବାରୁ ଗୁଣ୍ଡାରାଜ: ଫିଙ୍ଗିଲେ ଲଙ୍କା ଗୁଣ୍ଡ, ଠେଙ୍ଗାରେ ପିଟିଲେ

ଆଳି: ମଦ ବିରୋଧରେ ଆନ୍ଦୋଳନ ତୀବ୍ରତର ହେବାରେ ଲାଗିଛି। ଦେଖିବାକୁ ମିଳୁଛି ମହିଳାଙ୍କ ଉଗ୍ରାରୂପ। ଘର ଚାରି କାନ୍ଥରୁ ବାହାରି ମହିଳାମାନେ ହାତରେ ଠେଙ୍ଗାବାଡ଼ି ଧରା ଭାଙ୍ଗୁଛନ୍ତି ଭାଟି। ଏଥିରେ ଭାଟିର ଲୋକେ ଉତ୍‌କ୍ଷିପ୍ତ ହୋଇ ମହିଳାମାନଙ୍କୁ ଆକ୍ରମଣ କରିବାକୁ ପଛାଉ ନାହାନ୍ତି। ଏପରି ଘଟଣା ଦେଖିବାକୁ ମିଳିଛି କେନ୍ଦ୍ରାପଡ଼ା ଜିଲ୍ଲା ରାଜକନିକା ଓଳାଭରରେ। ମହିଳାମାନେ ମଦ ଭାଟି ଭାଙ୍ଗୁଥିବା ବେଳେ ଭାଟି ଲୋକେ ମହିଳାଙ୍କ ଉପରକୁ ଲଙ୍କା ଗୁଣ୍ଡ ଫିଙ୍ଗିଥିଲେ। ଏପରିକି ମହିଳାଙ୍କୁ ଠେଙ୍ଗାରେ ଆକ୍ରମଣ କରିବାରୁ ୪ ଜଣ ଗୁରୁତର ଆହତ ହୋଇଥିଲେ।

ଆଜି ଦିନ ୧ଟା ବେଳେ ଶତାଧିକ ମହିଳା ଏକତ୍ର ହୋଇ ଓଳାଭର ନିକଟରେ ଥିବା ମଦ ଭାଟିକୁ ଭାଙ୍ଗିଥିଲେ। ମହିଳାମାନେ ପ୍ରଥମେ ମଦ ପାଉଚ ଓ  ମଦ ବୋତଲକୁ ରାସ୍ତାରେ କଚାଡି ଭାଙ୍ଗିଥିଲେ। ପରେ ସେହି ଭାଟିରେ ନିଆଁ ଲଗାଇ ଦେଇଥିଲେ। ମଦ ଭାଟି ଭାଙ୍ଗିସାରିବା ପରେ ନିକଟରେ ଥିବା ଆଉ ଏକ ବିଦେଶୀ ମଦ ଦୋକାନକୁ ଭାଙ୍ଗିବା ପାଇଁ ମହିଳାମାନେ ଯାଉଥିଲେ। ଏ ସମ୍ପର୍କରେ ଜାଣିପାରି ଭଡ଼ାଟିଆ ଗୁଣ୍ଡାମାନେ ମହିଳାଙ୍କ ଉପରକୁ ଲଙ୍କା ଗୁଣ୍ଡ ଫିଙ୍ଗିଥିଲେ। ଏପରିକି ଠେଙ୍ଗାରେ ଆକ୍ରମଣ କରିଥିଲେ। ଫଳରେ ୪ ଜଣ ମହିଳା ଆହତ ହୋଇଥିଲେ।

ଗତକାଲି ମାଲକାନଗିରି ଲାଠିକଟାରେ ଏକ ମଦ ଦୋକାନକୁ ମା’ ଘରର ମହିଳାମାନେ ଭାଙ୍ଗିଥିଲେ। ଏପରିକି ମଦକୁ ରାସ୍ତାରେ କଚାଡ଼ି ଭରଙ୍ଗି ଦେଇଥିଲେ।