ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କେନ୍ଦ୍ରାପଡ଼ା (ଓଡ଼ିଶା ରିପୋର୍ଟର): ଯାତ୍ରା ଜଗତର ସୁପରିଚିତ ନାଟ୍ୟକାର ଅନନ୍ତ ଓଝା ଏବେ ରୋଗ ଶଯ୍ୟାରେ। କ୍ୟାନସରରେ ପୀଡ଼ିତ ଅନନ୍ତ ବେଙ୍ଗାଲୁରୁ ଏକ ଘରୋଇ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ତାଙ୍କ ନିଦାନ ପାଇଁ ପ୍ରତିବନ୍ଧକ ସାଜିଛି ଅର୍ଥ। ଚିକିତ୍ସା ପାଇଁ ପାଣ୍ଠି ଯୋଗାଡ଼ କରିବାକୁ ଆଗେଇ ଆସିଛନ୍ତି ଯାତ୍ରା ଜଗତର ବହୁ ପ୍ରତିଷ୍ଠିତ କଳାକାର। ବିଶିଷ୍ଟ ଅଭିନେତା ଦୈତାରୀ ପଣ୍ଡା ଓ ହାସ୍ୟଅଭିନେତା ମଣିଭଦ୍ର ବିଶ୍ୱାର କେନ୍ଦ୍ରାପଡ଼ାରେ ବୁଲିବୁଲି ଟଙ୍କା ଯୋଗାଡ଼ କରିବା ସହିତ ବଦାନ୍ୟ ବ୍ୟକ୍ତିଙ୍କ ସହଯୋଗ ଲୋଡ଼ୁଛନ୍ତି।</p> <p><a href="">(image) </a>ଦୀର୍ଘ ୩ ଦଶନ୍ଧୀରୁ ଅଧିକ ସମୟ ଧରି ଜଲିଉଡରେ ସକ୍ରିୟ ରହିଥିଲେ ଅନନ୍ତ ଓଝା। ଜୀବନରେ ୨୦୦ରୁ ଅଧିକ ହିଟ୍ ନାଟକର ରଚନା ଓ ନିର୍ଦ୍ଦେଶନା ଦେଇଛନ୍ତି। ‘ଜୀଅନ୍ତା ଶବରୁ କଂସେଇ ଖାନା, ବିଦେଶୀନୀରୁ ମାଇଚିଆ ଗୋଖେଇ ସାହୁ ସବୁ ଆଗଧାଡ଼ିର ଯାତ୍ରା ପାର୍ଟି ପାଇଁ ସେ ଥିଲେ ଟ୍ରେଣ୍ଡ୍ ସେଟର। ତାଙ୍କର ଏଭଳି ସମୟରେ ସହଯୋଗର ହାତ ବଢ଼ାଇବାକୁ ନିବେଦନ କରୁଛନ୍ତି ତାଙ୍କର ଶୁଭେଚ୍ଛୁ ଓ ସମର୍ଥକ। ଯଦି କୌଣସି ସହୃଦୟ ବ୍ୟକ୍ତି ନାଟ୍ୟକାର ଅନନ୍ତ ଓଝାଙ୍କୁ ସହାୟତା କରିବାକୁ ଚାହୁଁଛନ୍ତି- ତାହାହେଲେ ତାଙ୍କ ପତ୍ନୀ ହରପ୍ରିୟା ଓଝାଙ୍କ ବ୍ୟାଙ୍କ୍ ଆକାଉଣ୍ଟରେ ଅର୍ଥ ଦାନ କରି ପାରିବେ। ହରିପ୍ରିୟାଙ୍କ ଏସ୍‌ବିଆଇ ଆକାଉଣ୍ଟ ନମ୍ବର-31623286855।</p> <p>ଯାତ୍ରା ଅଭିନେତା ଦୈତାରୀ ପଣ୍ଡା କହିଛନ୍ତି-“ଓଡ଼ିଶା ଯାତ୍ରା ଜଗତର ବରପୁତ୍ର ହେଉଛନ୍ତି ଅନନ୍ତ ଓଝା। ସେ ଏବେ କ୍ୟାନସରରେ ପୀଡ଼ିତ ଅଛନ୍ତି। ତାଙ୍କୁ ବଞ୍ଚାଇ ରଖିବା ପାଇଁ ଅର୍ଥ ବାଧକ ସାଜିଛି। ସେ ବଞ୍ଚି ରହିଲେ ଯାତ୍ରା କଳାକାର ବଞ୍ଚିଯିବେ।”</p> <p>https://youtu.be/dAjExovvZ0E</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
