‘ଡିଜି ପଦ ଯାଇଥିଲେ ବି ମନୋବଳ କମିନି’

ଭୁବନେଶ୍ୱର (ଓଡ଼ିଶା ରିପୋର୍ଟର): ପୋଲିସ ଡିଜିରୁ ଓଡ଼ିଶା ଷ୍ଟେଟ୍‌ ରୋଡ୍‌ ଷ୍ଟ୍ରାନ୍ସପୋର୍ଟ କର୍ପୋରେସନ୍‌ (ଓଏସ୍‌ଆର୍‌ଟିସି) ସିଏମ୍‌ଡି ଭାବେ ବଦଳି ହେଲେ ମଧ୍ୟ ମନୋବଳ କମିନି। ଫାଇଟର ଭାବେ କାର୍ଯ୍ୟ ସମ୍ପାଦନ କରିବି। ବଦଳି ରାଜ୍ୟ ସରକାରଙ୍କ ନିଷ୍ପତ୍ତି। ସେ ସମ୍ପର୍କରେ କିଛି କହିବି ନାହିଁ ବୋଲି କାର୍ଯ୍ୟଭାର ଗ୍ରହଣ କରିବା ପରେ କହିଛନ୍ତି ପୂର୍ବତନ ପୋଲିସ ଡିଜି କେ.ଭି.ସିଂହ।

ସେ କହିଛନ୍ତି-“ନୂଆ ଦାୟିତ୍ୱ ଆହ୍ୱାନପୂର୍ଣ୍ଣ ହେବ। ମୁଁ ମୋର ଶ୍ରେଷ୍ଠ ଦେବାକୁ ଚେଷ୍ଟା କରିବି। ଓଏସ୍‌ଆର୍‌ଟିସି କିପରି ଲାଭ ଜନକ ସଂସ୍ଥା ହୋଇପାରିବ ସେନେଇ ଡିପୋ ମ୍ୟାନେଜରମାନଙ୍କ ସହିତ ଆଜି କଥା ହୋଇଛି। ୧୦ରୁ ୧୫ ଭିତରେ ଏଥିପାଇଁ ଏକ ରୋଡ୍‌ ମ୍ୟାପ୍‌ ପ୍ରସ୍ତୁତ କରାଯିବ। ମାଓପ୍ରବଣ ଅଞ୍ଚଳରେ ରାସ୍ତା ହେଉଛି ବଡ଼ ସମସ୍ୟା ହୋଇ ଛିଡ଼ା ହୋଇଛି। ଏହି ସମସ୍ୟା ସମାଧାନ କରାଯାଇ କିପରି ବସ୍‌ ଚଳାଚଳ କରାଯାଇପାରିବ ସେଥିପ୍ରତି ବିଶେଷ ଧ୍ୟାନ ଦିଆଯିବ। ଏହାଛଡ଼ା ଦୁର୍ଗମ ଅଞ୍ଚଳକୁ ମୁଖ୍ୟ ସହର ସହିତ ସଂଯୋଗ କରିବାକୁ ଉଦ୍ୟମ କରାଯିବ।”

ଅଧିକ ପଢ଼ନ୍ତୁ: ବଦଳିଲେ ଡିଜି : କେବି ସିଂ ଆଉଟ୍‌, ଆର.ପି.ଶର୍ମା ଇନ୍‌