ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଶିଶୁଙ୍କୁ ଯୌନ ଉତ୍ପୀଡ଼ନ ଓ ଶୋଷଣ ଏକ ସାମାଜିକ ବ୍ୟାଧି। ଏହାର ତୁରନ୍ତ ନିରାକରଣ ଦରକାର। ସମାଜର ସବୁ ବର୍ଗର ଲୋକ ଏହା ବିରୋଧରେ ଲଢ଼େଇ କରିବା ଉଚିତ ବୋଲି କହିଛନ୍ତି ବିଶିଷ୍ଟ ଶିଶୁ ଅଧିକାର କର୍ମୀ ତଥା ନୋବେଲ ପୁରସ୍କାର ବିଜେତା କୈଳାସ ସତ୍ୟାର୍ଥୀ।</p> <p>ଶିଶୁ ଯୌନ ଉତ୍ପୀଡ଼ନ ଓ ଚାଲାଣ ବିରୋଧରେ ସଚେତନତା ସୃଷ୍ଟି ଲାଗି ଦେଶବ୍ୟାପୀ ଚଲିଥିବା ଭାରତଯାତ୍ରା ଅଭିଯାନରେ ଆଜି ଭୁବନେଶ୍ୱରରେ ପହଞ୍ଚିଛନ୍ତି ସତ୍ୟାର୍ଥୀ। ଏହି ଅବସରରେ ସେ କହିଛନ୍ତି-“ଶିଶୁ ଚାଲାଣ ରୋକିବା ଲାଗି ସଂସଦରେ ପଡ଼ିରହିଥିବା ବିଲ୍‌ ପାସ୍‌ ସହ ଶିଶୁ ଯୌନ ଶୋଷଣ ଓ ଉତ୍ପୀଡ଼ନ ମାମଲା ଗୁଡ଼ିକର ତୁରନ୍ତ ଫଇସଲା କରାଯାଉ। ଏଥିପାଇଁ ସ୍ୱତନ୍ତ୍ର କୋର୍ଟ ସ୍ଥାପନ କରାଯାଉ।”</p> <p>ସେପ୍ଟେମ୍ୱର ୧୧ ତାରିଖରେ କନ୍ୟାକୁମାରୀରୁ କୈଳାସ ସତ୍ୟାର୍ଥୀଙ୍କ ନେତୃତ୍ୱରେ ଆରମ୍ଭ ହୋଇଥିବା ଭାରତଯାତ୍ରା ଅଭିଯାନ ୧୧,୦୦୦ କିଲୋମିଟର ରାସ୍ତା ଅତିକ୍ରମ କରିବ। ୩୫ ଦିନ ବ୍ୟାପୀ ଚାଲିବାକୁ ଥିବା ଏହି ଯାତ୍ରା ଦେଶର ୨୨ଟି ରାଜ୍ୟ ପରିକ୍ରମା କରିବ। ଏହି ଅବସରରେ ଆଜି ଭୁବନେଶ୍ୱରରେ ସ୍ୱତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିବା ବେଳେ ଛାତ୍ରଛାତ୍ରୀମାନେ ଶୋଭାଯାତ୍ରାରେ ବାହାରି ସତ୍ୟାର୍ଥୀଙ୍କ ଅଭିଯାନକୁ ସ୍ୱାଗତ ଜଣାଇଥିଲେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
