ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର/ରାୟଗଡ଼ା: ଅପହଞ୍ଚ ଅଞ୍ଚଳରେ ଗର୍ଭ ଯନ୍ତ୍ରଣାରେ ଛଟପଟ ହେଉଛନ୍ତି ଗର୍ଭବତୀ। ସେମାନଙ୍କୁ ମେଡ଼ିକାଲ ନେବାରେ ହେଉଥିଲା ବହୁ ଅସୁବିଧା। ରାସ୍ତା ନଥିବାରୁ ଯନ୍ତ୍ରଣା ପାଉଥିବା ଗର୍ଭତୀଙ୍କୁ ପରିବାର ଲୋକେ କେତେବେଳେ ଭାରରେ ନଦୀ ପାର କରି ମେଡ଼ିକାଲ ନେଉଛନ୍ତି। ଆଉ କେତେବେଳେ ଭେଳାରେ ତ ଚାଲିଚାଲି ଗର୍ଭବତୀଙ୍କୁ ମେଡ଼ିକାଲ ଆଣିବାକୁ ପଡ଼ୁଛି। ଏପରି ଦୁଃଖଦ ଓ ଲୋମଟାଙ୍କୁରା ଦୃଶ୍ୟ ବ୍ୟବସ୍ଥାର ମୁଣ୍ଡ ନୁଆଁଇ ଦେଇଥିଲା। ରାୟଗଡ଼ା ଜିଲ୍ଲାର ଦୁର୍ଗମ କଲ୍ୟାଣସିଂହପୁର ଅଞ୍ଚଳରେ ଏପରି ଘଟଣା ବାରମ୍ବାର ଘଟୁଥିବାରୁ ଜିଲ୍ଲା ପ୍ରଶାସନର ନିଦ ହଜିଯାଇଥିଲା। ଏପରିକି ପ୍ରଶାସନର ବ୍ୟବସ୍ଥାକୁ ନେଇ ଅନେକ ପ୍ରଶ୍ନବାଚୀ ସୃଷ୍ଟି ହୋଇଥିଲା। ଏବେ ଏହି ସମସ୍ୟା ଦୂର କରିବା ପାଇଁ ବାଇକ୍ ଆମ୍ବୁଲାନ୍ସ ଓ ଦୁର୍ଗମ ଅଞ୍ଚଳରେ ମା’ ଗୃହ ସଂଖ୍ୟା ବଢ଼ିବାକୁ ନିଷ୍ପତ୍ତି ନିଆଯାଇଛି।</p> <p>ରାୟଗଡ଼ା ଜିଲ୍ଲାପାଳ ଗୁହା ପୁନମ୍ ତାପସ କୁମାର କହିଛନ୍ତି-“ରାୟଗଡ଼ା ଜିଲ୍ଲା ପାଇଁ ଦୁଇଟି ବାଇକ୍‌ ଆମ୍ୱୁଲାନ୍ସ ଆସିବ। ସେଥିରୁ ଗୋଟିଏ ଆମ୍ୱୁଲାନ୍ସ କଲ୍ୟାଣସିଂପୁର ବ୍ଲକରେ ରହିବ।”</p> <p>ଦେଶର ବିଭିନ୍ନ ଅପହଞ୍ଚ ଅଞ୍ଚଳରରେ ରୋଗୀ ଓ ପ୍ରସୂତିଙ୍କ ପାଇଁ ଦେବଦୂତ ସାଜିବ ବାଇକ୍ ଆମ୍ବୁଲାନ୍ସ। ଯେଉଁଠି ଚାରି ଚକରିଆ ଆମ୍ବୁଲାନ୍ସ ପହଞ୍ଚି ପାରିବନି ସେଠାକୁ ଯିବ ଏହି ଦୁଇ ଚକିଆ ସ୍ୱତନ୍ତ୍ର ଆମ୍ବୁଲାନ୍ସ। ଆମ ରାଜ୍ୟରେ ଏହି ବ୍ୟବସ୍ଥା ନୂଆ ନୁହେଁ। ଗତବର୍ଷ ନଭେମ୍ବରରେ କଳାହାଣ୍ଡିରେ ଏଭଳି ଦୁଇଟି ବାଇକ୍ ଆମ୍ବୁଲାନ୍ସକୁ ଉଦ୍‌ଘାଟନ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ।</p> <p>କଳାହାଣ୍ଡିର ଜିଲ୍ଲାର ଏହି ଅନୁଭବକୁ ଏବେ ରାୟଗଡ଼ାରେ କର୍ଯ୍ୟକାରୀ କରିବାକୁ ନିଷ୍ପତ୍ତି ନିଆଯାଇଛି। ଏଥିସହ ଯେଉଁ ଅଗମ୍ୟ ଅଞ୍ଚଳକୁ ବାଇକ୍ ଆମ୍ବୁଲାନ୍ସ ମଧ୍ୟ ଯିବାରେ ସମସ୍ୟା ଅଛି, ସେହିସବୁ ଅଞ୍ଚଳରେ ମା ଗୃହର ବ୍ୟବସ୍ଥା କରିବାକୁ ଯୋଜନା ହେଉଛି। ଯେଉଁଠି ଡେଲିଭରିର ଅନ୍ତତଃ ୧୫ ଦିନ ପୂର୍ବରୁ ଗର୍ଭବତୀଙ୍କୁ ଆଶା ଓ ଅଙ୍ଗନଓ୍ୱାଡ଼ି କର୍ମୀଙ୍କ ସହାୟତାରେ ଅଣାଯିବାର ବ୍ୟବସ୍ଥା ହେଉଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
