ଆମେ ଫଳ ଓ ପରିବା ଖାଇବା ପରେ ଚୋପାକୁ ଫୋପାଡ଼ି ଦେଇଥାଉ। ଆପଣ ଜାଣି ଆଶ୍ଚର୍ଯ୍ୟ ହେବେ ଫଳ ଓ ପରିବା ଚୋପାରେ ଯେଉଁ ଭିଟାମିନ ରହିଛି ତାହା ମୁହଁର ସୌନ୍ଦର୍ଯ୍ୟ ବଢ଼ାଇବା ସହ ତ୍ୱଚା ସମ୍ୱନ୍ଧୀୟ ଅନେକ ସମସ୍ୟାକୁ ଦୂର କରିପାରେ। ଆୟୁର୍ବେଦରେ ସୌନ୍ଦର୍ଯ୍ୟ ବୃଦ୍ଧି ପାଇଁ ଚୋପାର ପ୍ରୟୋଗ କରାଯିବାର ପୁରୁଣା ପରମ୍ପରା ରହିଛି । ଆସନ୍ତୁ ଜାଣିବା ଫଳ ଚୋପାରୁ କିପରି ସୌନ୍ଦର୍ଯ୍ୟ ବଢ଼ାଇପାରିବେ।
- ଖରାରେ ବୁଲି ମୁହଁ କଳା ପଡିଯାଇଥିଲେ କମଳା ଓ ଲେମ୍ୱୁ ଚୋପା ବ୍ୟବହାର କରନ୍ତୁ। ଏହି ଚୋପାକୁ ଖରାରେ ଶୁଖାଇ ଭଲ ଭାବେ ଗୁଣ୍ଡ କରନ୍ତୁ। ଏହି ଗୁଣ୍ଡରେ କଞ୍ଚା କ୍ଷୀର ଓ ଗୋଲାପ ଜଳ ମିଶାଇ ମିଶ୍ରଣ ପ୍ରସ୍ତୁତ କରନ୍ତୁ। ଏହି ମିଶ୍ରଣକୁ ମୁହଁରେ ଲଗାଇଲେ ପୁଣି ମୁହଁର ଚମକ ଫେରିଆସିବ।
- ଡାଳିମ୍ୱ ଓ କମଳା ଚୋପାର ଗୁଣ୍ଡ ସହ ହଳଦୀ ଓ ଲେମ୍ବୁ ରସ ମିଶାଇ ନିୟମିତ ମୁହଁରେ ଲଗାଇଲେ ବ୍ରଣ ସମସ୍ୟାରୁ ମୁକ୍ତି ମିଳିଥାଏ।
- ଲେମ୍ବୁରୁ ରସ ବାହାର କରିବା ପରେ ଏହାର ଚୋପାକୁ ନଫିଙ୍ଗି କହୁଣି, ଆଣ୍ଠୁ, ଆଙ୍ଗୁଳି ଓ ପାଦର ଗୋଇଠିରେ ଘଷନ୍ତୁ। ଏପରି କରିବା ଦ୍ୱାରା ସେଠାରେ ଜମି ଥିବା ମଇଳା ବାହାରିଯାଏ ତ୍ୱଚା କୋମଳ ରହିଥାଏ।
- ଅମୃତଭଣ୍ଡାର ଚୋପାକୁ ବ୍ୟବହାର କରି ଶରୀରରେ ଥିବା ଜଳାପୋଡ଼ା ଦାଗ ଦୂର କରିପାରିବେ। ଅମୃତଭଣ୍ଡା ଚୋପାକୁ ପୋଡ଼ା ଦାଗ ଥିବା ସ୍ଥାନରେ ଧୀରେ ଧୀରେ ରଗଡ଼ନ୍ତୁ। ନିୟମିତ ଏପରି କଲେ କଳା ଦାଗ ଧୀରେ ଧୀରେ ଦୂର ହୋଇଯିବ।
- କମଳା ଓ ଲେମ୍ବୁ ଚୋପାର ଗୁଣ୍ଡକୁ ଅଁଳା ପାଣିରେ ମିଶାଇ କେଶ ଧୋଇଲେ କେଶ ଲମ୍ୱା ଓ ଘନ ହୋଇଥାଏ।
- ନଖକୁ ସଫା ରଖିବାକୁ ଏବଂ ଚମକ ଦେବାକୁ ଚାହୁଁଥିଲେ ଲେମ୍ବୁ ଚୋପାରେ ଏହାକୁ ରଗଡ଼ନ୍ତୁ।
- ଲେମ୍ବୁ ଚୋପାକୁ ଶୁଖାଇ ଏହାର ଗୁଣ୍ଡରେ ସମୁଦ୍ର ଲୁଣ ସହ ମିଶାଇ ଚୂର୍ଣ୍ଣ ପ୍ରସ୍ତୁତ କରନ୍ତୁ। ଏହି ଚୂର୍ଣ୍ଣରେ ଦାନ୍ତ ଘସିଲେ ମାଢ଼ି ମଜଭୁତ ହୋଇଥାଏ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
