ମାଲକାନଗିରି: ମାଲକାନାଗିରି ଜିଲ୍ଲା ଗୋବିନ୍ଦପାଲ୍ଲୀ ଫାଣ୍ଡିରେ କାର୍ଯ୍ୟରତ ଦୁଇ ହୋମ୍ଗାର୍ଡ଼ ବିଷ୍ଣୁ ମାଝି ଓ ରଘୁ ପୂଜାରୀଙ୍କ ଜିଲ୍ଲା ମୁଖ୍ୟ ଚିକିତ୍ସାଳୟରେ ସନ୍ଦେହଜନକ ଭାବେ ଆଜି ମୃତ୍ୟୁ ଘଟିଛି। ସେମାନେ ବିଷାକ୍ତ ମଦ ପିଇଥିବା ଅଭିଯୋଗ ହୋଇଛି।
ଗତକାଲି ହୋମ୍ଗାର୍ଡ଼ ବିଷ୍ଣୁ ଓ ରଘୁ ଫାଣ୍ଡିକୁ ଡ୍ୟୁଟି କରିବାକୁ ଆସିଥିଲେ। ରାତିରେ ସେମାନଙ୍କ ପେଟ ଯନ୍ତ୍ରଣା ହେବାରୁ ସେମାନଙ୍କୁ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ସେମାନଙ୍କ ମୃତ୍ୟୁ ଘଟିଛି।
ଡାକ୍ତର ସପନ କୁମାର ଦିଣ୍ଡା କହିଛନ୍ତି, “ଗତକାଲି ଦିନ ୪ଟା ବେଳେ ଜଣେ ହୋମ୍ଗାର୍ଡ ଓ ବିଳମ୍ବିତ ରାତିରେ ଆଉ ଜଣେ ହୋମ୍ଗାର୍ଡ଼ ଡାକ୍ତରଖାନା ଆସିଥିଲେ। ସେମାନେ ଗୋଟିଏ ମଦ ବୋତଲ ଆଣି ପିଇଥିଲେ ବୋଲି ମୋତେ କହିଥିଲେ। ଆମର ମେଡିସିନ୍ ବିଭାଗର ଡାକ୍ତର ସେମାନଙ୍କୁ ଚିକିତ୍ସା କରୁଥିବା ବେଳେ ସେମାନଙ୍କ ମୃତ୍ୟୁ ଘଟିଛି। ସେମାନେ ବିଷାକ୍ତ ମଦ ପିଇଥିବା ସନ୍ଦେହ କରାଯାଉଛି।