କମେଣ୍ଟ୍‌ ନେଲା ଜୀବନ: ପିଟିପିଟି ମାରିଦେଲା ପ୍ରେମିକ

ରାଉରକେଲା: ପ୍ରେମିକାକୁ କମେଣ୍ଟ ମାରିବାରୁ ପ୍ରେମିକ ଉନ୍ମତ୍ତ କାଣ୍ଡ ଘଟାଇଛି। ଉତ୍‌କ୍ଷିପ୍ତ ହୋଇ କମେଣ୍ଟ ମାରିଥିବା ଯୁବକକୁ ଜଙ୍ଗଲ ଭିତରକୁ ନେଇ ପିଟିପିଟି ହତ୍ୟା କରିଥିବା ଅଭିଯୋଗ ହୋଇଛି। ଏପରି ଘଟଣା ସୁନ୍ଦରଗଡ଼ ଜିଲ୍ଲା ଜଲଦା ଫାଣ୍ଡି ଅଞ୍ଚଳରେ ଘଟିଛି। ଏନେଇ ଜଳଦା ଫାଣ୍ଡିରେ ଅଭିଯୋଗ ହେବା ପରେ ପୋଲିସ ମାମଲା ରୁଜୁ କରି ୩ ଜଣଙ୍କୁ ଅଟକ ରଖି ତଦନ୍ତ ଆରମ୍ଭ କରିଛି।

ଗତକାଲି ପକଲୁ ଓରାମ ତାଙ୍କ ସାଙ୍ଗ ଜଳଦା ସି ବ୍ଲକରେ ରହୁଥିବା ଅଜୟ ଲୋହାରଙ୍କ ପ୍ରମିକା ସମ୍ପର୍କରେ ଅଶାଳୀନ ମନ୍ତବ୍ୟ ଦେଇଥିଲେ। ଏଥିରେ ଉତ୍‌କ୍ଷିପ୍ତ ହୋଇ ଅଜୟ ତାଙ୍କ ସାଙ୍ଗ ପକଲୁଙ୍କୁ କାର୍ମେଲ ସ୍କୁଲ ପଛ ପାର୍ଶ୍ୱ ଜଙ୍ଗଲକୁ ଡାକି ନେଇଥିଲେ। ଯୋଜନା ମୁତାବକ ସେହି ଜଙ୍ଗଲରେ ଛପି ରହିଥିବା ରୋହନ କୁମ୍ଭାର ଓ ଶଙ୍କର ଟୁଡୁ। ପକଲୁ ଜଙ୍ଗଲରେ ପହଞ୍ଚିବା ପରେ ସମସ୍ତେ ସଂଘବଦ୍ଧ ଭାବେ ରଡ୍‌ ଓ ପଥରରେ ଆକ୍ରମଣ କରିଥିବା ଅଭିଯୋଗ ହୋଇଛି।

ରଘୁନାଥପାଲି ଥାନା ପୋଲିସ ଓ ସାଇଣ୍ଟିକ୍‌ଫିକ୍‌ ଟିମ୍‌ ଜଙ୍ଗଲରେ ପହଞ୍ଚି ତଦନ୍ତ ଆରମ୍ଭ କରିଛି। ଘଟଣାରେ ଅଭିଯୁକ୍ତ ଅଜୟ, ରୋହିତ ଓ ଶଙ୍କରକୁ ଅଟକ ରଖି ପଚରାଉଚରା ଚଳାଇଛି।