ପ୍ରଶାସନ, ଜନତା ଓ ସିସିଟିଭି ନଜରରେ ନିଆଳି, କିନ୍ତୁ ମୁଗୁରା ପଛ ମେଲା: ଆଜି ରାତିରେ ଜଣାପଡ଼ିବ କରାମତି

<p>&lt;strong&gt;କଟକ&lt;/strong&gt;&lt;strong&gt;:&lt;/strong&gt; ନିଆଳି ଅଞ୍ଚଳରେ ମେଣ୍ଢା ମୃତ୍ୟୁକୁ ନେଇ ସସ୍&zwnj;ପେନ୍ସ ଜାରି ରହିଛି। କେଉଁ ଅଜଣା ଜନ୍ତୁ ମେଣ୍ଢାଙ୍କ କଲିଜା ଖାଉଛି ତାହାର ପ୍ରକୃତ କାରଣ ଜଣାପଡ଼ୁନି। ପ୍ରଶାସନର ସବୁ ପ୍ରକାର ଉଦ୍ୟମ ସତ୍ତ୍ୱେ ଗତକାଲି ରାତିରେ ପୁଣି ଗୋଟିଏ ମେଣ୍ଢାର ଜୀବନ ଯାଇଥିବା ବେଳେ ୩ ମେଣ୍ଢା ଆହତ ହୋଇଛନ୍ତି। ପାରିପାର୍ଶ୍ୱିକ ସ୍ଥିତିରୁ ଏହା ରାମଶିଆଳର କାର୍ଯ୍ୟ ହୋଇଥାଇପାରେ ବୋଲି ପ୍ରଶାସନ ଅନୁମାନ କରୁଛି। ସତେ ଯେମିତି ଅଜଣା ଜନ୍ତୁ କହୁଛି, ତମେ ଡାଳେ ଡାଳେ ଗଲେ ମୁଁ ପତ୍ରେ ପତ୍ରେ ଯିବି। ଏହାକୁ ନେଇ ସ୍ଥାନୀୟ ଲୋକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଉଛି। ଅନ୍ୟପକ୍ଷରେ ମନ୍ତ୍ରୀ ଡିଏଫ୍&zwnj;ଓଙ୍କ ଉପରେ ବିରକ୍ତ ହୋଇଛନ୍ତି। ଯଥାଶୀଘ୍ର ଅଜଣା ଜନ୍ତୁଙ୍କୁ ଧରିବା ପାଇଁ ମନ୍ତ୍ରୀ ଡିଏଫ୍&zwnj;ଓଙ୍କୁ ନିର୍ଦ୍ଦେଶ ଦେଇଛନ୍ତି।</p> <p>ମେଣ୍ଢା କଲିଜା ଖାଉଥିବା ଜନ୍ତୁକୁ ଧରିବା ପାଇଁ ନିଆଳିରେ ବାଣ ଫୁଟାଯାଉଛି। ଏପରିକି ଲୋକଙ୍କ ମଧ୍ୟରେ ସଚେତନତା କରିବା ପାଇଁ ମାଇକରେ ପ୍ରଚାର କରାଯାଉଛି। ସଞ୍ଜ ନଇଁଲେ ଗାଁ ଲୋକେ ଦଳଦଳ ହୋଇ ଛକ ସ୍ଥାନରେ ଜଗୁଛନ୍ତି। ବନ ବିଭାଗ ଓ ପୋଲିସ ପକ୍ଷରୁ ମଧ୍ୟ ପାଟ୍ରୋଲିଂ ଦିଆଯାଉଛି। କେତେକ ସ୍ଥାନରେ ସିସିଟିଭି ମଧ୍ୟ ଖଞ୍ଜାଯାଇଛି। ଏହା ସତ୍ତ୍ୱେ ଗତକାଲି ରାତିରେ ଗୋବିନ୍ଦପଦା ଗାଁରେ ଅଜଣା ଜନ୍ତୁ ଆକ୍ରମଣରେ ଗୋଟିଏ ମେଣ୍ଢାର ମୃତ୍ୟୁ ହୋଇଛି। ଜନ୍ତୁଟି ଗୁହାଳ ତାଡି ଜାଲ ଛିଣ୍ଡାଇ ଭିତରେ ପ୍ରବେଶ କରି ମେଣ୍ଢାର କଲିଜା ଖାଇଯାଇଥିଲା। ଆଉ ୩ଟି ମେଣ୍ଢା ଗୁରୁତର ଆହତ ହୋଇଛନ୍ତି। ଜନ୍ତୁର ପଦ ଚିହ୍ନରୁ ଏହା ରାମଶିଆଳର କାର୍ଯ୍ୟ ହୋଇଥାଇପାରେ ବୋଲି ନନ୍ଦନକାନନରୁ ଯାଇଥିବା ଅଧିକାରୀମାନେ ସ୍ପଷ୍ଟ କରିଛନ୍ତି।</p> <p>ନନ୍ଦନକାନନ ସହକାରୀ ନିର୍ଦ୍ଦେଶକ କମଳ ଲୋଚନ ପୁରୋହିତ କହିଛନ୍ତି-&ldquo;ଜନ୍ତୁର ପଦ ଚିହ୍ନ ଓ ସ୍ଥାନୀୟ ଲୋକଙ୍କ ବୟାନରୁ ଏହା ରାମଶିଆଳ ବୋଲି ଜଣାପଡ଼ୁଛି। ଏନେଇ ରିପୋର୍ଟ ଉଚ୍ଚ ପଦସ୍ଥ ଅଧିକାରୀ ଦେବି।&rdquo;</p> <p>ଅଜଣା ଜନ୍ତୁ ଆକ୍ରମଣରେ କିଛି ସପ୍ତାହ ମଧ୍ୟରେ ନିଆଳି ଅଞ୍ଚଳରୁ ପ୍ରାୟ ୩୦୦ରୁ ଅଧିକ ମେଣ୍ଢାଙ୍କ ମୃତ୍ୟୁ ହେଲାଣି। ଫଳରେ ସ୍ଥାନୀୟ ଲୋକ ଧୈର୍ଯ୍ୟ ହରାଇ ବସିଲେଣି। କ୍ଷତିପୂରଣ ଦାବିରେ ଆଜି ସ୍ଥାନୀୟ ଲୋକେ&nbsp; ନିଆଳି ଓ ଫୁଲନଖରା ରାସ୍ତା ଅବରୋଧ କରିଥିଲେ। ଫଳରେ ଯାତାୟତ ଠପ୍&zwnj; ହୋଇଯାଇଥିଲା। ପ୍ରତିଶ୍ରୁତି ପରେ ରାସ୍ତାରୋକ ପ୍ରତ୍ୟାହୃତ ହୋଇଥିଲା।</p> <p>ଏନେଇ ଜଣେ ଆନ୍ଦୋଳନକାରୀ କହିଛନ୍ତି-&ldquo;ଅଜଣା ଜନ୍ତୁ ଆକ୍ରମଣରେ ମେଣ୍ଢାଙ୍କ ମୃତ୍ୟୁ ଯୋଗୁଁ ଗରିବଙ୍କ ଆର୍ଥିକ ମେରୁଦଣ୍ଡ ଭାଙ୍ଗି ଯାଉଛି। ଯଥାଶୀଘ୍ର ସେମାନଙ୍କୁ ଆର୍ଥିକ ସହାୟତା ଯୋଗାଇ ଦିଆଯାଉ।&rdquo;</p>