ସାହିତ୍ୟ କାଉଚ୍‌ରେ ନୂଆ ମୋଡ଼: ଲେଖକ ହରପ୍ରସାଦ ଦାସଙ୍କ ବିରୋଧରେ ଥାନାରେ ଏତଲା ଦେଲେ ପଲ୍ଲୀଶ୍ରୀ ପଟ୍ଟନାୟକ

<p>ଭୁବନେଶ୍ୱର: ଫିଲ୍ମ ଦୁନିଆ ପରି ସାହିତ୍ୟ ଜଗତରେ ଆସିଛି କେଳେଙ୍କାରୀ ଅଭିଯୋଗ। ରାଜ୍ୟର ଜଣେ ପ୍ରତିଷ୍ଠିତ ସାହିତ୍ୟିକଙ୍କ ନାଁରେ ଥିବା ସୋସିଆଲ୍ ସାଇଟ୍ ଆକାଉଣ୍ଟରୁ, ଜଣେ ଓଡ଼ିଆ ଅଧ୍ୟାପିକାଙ୍କ ପାଖକୁ ଅଶ୍ଳୀଳ ମେସେଜ୍&zwnj; ଆସିଥିବା ଅଭିଯୋଗ ହୋଇଥିଲା। ଏହି ଅଭିଯୋଗ ଆସିବା ପରେ ସାହିତ୍ୟିକ ଜଣକ ୮ ଜଣଙ୍କ ନାଁରେ ମାନହାନି ମୋକଦ୍ଦମା ଦାଏର କରିଥିଲେ। ସେହି ତାଲିକାରେ ଅଭିଯୋଗ ଆଣିଥିବା ଅଧ୍ୟାପିକାଙ୍କ ନାଁ ବି ଥିଲା। ଆଜି ଏହି ଘଟଣାରେ ଟିକିଏ ମୋଡ଼ ଆସିଛି। ଅଭିଯୋଗ ଆଣିଥିବା ସଂପୃକ୍ତ ଅଧ୍ୟାପିକା ଆଜି ସାହିତ୍ୟିକଙ୍କ ନାଁରେ ଥାନାରେ କେଶ୍ ଦେଇଛନ୍ତି।</p><p>ପୂରା ଘଟଣାଟି ଏହିପିର। କିଛିଦିନ ତଳେ ପଲ୍ଲୀଶ୍ରୀ ପଟ୍ଟନାୟକ ନାମ୍ନୀ ଜଣେ ଅଧ୍ୟାପିକା, ବିଶିଷ୍ଟ ସାହିତ୍ୟିକ ହରପ୍ରସାଦ ଦାସ ତାଙ୍କୁ ଅଶ୍ଲୀଳ ମେସେଜ ପଠାଇଥିବା ଅଭିଯୋଗ ଆଣିଥିଲେ। ଏ ସଂପର୍କରେ ସେ କୌଣସି ଥାନା କିମ୍ବା କୋର୍ଟରେ ଅଭିଯୋଗ ନକରି, ସୋସିଆଲ୍ ମିଡିଆ ଫେସ୍&zwnj;ବୁକ୍&zwnj;ରେ ହରପ୍ରସାଦଙ୍କ ନାଁରେ ସିଧା ଅଭିଯୋଗ ଆଣିଥିଲେ। ଲେଖା ସହିତ ଫେସ୍&zwnj;ବୁକ୍&zwnj;ରେ ପଲ୍ଲୀଶ୍ରୀ, ହରପ୍ରସାଦ ଦାସଙ୍କ ସହ ମେସେଞ୍ଜର ଜରିଆରେ କରିଥିବା ବ୍ୟକ୍ତିଗତ କଥାବାର୍ତ୍ତାର ଫଟୋ ମଧ୍ୟ ପୋଷ୍ଟ କରିଥିଲେ। ଏ ସଂପର୍କିତ ଖବର ଏକ ନିର୍ଦ୍ଦିଷ୍ଟ ଖବରକାଗଜରେ ମଧ୍ୟ ପ୍ରକାଶ ପାଇଥିଲା। ସୋସିଆଲ୍ ମିଡିଆରେ ବି ଏହି ଘଟଣାକୁ ନେଇ ବହୁ ଚର୍ଚ୍ଚା ହୋଇଥିଲା। ଘଟଣାର କିଛିଦିନ ପରେ ହରପ୍ରସାଦ ଗତ ୫ ତାରିଖରେ, ପଲ୍ଲୀଶ୍ରୀଙ୍କ ସମେତ ୮ ଜଣଙ୍କ ବିରୋଧରେ ଦୁଇଟି କୋର୍ଟରେ ମାନହାନି ମୋକଦ୍ଦମା ଦାଏର୍ କରିଥିଲେ। ମାମଲା ଦାଏର ହେବାର ୪ ଦିନ ପରେ ଆଜି କଳାହାଣ୍ଡି ଜିଲ୍ଲା ଭବାନୀପାଟଣା ଟାଉନ୍&zwnj; ଥାନାରେ ପଲ୍ଲୀଶ୍ରୀ ପଟ୍ଟନାୟକ, ଲେଖକ ହରପ୍ରସାଦ ଦାସଙ୍କ ନାଁରେ କେଶ୍ ଦେଇଛନ୍ତି।</p><p>ଥାନାରେ ଏତଲା ଦେବା ପରେ ପଲ୍ଲୀଶ୍ରୀ କହିଛନ୍ତି- &ldquo;ସାହିତ୍ୟିକ ହରପ୍ରସାଦ ଦାସ ଗଣମାଧ୍ୟମରେ ମୋ ନାଁରେ ଅପପ୍ରଚାର କରିଛନ୍ତି। ଯାହାଦ୍ୱାରା ମୋର ସାମାଜିକ ପ୍ରତିଷ୍ଠା ଓ ପାରିବାରିକ ଜୀବନ କ୍ଷୁଣ୍ଣ ହୋଇଛି। ସେଥିପାଇଁ ମୁଁ ତାଙ୍କ ବିରୋଧରେ ଏତଲା ଦେଇଛି। ଏପରିକି ତାଙ୍କ ବିରୋଧରେ ମାନହାନି ମୋକଦ୍ଦମା ମଧ୍ୟ କରିବି।&rdquo;</p><p>ଟାଉନ୍&zwnj; ଥାନାର ଆଇଆଇସି ସୁରେନ୍ଦ୍ର ନାଥ ଶତପଥୀ କହିଛନ୍ତି- &ldquo;ପଲ୍ଲୀଶ୍ରୀ ପଟ୍ଟନାୟକଙ୍କ ପାଖକୁ ସାହିତ୍ୟିକ ହରପ୍ରସାଦ ଦାସ ସୋସିଆଲ ମିଡ଼ିଆରେ ଅଶ୍ଲୀଳ ଚାଟିଂ କରିଥିବା, ଏତଲାରେ ଦର୍ଶାଯାଇଛି।&rdquo;</p><p>କାହା ବିରୋଧରେ ହୋଇଛି ମାନହାନି ମୋକଦ୍ଦମା</p><p>ସୋସିଆଲ୍ ମିଡିଆରେ ତାଙ୍କ ବିରୋଧରେ ବାରମ୍ବାର ଚର୍ଚ୍ଚା ହେବାପରେ ଗତ ୫ ତାରିଖରେ ସାହିତ୍ୟିକ ହରପ୍ରସାଦ ଦାସ ୮ ଜଣଙ୍କ ବିରୋଧରେ ମାନହାନି ମୋକଦ୍ଦମା ଦାଏର କରିଥିଲେ। ଯେଉଁମାନଙ୍କ ନାଁରେ ମୋକଦ୍ଦମା ଦାଏର ହୋଇଛି ସେମାନେ ହେଲେ- ସମ୍ୱାଦ କଳିକାର ସମ୍ପାଦକ ଓ ମୁଦ୍ରକ ଜୟାଶିଷ ରାୟ, ମନୁ ଦାଶ, ଅସିତ ମହାନ୍ତି, ଅମୀୟ ପାଣ୍ଡବ, ଉମାକାନ୍ତ ରାଉତ, ପଲ୍ଲୀଶ୍ରୀ ପଟ୍ଟନାୟକ, ଡଃ କୁଳାଙ୍ଗ।ର ଓ ବିମଳେନ୍ଦୁ ମହାନ୍ତି। ଏମାନଙ୍କ ନାଁରେ ସେ ଦୁଇଟି ମାମଲା ଦାଏର କରିଥିଲେ। ପ୍ରଥମଟି, ସିନିୟର ସିଭିଲ୍ ଜଜଙ୍କ ପାଖରେ ସିଭିଲ୍&zwnj; ଡିଫ।ମେସନ୍ କେଶ ଏବଂ ଦ୍ୱିତୀୟଟି ଭୁବନେଶ୍ୱର ଏସ୍&zwnj;ଡିଜେଏମଙ୍କ କୋର୍ଟରେ କ୍ରିମିନାଲ୍&zwnj; ଡିଫ।ମେସନ୍ କେସ୍&zwnj;। ସେତେବେଳେ ଘଟଣା ସମ୍ପର୍କରେ ଓଟିଭିକୁ ପ୍ରତିକ୍ରିୟା ଦେଇ ହରପ୍ରସାଦ କହିଥିଲେ-&ldquo;ମୁଁ ଗଭୀର ମର୍ମାହତ ଯେ ମୋ ନାଁରେ ଅପପ୍ରଚାର କରିଥିବା ୮ ଜଣଙ୍କ ବିରୋଧରେ ମାମଲା ଦାଏର କରିବାକୁ ବାଧ୍ୟ ହୋଇଛି।&rdquo;</p><p>&lt;strong&gt;କଣ ଥିଲା ଚାଟିଂର ବିଷୟ&lt;/strong&gt;</p><p>&lt;a href=&quot;http://odishareporter.in/wp-content/uploads/2017/08/Hara-1.jpg&quot;&gt;(image) &lt;/a&gt;ପଲ୍ଲୀଶ୍ରୀଙ୍କ ଅଭିଯୋଗ ଅନୁଯାୟୀ, ସାହିତ୍ୟିକ ହରପ୍ରସାଦ ଦାସଙ୍କ ନାଁରେ ଥିବା ଏକ ମେସେଞ୍ଜର ଆକାଉଣ୍ଟରୁ ତାଙ୍କ ନିକଟକୁ ଆସୁଥିଲା ଅଶ୍ଳୀଳ ମେସେଜ୍। ପ୍ରଥମେ ପ୍ରଶଂସାପୂର୍ଣ୍ଣ ମେସେଜ୍। ତା&rsquo;ପରେ କିଛିଦିନର ଚାଟିଂ ପରେ ଅଶ୍ଳୀଳ ମେସେଜ୍। ଗତ ଏପ୍ରିଲ୍ ମାସରେ ପ୍ରଥମଥର ପାଇଁ ସଂପୃକ୍ତ ସାହିତ୍ୟିକଙ୍କଠାରୁ ଅଶ୍ଳୀଳ ମେସେଜ୍ ଆସିବା ପରେ ସେ ଚାଟିଂ ବନ୍ଦ କରିଦେଇଥିଲେ। ବେଳେବେଳେ ଭିଡିଓ କଲିଂ ମଧ୍ୟ ଆସୁଥିଲା। କିନ୍ତୁ ସେ ଚୁପ୍ ରହୁଥିଲେ ବୋଲି ପଲ୍ଲୀଶ୍ରୀ କହିଛନ୍ତି। ହରପ୍ରସାଦ ତାଙ୍କୁ ଏକ ସେଲ୍ଫି ଦେବାକୁ କରିବା ପରେ ପଲ୍ଲୀଶ୍ରୀଙ୍କର ସନ୍ଦେହ ଆସିଥିଲା। ସଂପୃକ୍ତ ମେସେଞ୍ଜର ଆକାଉଣ୍ଟ ସତରେ ହରପ୍ରସାଦଙ୍କର କି ନୁହେଁ ତାହା ଜାଣିବା ପାଇଁ ସେ ମେସେଜ୍&zwnj;ରେ ତାଙ୍କୁ କିଛି ପ୍ରଶ୍ନ ପଚାରିଥିଲେ। ସେ ସବୁ ପ୍ରଶ୍ନ ତାଙ୍କ (ହରପ୍ରସାଦ)ଙ୍କ କବିତା ଓ ପୁସ୍ତକ ବିଷୟରେ। ଉତ୍ତର ପ୍ରାୟ ଠିକ୍ ଆସିବାରୁ ଆକାଉଣ୍ଟଟି ଲେଖକ ହରପ୍ରସାଦ ଦାସଙ୍କର ବୋଲି ସେ ନିଶ୍ଚିତ ହୋଇଥିଲେ ଦାବି କରିଛନ୍ତି।</p><p>&lt;strong&gt;ଏତେଦିନ ଧରି କାହିଁକି କେଶ୍ ଦେଉ ନଥିଲେ ପଲ୍ଲୀଶ୍ରୀ?&lt;/strong&gt;</p><p>ଏହି ଘଟଣାକୁ ନେଇ କିଛି ପ୍ରଶ୍ନ ବି ମୁଣ୍ଡ ଟେକିଛି। ଘଟଣା ପୁରୁଣା ହେଲେ ବି ପଲ୍ଲୀଶ୍ରୀ କାହିଁକି ଏତେ ଡେରିରେ କେଶ୍ ଦେଲେ। ଘଟଣା ଘଟିବାବାର ପ୍ରାୟ ୧୫ରୁ ୨୦ ଦିନ ପରେ ସେ ପ୍ରଥମେ ଏ ସଂପର୍କରେ ସୋସିଆଲ୍ ମିଡିଆରେ ଅଭିଯୋଗ ଆଣିଥିଲେ। ଯେଉଁଥିରେ ସେ ହରପ୍ରସାଦଙ୍କ ନାଁ ନେବା ସହ ତାଙ୍କ ସହ ମେସେଞ୍ଜରରେ ବ୍ୟକ୍ତିଗତ କଥାବାର୍ତ୍ତାର ଫଟୋକପି ବି ପୋଷ୍ଟ କରିଥିଲେ। ସେତେବେଳେ ସେ ଥାନାରେ ଅଭିଯୋଗ କାହିଁକି କଲେନାହିଁ। ଗଣମାଧ୍ୟମରେ ଘଟଣାକୁ ନେଇ ଖବର ପ୍ରସାରଣ ବେଳେ ବି ପଲ୍ଲୀଶ୍ରୀ କ୍ୟାମେରା ଆଗରେ ଅଭିଯୋଗ ଆଣିଥିଲେ। କିନ୍ତୁ ହରପ୍ରସାଦ ମାନହାନି ମୋକଦ୍ଦମା କରିବାର ୪ ଦିନ ପରେ କାହିଁକି ଥାନାରେ କେଶ୍ ଦେଲେ? ଏମିତି କିଛି ପ୍ରଶ୍ନ ପୂରା ଘଟଣାକୁ ଗୋଳମାଳିଆ କରିଦେଇଛି।</p><p>&lt;strong&gt;ମହିଳା କମିଶନଙ୍କ ପାଖରେ କଥା&lt;/strong&gt;</p><p>ଏକ ନିର୍ଦିଷ୍ଟ ଖବରକାଗଜରେ ଏ ସଂପର୍କିତ ଖବର ବାରମ୍ବାର ପ୍ରକାଶ ପାଇଥିଲା। ଏହାପରେ ଏହାକୁ ନେଇ ଆଗକୁ ଆସିଥିଲା &lsquo;ସଂସ୍କୃତି ଓ ସଂସ୍କୃତି&rsquo; ନାମକ ଅନୁଷ୍ଠାନ। ହଠାତ୍ ଏହି ସଂସ୍ଥା ମହିଳା କମିଶନଙ୍କ ଦ୍ୱାରସ୍ଥ ହୋଇ ଅଭିଯୋଗ ଆଣିଥିଲା। କିନ୍ତୁ ସିଧାସଳଖ ନିର୍ଦ୍ଦିଷ୍ଟ ଭାବେ ହରପ୍ରସାଦଙ୍କ ନାଁ ଧରି ନଥିଲେ। କିଏ ଏହି ସାହିତ୍ୟିକ ତାଙ୍କ ବିରୋଧରେ ଆସିଥିବା ଅଭିଯୋଗର ତଦନ୍ତ କରାଯାଉ ବୋଲି ଏହି ସଂସ୍ଥା ମହିଳା କମିଶନଙ୍କ ପାଖରେ ଅଭିଯୋଗ କରିଥିଲା। ଅଭିଯୋଗ ଥିଲା, ନୂଆପୀଢ଼ିର ଲେଖିକାଙ୍କୁ ସମ୍ମାନ ଓ ପ୍ରସିଦ୍ଧି ଦେବା ନାଁରେ ଜଣେ ପ୍ରାବନ୍ଧିକ ନିଜ ଇଚ୍ଛାକୁ ଚରିତାର୍ଥ କରିବାକୁ ଉଦ୍ୟମ କରିଥିବା ନେଇ ଯେଉଁ ଖବର ପ୍ରକାଶ ପାଇଛି ତାହା ତଦନ୍ତ ସାପେକ୍ଷ। କିନ୍ତୁ ଏପରି କରିବା ପଛରେ ଏହି ସଂସ୍ଥାର କି ଉଦ୍ଦେଶ୍ୟ ଥିଲା, ହଠାତ୍ ଏହା କାହିଁକି ଏହି ମାମଲାରେ ପଦାକୁ ଆସିଲା ତାହା ସ୍ପଷ୍ଟ ହୋଇନାହିଁ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।