ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର: ରାଜ୍ୟ କଂଗ୍ରେସରେ ସ୍ଥିତି ଆଜିକାଲି ଭଲ ନାହିଁ। ପିସିସି ଚୌକିକୁ ନେଇ ନେତା ଓ କର୍ମୀଙ୍କ ମଧ୍ୟରେ କଳି ଲାଗି ରହିଥିବା ବେଳେ, କୋଇଲା ଘୋଟଲା ସେହି ନିଆଁରେ ଘିଅ ଢ଼ାଳିଛି। କଂଗ୍ରେସରେ ଖଣି ଲୁଟେରା ଅଛନ୍ତି, ସେଥିପାଇଁ ରାଜନୀତି କରିହେଉ ନାହିଁ ବୋଲି ଦଳର ବରିଷ୍ଠ ନେତା ଶ୍ରୀକାନ୍ତ ଜେନା ସାମ୍ୱାଦିକ ସମ୍ମିଳନୀରେ କହିଥିଲେ। ଏହାର ଜବାବ ଦେଇଛନ୍ତି ଦଳର ବରିଷ୍ଠ ନେତା ନିରଞ୍ଜନ ପଟ୍ଟନାୟକ। ସେ କହିଛନ୍ତି- “ଶ୍ରୀକାନ୍ତ ସତ କଥା କହିଛନ୍ତି। ଖଣି ଚୋର ଦୁଇ ପ୍ରକାର ଅଛନ୍ତି। ଯେଉଁମାନେ ଲିଜଧାରୀ, ସେମାନେ ବେଆଇନ୍‌ ଖଣିଜ ଉତ୍ତୋଳନ କରିଛନ୍ତି। ଆଉ କେତେକଙ୍କର ଖଣି ନାହିଁ, ମାଫିଆଗିରି କରିଛନ୍ତି। ସେ (ଶ୍ରୀକାନ୍ତ) ଏବେ କାହିଁକି କହୁଛନ୍ତି ତାହା ଜଣାପଡ଼ୁନି। ମନ୍ତ୍ରୀ ଥିବା ବେଳେ ତ କହିପାରିଥାନ୍ତେ।”</p> <p>ସାମ୍ୱାଦିକ ସମ୍ମିଳନୀରେ କ’ଣ କହିଥିଲେ ଶ୍ରୀକାନ୍ତ<br /> ଓଡ଼ିଶାର ଖଣି ଲୁଟ୍‌ ସମ୍ପର୍କରେ ସୁପ୍ରିମକୋର୍ଟଙ୍କ ରାୟ ଗତ ୮ ତାରିଖରେ ପ୍ରକାଶ ପାଇଛି। ଖଣି ଲୁଟେରାମାନେ ସରକାରଙ୍କୁ ପ୍ରାୟ ୭୦,୦୦୦ କୋଟି ଟଙ୍କା ଜୋରିମାନା ଦେବେ। ୧୫ ବର୍ଷ ଧରି ଏହି ଲୁଟ୍‌ ରାଜ୍ୟ ସରକାର ଓ ଖଣି ମାଲିକଙ୍କ ସଲା ସୁତରାରେ ଚାଲିଥିଲା। ଶାହା କମିଶନ ତାଙ୍କ ରିପୋର୍ଟରେ ମଧ୍ୟ ଏହା ଦେଶର ସବୁଠୁ ବଡ଼ ଖଣି ଲୁଟ୍‌ ବୋଲି କହିଥିଲେ। ବେସରକାରି ହିସାବରେ ଏହି ଲୁଟ୍‌ ୨ ଲକ୍ଷ କୋଟି ଟଙ୍କାରୁ ଊର୍ଦ୍ଧ୍ୱ ହେବ। ଏତେବଡ଼ ଚୋରି କ’ଣ ସରକାରଙ୍କ ବିନା ସହଯୋଗରେ ସମ୍ଭବ? ଖଣି ମାଲିକମାନେ ଦିନ ଦ୍ୱି’ପ୍ରହରରେ ଏହି ଲୁଟ୍‌ କରିଛନ୍ତି। କେବଳ ଟଙ୍କା ଭରଣା କରିଦେଲେ କଣ ଦୋଷମୁକ୍ତ ହୋଇଯିବେ? କ’ଣ ଚୋର ଚୋରି ଟଙ୍କା ଫେରାଇ ଦେଲେ ଖଲାସ ହୋଇଯିବେ? ଏତେ ବଡ଼ ଚୋରିରେ ରାଜ୍ୟର “ମୁଖ୍ୟ ଚୌକିଦାର” ନିର୍ଦ୍ଦୋଷ କିପରି? ଏବେ ଖଣି ମାଲିକ ଓ ସରକାରଙ୍କ ଭିତରେ ମନ୍ତ୍ରଣା ଚାଲିଛି- କିପରି ଏହି ଜୋରିମାନା ଟଙ୍କାକୁ ଫାଙ୍କି ଅଳ୍ପକିଛି ପଇସା ଫେରସ୍ତ କରି ଏଥିରୁ ମୁକ୍ତ ହୋଇ ପୁଣି ଲୁଟିବାରେ ବ୍ୟସ୍ତ ରହିବେ। ସରକାରୀ କାଗଜପତ୍ରରେ ଥିବା ଚୋରି ଆଧାରରେ ସୁପ୍ରିମକୋର୍ଟଙ୍କ ରାୟ ଦେଇଛନ୍ତି। କିନ୍ତୁ ବେସରକାରି ଭାବେ ଚୋରି ଏହାର ୪ ଗୁଣା ହେବ। କେବଳ ସିବିଆଇ ହିଁ ଏହାକୁ ଧରି ପାରିବେ। ରାଜ୍ୟ ସରକାର ସିବିଆଇ ଅନୁସନ୍ଧାନକୁ ବିରୋଧ କରୁଥିବା ପଛରେ ରହସ୍ୟ କଣ? ଜିରୋ ଟଲରାନ୍ସ କରପ୍‌ସନ୍‌ ବୋଲି ପ୍ରଧାନମନ୍ତ୍ରୀ ଓ ମୁଖ୍ୟମନ୍ତ୍ରୀ କହୁଥିବା ବେଳେ, ସିବିଆଇ ଯାଞ୍ଚକୁ କାହିଁକି ଡରୁଛନ୍ତି? ଏହି ମେଗା ସ୍କାମ ସମ୍ପର୍କରେ ଉଭୟ ରାଜ୍ୟ ଓ କେନ୍ଦ୍ର ସରକାର ନିରବ କାହିଁକି? ଖଣି ଚୋରମାନେ ରାଜନୀତି କରୁଛନ୍ତି। ସେମାନେ ସବୁ ଦଳରେ ରାଜନୀତି କରୁଛନ୍ତି। କଂଗ୍ରେସରେ ମଧ୍ୟ ଅଛନ୍ତି। ତାଙ୍କ କଳା ପଇସାରେ ରାଜ୍ୟରେ ରାଜନୀତି ହେଉଛି। ସେମାନେ ରାଜନୀତିର କଣ୍ଠରୋଧ କରିସାରିଛନ୍ତି। ଯଦି ଆମେ ଠିକ୍‌ ରାଜନୀତି କରୁଥାନ୍ତେ ତାହାହେଲେ ଏପରି ଅବସ୍ଥା କଣ ପାଇଁ ହୋଇଥାନ୍ତା। ଗରିବୀରେ ଆମେ କଣ ପାଇଁ ୧ ନଂରେ ରହିଥାନ୍ତୁ? ପ୍ରତ୍ୟକ ରାଜନୈତିକ ଦଳରେ ଖଣି ମାଫିଆଙ୍କ କଳା ଟଙ୍କା ଖର୍ଚ୍ଚ ହେଉଛି।<br /> ଜବାବ ଦେଲେ ନିରଞ୍ଜନ<br /> ତେବେ ଶ୍ରୀକାନ୍ତଙ୍କ ଅଭିଯୋଗର ଜବାବ ଦେଇଛନ୍ତି ବରିଷ୍ଠ କଂଗ୍ରେସ ନେତା ତଥା ପିସିସି ସଭାପତି ରେସ୍‌ରେ ଥିବା ପୂର୍ବତନ ସଭାପତି ନିରଂଜନ ପଟ୍ଟନାୟକ। ସେ କହିଛନ୍ତି- ରାଜ୍ୟରେ ଖଣି ଚୋର ଦୁଇ ପ୍ରକାର ଅଛନ୍ତି। ଯେଉଁମାନେ ଲିଜଧାରୀ, ସେମାନେ ବେଆଇନ୍‌ ଖଣିଜ ଉତ୍ତୋଳନ କରିଛନ୍ତି। ଆଉକେତେକଙ୍କର ଖଣି ନାହିଁ। ମାତ୍ର ମାଫିଆଗିରି କରିଛନ୍ତି। ୨୦୦୦ରୁ ୨୦୧୧ ମଧ୍ୟରେ ବେଆଇନ୍‌ ଖଣିଜ ଉତ୍ତୋଳନ ହୋଇଥିଲା। ସେ (ଶ୍ରୀକାନ୍ତ ଜାନା) କେନ୍ଦ୍ରମନ୍ତ୍ରୀ ଥିବାବେଳେ ସିବିଆଇ ତଦନ୍ତ କରାଇ ପାରିଥାନ୍ତେ। କେଉଁ ଦଳରେ କେତେ ଚୋର ଅଛନ୍ତି ତାଙ୍କ ପାଖରେ ଖବର ଥିବ।<br /> ଖବର ସାରାଂଶ<br /> ଏଠାରେ ସୂଚନା ଦିଆଯାଇ ପାରେ ଯେ, ନିରଂଜନ ଆସିଥିବା ପରିବାରର ମୁଖ୍ୟ ବ୍ୟବସାୟ ହେଉଛି ଖଣି। ବହୁବର୍ଷ ତଳୁ ଯେତେବେଳେ ରାଜ୍ୟରେ ହାତଗଣତି କିଛି ଖଣି ବ୍ୟବସାୟୀ ଥିଲେ ସେଥିରେ ନିରଂଜନଙ୍କ ପରିବାର ଥିଲେ ତାଲିକାର ପ୍ରମୁଖ ସ୍ଥାନରେ। ଶ୍ରୀକାନ୍ତ ସିଧାସଳଖ ନକହି ନିରଂଜନଙ୍କୁ ଇଙ୍ଗିତ କରି ହିଁ ଏହି ଅଭିଯୋଗଟି ଆଣିଛନ୍ତି। ପ୍ରସାଦ ହରିଚନ୍ଦନଙ୍କ ସ୍ଥାନରେ ଏବେ ଯେଉଁ କେତେଜଣ ପିସିସି ସଭାପତି ହେବାକୁ ରେସ୍‌ରେ ଅଛନ୍ତି, ସେଥିମଧ୍ୟରୁ ନିଂରଜନ ବୋଧେ ସବୁଠାରୁ ଆଗରେ। ତାଙ୍କ ପାଇଁ ଏକାଧିକ ଗୋଷ୍ଠୀ ଖୋଲାଖୋଲି ଲବି କରିବାରେ ବ୍ୟସ୍ତ। ଶ୍ରୀକାନ୍ତ ଜାଣିଶୁଣି ଠିକ୍ ଏଇ ସମୟରେ ହିଁ ଖଣିଚୋର କଥାଟି ଉଠାଇଛନ୍ତି। ଯେପରି କଂଗ୍ରେସର କେନ୍ଦ୍ରୀୟ ପର୍ଯ୍ୟବେ‍କ୍ଷକଙ୍କ ଜ୍ଞାତକୁ ଏ କଥାଟି ଆସିବ ଓ ହୁଏତ ସେଇ ଆଳରେ ନିରଂଜନଙ୍କ ପକ୍ଷ ଟିକିଏ ଦୁର୍ବଳ ହୋଇଯିବ। କିନ୍ତୁ କଂଗ୍ରେସ ରାଜନୀତିର ଏ ଖେଳ କେଉଁ ଆଡ଼କୁ ଯାଉଛି ତାହା ଆଗାମୀ ଦିନରେ ସ୍ପଷ୍ଟ ହୋଇଯିବ। ଗୋଟିଏ କଥା ସ୍ପଷ୍ଟ ହେଲା ଯେ, ପ୍ରସାଦଙ୍କ ପାଇଁ ପରୋ‍କ୍ଷରେ ହେଉ ବରଂ ଶ୍ରୀକାନ୍ତ ବାହାରିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
