ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭବାନୀପାଟଣା: ଦିନେ ସ୍ତ୍ରୀର ଶବକୁ କାନ୍ଧରେ ବୋହି ସାରା ବିଶ୍ୱରେ ଚର୍ଚ୍ଚିତ ହୋଇଥିବା ଦାନ ମାଝି ଆଜି ପୁଣି ଖବରରେ। ଏବେ ଆଉ ଏକ ନୂଆ ସଂସାର ଗଢି ଚର୍ଚ୍ଚାକୁ ଆସିଛନ୍ତି। ତୃତୀୟ ଥର ପାଇଁ ଜୀବନ ସାଥୀ ବାଛିଛନ୍ତି ଦାନ ମାଝି।</p> <p>[vc_video link="" align="center"]</p> <p>ଦାନ ସ୍ତ୍ରୀର ଶବ କାନ୍ଧରେ ବୋହିବା ଘଟଣାକୁ ବିତିଗଲାଣି ୯ ମାସ। ଏହା ଭିତରେ ତାଙ୍କ ଭାଗ୍ୟ ବଦଳିଛି। ସରକାର ଓ ବଦାନ୍ୟ ବ୍ୟକ୍ତିଙ୍କ ସହଯୋଗ ଯୋଗୁଁ ଦୂରେଇ ଯାଇଛି ଦାନଙ୍କ ଦୁର୍ଦ୍ଦିନ। ପୁଣି ନୂଆ ସଂସାର କରିଛନ୍ତି। ତୃତୀୟ ସ୍ତ୍ରୀ ଭାବେ ଗ୍ରହଣ କରିଛନ୍ତି ଆଲମତିଙ୍କୁ। ତିନି ଝିଅଙ୍କ ଯତ୍ନ ନେବାକୁ ଦାନଙ୍କୁ ବିବାହ କରିଥିବା କହିଛନ୍ତି ଆଲମତି।</p> <p>ଆର୍ଥିକ ସହାୟତା ମିଳିବା ପରେ ଭୁବନେଶ୍ୱରର ଏକ ଘରୋଇ ଅନୁଷ୍ଠାନରେ ପାଠ ପଢୁଛନ୍ତି ଦାନଙ୍କ ୩ ଝିଅ। ନିସଙ୍ଗତାରୁ ମୁକ୍ତି ପାଇବାକୁ ଦାନ ଆଲମତିଙ୍କ ହାତ ଧରିଛନ୍ତି ସତ ହେଲେ ଦ୍ୱିତୀୟ ପତ୍ନୀ ଅମାଙ୍ଗଙ୍କ ସ୍ମୃତି ତାଙ୍କ ମନରେ ଏବେ ବି ତାଜା ହୋଇ ରହିଛି।</p> <p>ଦାନଙ୍କ ଭାଗ୍ୟରେ ସିନା ପରିବର୍ତ୍ତନ ହେଲେ ତାଙ୍କ ଗାଁ ମେଲଘରାର ସ୍ଥିତିରେ କିଛି ପରିବର୍ତ୍ତନ ହେବା ପରି ଲାଗୁନାହିଁ। ପୂର୍ବ ଚିତ୍ରରେ କିଛି ବି ପରିବର୍ତ୍ତନ ହୋଇନି। ଯିବା ପାଇଁ ଭଲ ରାସ୍ତାଟିଏ ନାହିଁ। ସ୍ୱାସ୍ଥ୍ୟ ସେବା ସୁଧାରିବାକୁ ସରକାର ଦେଇଥିବା ପ୍ରତିଶ୍ରୁତି ଏବେ ବି ପ୍ରତିଶ୍ରୁତିରେ ରହିଯାଇଛି। ବିଜୁଳୀ ତ ସାତ ସପନ୍‌। ଶୋଷ ମେଣ୍ଟାଇବା ପାଇଁ ସାହାରା ହୋଇଛି ଝରଣା ପାଣି। ଦାନଙ୍କ ବାହାଘର ବିଷୟରେ ଚର୍ଚ୍ଚା ନ କରି ଗାଁର ସମସ୍ୟା ପ୍ରତି ଧ୍ୟାନ ଦିଆଯିବା ଦରକାର ବୋଲି କହିଛନ୍ତି ସ୍ଥାନୀୟ ଲୋକେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
