ଭଦ୍ରକ: ନିଜ ଛୁଆକୁ ବିକ୍ରି କରି ଶାଢ଼ି, ପାଉଁଜି ଓ ମୋବାଇଲ ଫୋନ କିଣିଲେ ଦମ୍ପତି। ଏମିତି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ଭଦ୍ରକ ଜିଲ୍ଲା ଅସ୍ତଳ ଗାଁରେ। ଗାଁର ପାଣ୍ଡିଆ ମୁଖି ଓ ତାଙ୍କ ସ୍ତ୍ରୀ ବର୍ଷା ମୁଖି ନିଜର ବର୍ଷକର ପୁଅକୁ ୨୫ ହଜାର ଟଙ୍କାରେ ବିକ୍ରି କରି ସେହି ଟଙ୍କାରେ ଶାଢ଼ି, ପାଉଁଜି ଓ ମୋବାଇଲ କିଣିଥିଲେ। ବଳକା ଅର୍ଥରେ ମଦ ପିଇଦେଇଥିଲେ। ରିପୋର୍ଟ ଲେଖା ଯିବା ପର୍ଯ୍ୟନ୍ତ ବିକ୍ରି ହୋଇଥିବା ଶିଶୁର କିଛି ସୂଚନା ମିଳି ନାହିଁ।
ପିଲା ବିକ୍ରି କରିଥିବା ନେଇ ଉଭୟ ସ୍ୱାମୀ ଓ ସ୍ତ୍ରୀ ପୋଲିସ ଆଗରେ ସ୍ୱୀକାର କରିଛନ୍ତି। ତେବେ ଉଭୟ ସ୍ୱାମୀ ଓ ସ୍ତ୍ରୀ ନିଶା ଶକ୍ତ ଅବସ୍ଥାରେ ଥିବାରୁ ଅଧିକ ତଦନ୍ତ ପାଇଁ ସେମାନଙ୍କ ଚାଇଲ୍ଡ ଲାଇନ୍କୁ ପଠାଇଦିଆଯାଇଛି।