ଇଲିଶିପ୍ରେମୀଙ୍କ ପାଇଁ ସୁବର୍ଣ୍ଣ ସୁଯୋଗ: ୨୦୦ ଟଙ୍କାକୁ ଖସିଲା ଦର, ପାରାଦୀପ ଓ ଭଦ୍ରକରେ ଲୋକଙ୍କ ଭିଡ଼

<p>ପାରାଦୀପ: ଇଲିଶି ମାଛ ପାଇଁ ଲୋକଙ୍କ ଭିଡ଼। ପାରାଦୀପ ଓ ଭଦ୍ରକରେ ଦେଖିବାକୁ ମିଳିଛି ଏପରି ଭିଡ଼। ଆଗରୁ ବଜାରରେ ଇଲିଶିର କେଜି ପ୍ରତି ୭୦୦ରୁ ୨୦୦୦ ଟଙ୍କା &nbsp;ବିକ୍ରି ହେଉଥିଲା। ହେଲେ ଆଜି ଏହା &nbsp;୨୦୦ରୁ ୩୦୦ଟଙ୍କାକୁ ଖସି ଆସିଥିଲା। ତେଣୁ ସକାଳେ ମାର୍କେଟରେ ଅହେତୁକ ଭିଡ଼ ଦେଖିବାକୁ ମିଳିଥିଲା। ଏନେଇ ଟ୍ରାଫିକ ଜାମ୍&zwnj; ମଧ୍ୟ ହୋଇଥିଲା। ପାରାଦୀପ ଅଠରବାଙ୍କି ବାଲିପ୍ଲଟରେ ବହୁ ସଂଖ୍ୟାରେ ଲୋକେ ଇଲିଶି ମାଛ କିଣୁଥିବା ଦେଖିବାକୁ ମିଳିଥିଲା।</p> <p>ସେହିପରି ଭଦ୍ରକ ଜିଲ୍ଲା ଧାମରାରେ ମଧ୍ୟ ଅଧିକ ପରିମାଣର ଇଲିଶି ଧରାଯାଇଛି। ଏଠାରେ ମଧ୍ୟ ଆଗ ଅପେକ୍ଷା ବହୁତ କମ୍&zwnj; ଦରରେ ଇଲିଶି ବିକ୍ରି ହେଉଛି। ପ୍ରଚୁର ପରିମାଣରେ ଇଲିଶି ମାଛ ଜାଲରେ ଧରା ପଡୁଥିବାରୁ ମତ୍ସ୍ୟଜୀବୀ ମଧ୍ୟ ଖୁସି ଅଛନ୍ତି। ଏମିତିକି ବରଫ ଅଭାବରୁ ମାଛ ପଚିଯାଉଥିବା ମଧ୍ୟ ଜଣାପଡ଼ିଛି।</p> <p>&lt;a href=&quot;&quot;&gt;(image) &lt;/a&gt;</p> <p>ଗତ ଦୁଇ ତିନି ଦିନ ହେଲା ଅଧିକ ପରିମାଣରେ ଇଲିଶି ସମୁଦ୍ରରୁ ଧରାଯିବା ପରେ ଏହାର ଦାମ୍&zwnj; କମି ଯାଇଥିବା ଜଣାପଡ଼ିଛି।</p> <p>ପାରାଦୀପରେ ମାର୍କେଟକୁ ଇଲିଶି ନେବାକୁ ଆସିଥିବା ଜଣେ ଗ୍ରାହକ କହିଛନ୍ତି,&ldquo;ବଜାରରେ ଇଲିଶି ମାଛର ମୂଲ୍ୟ ୭୦୦ରୁ ୨୦୦୦ ଟଙ୍କା ପର୍ଯ୍ୟନ୍ତ ବିକ୍ରି ହେଉଥିଲା। ହଠାତ୍ ଆଜି ଆମେ ଇଲିଶିର ମୂଲ୍ୟ ୨୦୦ରୁ ୩୦୦ ଟଙ୍କାରେ ବିକ୍ରି ହେଉଛି ବୋଲି ଖବର ପାଇଥିଲୁ। ସେଥିପାଇଁ ଇଲିଶି ନେବାକୁ ଆସିଥିଲୁ।&nbsp; ମୁଁ ପ୍ରାୟ ୫କେଜିରୁ ୭ କେଜି ଇଲିଶି କିଣିଛି। ଇଲିଶି ମାଛ ନେବାକୁ&nbsp; ଜଗତସିଂହପୁର ଓ କେନ୍ଦ୍ରାପଡ଼ାରୁ&nbsp; ଲୋକେ ଆସିଛନ୍ତି। ଏକା ଥରକେ ଏତେ ସବୁ ଇଲିଶି ମାଛ ଦେଖି ବହୁତ ଖୁସି ଲାଗୁଛି। ଇଲିଶି ନେବା ଲାଗି ଲୋକଙ୍କ ଭିଡ଼ ରହିଛି।&nbsp; ସେଥିପାଇଁ ରାସ୍ତାଘାଟରେ ଯାଇଆସି ହେଉନାହିଁ।&rdquo;</p> <p>https://www.youtube.com/watch?v=JdRL6r4i60Q</p> <p>&amp;nbsp;</p> <p>&amp;nbsp;</p> <p>&amp;nbsp;</p>