ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନୟାଗଡ଼: ନୟାଗଡ଼ ଜିଲ୍ଲା ମୁଖ୍ୟ ଚିକିତ୍ସାଳୟରେ ଜଣେ ରୋଗୀଙ୍କ ମୃତ୍ୟୁକୁ ନେଇ ଆଜି ସହରରେ ଉତ୍ତେଜନା ଦେଖାଯାଇଥିଲା। ଚିକିତ୍ସାରେ ଅବହେଳା ଅଭିଯୋଗ କରି ସ୍ଥାନୀୟ ଲୋକେ ମୃତ ଶରୀରକୁ ୫୭ ନମ୍ବର ଜାତୀୟ ରାଜପଥ ଉପରେ ରଖି କ୍ଷତି ପୂରଣ ଦାବି କରିଥିଲେ। ରାସ୍ତା ଅବରୋଧ ନ କରିବାକୁ ବୁଝାଇବାକୁ ଆସିଥିବା ତଥା ବାଧା ଦେଇଥିବା ପୋଲିସ୍‌କୁ ଉତ୍ତ୍ୟକ୍ତ ଲୋକେ ଠେଲାପେଲା କରିଥିଲେ। ଏପରିକି ଟାଉନ୍ ଥାନା ଏଏସ୍‌ଆଇ ନୃସିଂହ ପାଣିଗ୍ରାହୀଙ୍କ ପୋଷାକ ଚିରି ଦେଇଥିଲେ।</p> <p>ନୟାଗଡ଼ର ଡମସାହିର ଜଣେ ୧୨ ବର୍ଷର ବାଳକକୁ ସାପ କାମୁଡ଼ିଥିଲା। ଆଜି ସକାଳେ ତାକୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟକୁ ଅଣାଯାଇଥିଲା। ସେଠାରେ ତା’ର ମୃତ୍ୟୁ ଘଟିଥିଲା। ଚିକିତ୍ସାରେ ଅବହେଳା ଯୋଗୁଁ ବାଳକଟିର ମୃତ୍ୟୁ ଘଟିଲା ବୋଲି ଅଭିଯୋଗ କରି ସମ୍ପର୍କୀୟମାନେ ଡାକ୍ତରଖାନାରେ ହଙ୍ଗାମା କରିଥିଲେ। ସେମାନେ ମୃତ ଶରୀରକୁ ରଖି ରାଜପଥ ଅବରୋଧ କରିଥିଲେ। ସେମାନଙ୍କ ସହିତ କିଛି ସ୍ଥାନୀୟ ଲୋକ ବି ସାମିଲ ହୋଇଥିଲେ। ତେବେ ପୋଲିସ୍ ସେମାନଙ୍କୁ ବାଧା ଦେଇଥିଲା ଓ ବୁଝାସୁଝା କରିବାକୁ ଉଦ୍ୟମ କରିଥିଲା। କିନ୍ତୁ ଲୋକେ ପୋଲିସ୍ କଥା ଶୁଣି ନ ଥିଲେ। ସେମାନେ ପୋଲିସ୍‌ କର୍ମଚାରୀଙ୍କୁ ଠେଲାପେଲା କରିଥିଲେ। ଘଟଣାସ୍ଥଳରେ ଉପସ୍ଥିତ ଥିବା ଟାଉନ ଥାନା ଏଏସଆଇ ନୃସିଂହ ପାଣିଗ୍ରାହୀଙ୍କୁ ବି ସେମାନେ ଠେଲାପେଲା କରିବା ସହ ତାଙ୍କ ସାର୍ଟ ଚିରି ଦେଇଥିଲେ। ତେଣୁ କିଛି ସମୟ ଧରି ଜିଲ୍ଲା ମୁଖ୍ୟ ଚିକିତ୍ସାଳୟ ସମ୍ମୁଖରେ ଉତ୍ତେଜନା ଲାଗି ରହିଥିଲା। ପ୍ରଶାସନିକ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାଇ ଥିଲେ।</p> <p>ମୃତକଙ୍କ ପରିବାରକୁ କ୍ଷତିପୂରଣ ଦେବାକୁ ଦାବି ହୋଇଛି। ଦୋଷୀକୁ ଦଣ୍ଡ ଦିଆଯାଉ ବୋଲି ମୃତକଙ୍କ ସଂପର୍କୀୟମାନେ ଦାବି କରିଛନ୍ତି।</p> <p>ଚିକିତ୍ସାରେ ଅବହେଳା ଅଭିଯୋଗକୁ ଡାକ୍ତରଖାନା କର୍ତ୍ତୃପକ୍ଷ ଖଣ୍ଡନ କରିଛନ୍ତି। ଡାକ୍ତରଖାନା ପକ୍ଷରୁ କୁହାଯାଇଛି ଯେ ଚିକିତ୍ସାରେ ଅବହେଳା ହୋଇନାହିଁ। ସାପ କାମୁଡିବା ପରେ ବାଳକଟିକୁ ଡେରିରେ ଡାକ୍ତରଖାନା ଅଣାଯାଇଥିଲା। ସେଥିପାଇଁ ତାର ମୃତ୍ୟୁ ହୋଇଗଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
