ପୁରୀ: ଶ୍ରୀମନ୍ଦିର ଜଗମୋହନ ଛାତର ମରାମତି ଅନୁଧ୍ୟାନ ପାଇଁ ଆଜି ଏଏସ୍ଆଇ ବୈଷୟିକ କୋର୍ କମିଟି ପୁରୀ ଆସିବ। ଜଗମୋହନ ଛାତର ମରାମତି ନେଇ ଅନୁଧ୍ୟାନ କରିବା ପରେ ଅପରାହ୍ନରେ ଏ ନେଇ ବୈଷୟିକ କୋର କମିଟର ସଦସ୍ୟମାନେ ପୁରୀ ଏଏସ୍ଆଇ କାର୍ଯ୍ୟାଳୟରେ ଆଲୋଚନା କରି ଛାତ ମରାମତି ସମ୍ପର୍କରେ ନିଷ୍ପତ୍ତି ଗ୍ରହଣ କରିବେ।
ବୈଷୟିକ କୋର୍ କମିଟି ଛାତର ମରାମତି ଡିଜାଇନ୍, ଡ୍ରଇଂ ଏବଂ ଏଷ୍ଟିମେଟ୍ ପ୍ରସ୍ତୁତ କରିବା ସମ୍ଭାବନା ରହିଛି । ଏହି ଡିଜାଇନ୍ ଅନୁମୋଦନ ପରେ କାମ ଆରମ୍ଭ ହେବ। ଶ୍ରୀମନ୍ଦିର ଜଗମୋହନକୁ ଯେପରି, ବିମ୍ ଓ ପିଲର ମାଧ୍ୟମରେ ସୁରକ୍ଷା ଦିଆଯାଇଅଛି, ସେଭଳି ଜଗମୋହନ ଛାତକୁ ମଧ୍ୟ ସୁରକ୍ଷା ଦିଆଯିବ।
ଜଗମୋହନ ଛାତ ସୁରକ୍ଷା ପ୍ରସ୍ତାବକୁ ଏଏସ୍ଆଇ ଡିଜି ଅନୁମୋଦନ କରି ସାରିଛନ୍ତି। ହାଇକୋର୍ଟ ମୁଖ୍ୟ ବିଚାରପତିଙ୍କ ନିର୍ଦ୍ଦେଶ କ୍ରମେ ଏଏସ୍ଆଇ ଜଗମୋହନ ଛାତରେ ଥିବା ଫାଟ ମରାମତି ପ୍ରସ୍ତାବକୁ ଅନୁମୋଦନ କରିଛି।