ନନ୍ଦନକାନନ ପ୍ରାଣୀ ଉଦ୍ୟାନରେ ଲୋକଙ୍କ ମନ ମୋହିବ କୁନି ହାତୀ

<p>ଭୁବନେଶ୍ୱର/ଖୋର୍ଦ୍ଧା(ଓଡ଼ିଶା ରିପୋର୍ଟର): ମାଆଠାରୁ ଅଲଗା ହେବା ପରେ ଖୋର୍ଦ୍ଧା ଜିଲ୍ଲା ପଦ୍ମପୁରର ଏକ କେନାଲରେ ହାତୀ ଛୁଆ ପଡି ଯାଇଥିଲା। ବାହାରିବା ପାଇଁ ଜୋରଦାର ଉଦ୍ୟମ କରୁଥିଲା। ମାତ୍ର ବାହାରିପାରୁ ନଥିଲା। ତେବେ ହାତୀ ଛୁଆର ଚିତ୍କାର ଶୁଣି ସ୍ଥାନୀୟ ଲୋକେ ବନ ବିଭାଗକୁ ଖବର ଦେଇଥିଲେ। ବନ ବିଭାଗ କର୍ମଚାରୀମାନେ ଗାଁରେ ପହଞ୍ଚି ହାତୀ ଛୁଆଟିକୁ ଉଦ୍ଧାର କରିଥିଲେ।</p> <p>ମାଆ ଓ ଅନ୍ୟ ହାତୀ ପଲଠାରୁ ବିଚ୍ଛେଦ ହେବା ପରେ ନୂଆ ପରିବେଶରେ ଖାପ ଖୁଆଇବା ପାଇଁ ବଳ କସୁଛି ଛୁଆ ହାତୀ। ଯାହାକୁ ଦେଖୁଛି ତାକୁ ଗୋଡାଉଛି। କେତେବେଳେ ପାଣି ପିଉଛି ତ ପୁଣି କେତେବେଳେ କୌତୁକ ହେଉଛି। ଗତକାଲି ଖୋର୍ଦ୍ଧା ନିରାକାରପୁର ନିକଟରୁ ଉଦ୍ଧାର ହୋଇଥିବା ଏହି ୫ ମାସର ଛୁଆ ହାତୀ କିଛି ସମୟ ଖୋର୍ଦ୍ଧା ବନବିଭାଗ ପାଖରେ ରହିବା ପରେ ଚିକିତ୍ସା ପାଇଁ ଓୟୁଏଟିକୁ ଅଣାଯାଇଥିଲା।</p> <p>ଖୋର୍ଦ୍ଧା ଏସ୍&zwnj;ସିଏଫ୍&zwnj; ଦିଲିପ କୁମାର ରଥ କହିଛନ୍ତି-&ldquo;କୂଅରୁ ହାତୀଟିକୁ ଉଦ୍ଧାର କରିବା ପରେ ଛାଡ଼ି ଦିଆଯାଥିଲା। ହାତୀ ଛୁଆଟି କିଛି ବାଟ ଗଲା ପରେ ନିଜ ପରିଜନଙ୍କୁ ପାଇନଥିଲା। ଫଳରେ ଏକ କେନାଲରେ ପଡ଼ି ଯାଇଥିଲା। ବନ ବିଭାଗ କର୍ମଚାରୀମାନେ ତାକୁ ଉଦ୍ଧାର ଆଣିଥିଲେ।&rdquo;</p> <p>କୁନି ଗଜରାଜକୁ ପୁଣି ଥରେ ତା&rsquo; ପରିବାର ନିକଟକୁ ପଠାଯିବ ନା ସବୁ ଦିନ ପାଇଁ ନନ୍ଦନକାନନ ଯିବ ସେ ନେଇ ଚାଲିଲା ବିଚାର ବିମର୍ଷ। ମଣିଷ ସଂସ୍ପର୍ଶରେ ଆସିଥିବାରୁ ହୁଏତ ହାତୀ ପଲ ଆଉ ଏ ଛୁଆକୁ ଗ୍ରହଣ କରିନପାରନ୍ତି। ତେଣୁ ସେହି ଭୟରେ ତାକୁ ନନ୍ଦନକାନନ ପ୍ରାଣୀ ଉଦ୍ୟାନକୁ ପଠାଯାଇଛି।</p> <p>ଓୟୁଟି ଏଚ୍&zwnj;ଓଡି ଡାକ୍ତର ନିରଞ୍ଜନ ସାହୁ କହିଛନ୍ତି-&ldquo;ଗତକାଲି ରାତିରେ ହାତୀ ଛୁଆକୁ ଉଦ୍ଧାର କରାଯାଇଛି। ତେଣୁ ନୂଆ ପରିବେଶରେ ତାକୁ ଖାପ୍&zwnj;ଖୁଆଇବା ପାଇଁ ସମୟ ନେବ। ଏବେ ଲାକ୍&zwnj;ଟୋଜେନ୍&zwnj; ପିଉଥିବାରୁ ନୂଆ ପରିବେଶରେ ଚଳିଯିବ।&rdquo;</p>