ବିଦ୍ୟୁତ୍‌ ଖୁଣ୍ଟରେ ପିଟି ହେଲା ସ୍କୁଲ ବସ୍: ଅଳ୍ପକେ ବର୍ତ୍ତିଲେ ଛାତ୍ରଛାତ୍ରୀ

<p>ଭୁବନେଶ୍ୱର: ବିଦ୍ୟୁତ୍&zwnj; ଖୁଣ୍ଟିରେ ପିଟି ହେଲା ସ୍କୁଲ ବସ୍। ତେବେ ସୌଭାଗ୍ୟ ବଶତଃ କାହାରି କିଛି ହୋଇନି। &nbsp;ଏହି ଦୁର୍ଘଟଣା ଘଟିଛି ଭୁବନେଶ୍ୱର ବରମୁଣ୍ଡାରେ। ଆଜି ସକାଳେ ଏକ ଘରୋଇ ସ୍କୁଲର ବସ୍&zwnj; ଛାତ୍ରଛାତ୍ରୀଙ୍କୁ ଧରି ଜାଗମରାରୁ ବରମୁଣ୍ଡା ଆସୁଥିଲା। ତେବେ ବାଟରେ ଡ୍ରାଇଭର୍ ନିୟନ୍ତ୍ରଣ ହରାଇବାରୁ ଏହା ଭାରସାମ୍ୟ ହରାଇ ରାସ୍ତା କଡ଼ରେ ଥିବା ଏକ ବିଦ୍ୟୁତ୍&zwnj; ଖୁଣ୍ଟରେ ପିଟି ହୋଇଯାଇଥିଲା। ଆଉ ଖୁଣ୍ଟରେ ଥିବା ତାରରେ ଗୁଡେଇ ହୋଇଯାଇଥିଲା ।</p> <p>ବସ୍&zwnj;ରେ ୮ ଜଣ ଛାତ୍ରଛାତ୍ରୀ ଓ ୨ ଜଣ ଶିକ୍ଷୟତ୍ରୀ ଥିଲେ। ତେବେ କେହି ହତାହତ ହୋଇ ନାହାନ୍ତି। &nbsp;ସ୍ଥାନୀୟ ଲୋକଙ୍କ କହିବା ଅନୁସାରେ ବସ୍&zwnj;ଟି ଦ୍ରୁତ ଗତିରେ ଯାଉଥିଲା।&nbsp; ଡ୍ରାଇଭର ବେପରୁଆ ଗାଡ଼ି ଚାଳନା ଯୋଗୁଁ ଏହି ଦୁର୍ଘଟଣା ଘଟିଛି।</p> <p>ପ୍ରତ୍ୟକ୍ଷଦର୍ଶୀ ଦାଶରଥୀ ପ୍ରହରାଜ କହିଛନ୍ତି,&ldquo;ମୁଁ ଯେତେବେଳେ ଦେଖିଲି ପିଲାମାନେ ବସ୍&zwnj;ରୁ ଓହ୍ଲାଉଥିଲେ। ସ୍କୁଲ ବସ୍&zwnj;ଟି ଜାଗମରାଠୁ ବରମୁଣ୍ତା ଦେଇ ଯାଉଥିଲା। ବସ୍&zwnj;ଟି ଏକ ଇଲେକ୍ଟ୍ରିକ୍&zwnj; ପୋଲକୁ ଜୋରରେ ଧକ୍କା ଦେଇଥିଲା। ବସ୍&zwnj; ଉପରେ ବିଦ୍ୟୁତ୍&zwnj; ତାର ଗୁଡିକ ପଡ଼ି ରହିଛି। ଛାତ୍ରଛାତ୍ରୀମାନେ ଭୟଭୀତ ହୋଇ କାନ୍ଦୁଥିଲେ। ବଡ଼ ସାନ ହୋଇ ୧୦ଜଣ ବସ୍&zwnj;ରେ ବସିଥିଲେ। ଆମେ ଏନେଇ ଡ୍ରାଇଭରକୁ ପଚାରିବାରୁ ସେ କହିଥିଲା ଆଖି ପଡ଼ି ଯାଇଥିଲା। ଗତକାଲି ରାତି ଦୁଇଟାରେରେ ଗାଁରୁ ଫେରିଥିବାରୁ ତା ଆଖି ପଡ଼ିଗଲା ବୋଲି &nbsp;ସେ କହିଥିଲା।&rdquo;</p> <p>ସେ କହିଛନ୍ତି,&ldquo; ତାରଟା କେବଲିଙ୍ଗ୍ ହୋଇ ନଥିଲେ ବସ୍&zwnj;ଟି ଜଳି ଯାଇଥାଆନ୍ତା।&rdquo;</p>