ଜୁଏଲଙ୍କୁ ଅଣ୍ଡାମାଡ଼ ଘଟଣାର ପ୍ରତିବାଦ: ସୁନ୍ଦରଗଡ଼ରେ ସାତ ଘଣ୍ଟିଆ ବନ୍ଦ

<p>[vc_row][vc_column][vc_video link=&quot;: କେନ୍ଦ୍ରାପଡ଼ା ଜିଲ୍ଲା ଆଳିରେ କେନ୍ଦ୍ର ମନ୍ତ୍ରୀ ଜୁଏଲ ଓରାମଙ୍କୁ ଅଣ୍ଡାମାଡ଼ ଘଟଣା ପ୍ରତିବାଦରେ ଆଜି ବିଜେପି ପକ୍ଷରୁ ସୁନ୍ଦରଗଡ଼ ଜିଲ୍ଲାରେ ୭ ଘଣ୍ଟିଆ ବନ୍ଦ ଡାକରା ଦିଆଯାଇଛି। ସକାଳ ୬ଟାରୁ ଦିନ ଗୋଟାଏ ଯାଏଁ ଏହି ବନ୍ଦ ଡାକରା ଦିଆଯାଇଛି। ତେବେ ବନ୍ଦ ପାଳନରୁ ସ୍ୱାସ୍ଥ୍ୟ ଓ ବ୍ୟାଙ୍କ ସେବାକୁ ବାଦ ଦିଆଯାଇଛି।</p> <p>ଅଣ୍ଡାମାଡ଼ କରିଥିବା ଅଭିଯୁକ୍ତଙ୍କୁ ଆଟ୍ରୋସିଟି ଆକ୍ଟରେ ଗିରଫ କରି କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦଳ ଦାବି କରିଥିଲା। ତେବେ ଏନେଇ ରୁଜୁ ହୋଇଥିବା ମାମଲାରେ ଏହି ଦଫା ଲଗାଯାଇ ନାହିଁ।</p> <p>ସୁନ୍ଦରଗଡ଼ ଜିଲ୍ଲା ସଦର ମହକୁମାରେ ବିଜେପି କର୍ମୀମାନେ ପିକେଟିଂ କରି ବିଭିନ୍ନ ସ୍ଥାନରେ ବନ୍ଦ ପାଳନ କରୁଛନ୍ତି। &nbsp;ସହରର ଦୋକାନ ବଜାର ବନ୍ଦ ରହିଛି। ରାସ୍ତାରେ ଟ୍ରକ୍ ଆଦି ଅଟକି ରହିଛି। ରାଉରକେଲାରେ ମଧ୍ୟ ବନ୍ଦର ପ୍ରଭାବ ଦେଖିବାକୁ ମିଳିଛି। ବଣାଇରେ ମଧ୍ୟ ବନ୍ଦର ପ୍ରଭାବ ଦେଖିବାକୁ ମିଳିଛି।</p> <p>ଜୁଏଲଙ୍କ ଗାଡ଼ି ଉପରକୁ ଅଣ୍ଡାମାଡ଼ ପ୍ରତିବାଦରେ ଆଜି ରାଜ୍ୟ ବିଜେପିର ଏକ ପ୍ରତିନିଧି ଦଳ ରାଜ୍ୟପାଳଙ୍କୁ ଭେଟିବାର କାର୍ଯ୍ୟକ୍ରମ ରହିଛି।</p> <p>ସୂଚନାଯୋଗ୍ୟ, ଗତ ବୁଧବାର ଜୁଏଲ କେନ୍ଦ୍ରାପଡ଼ା ଜିଲ୍ଲା ରାଜକନିକାକୁ ବିଜେପିର &lsquo;ସବ୍&zwnj;କା ସାଥ୍ ସବ୍&zwnj;କା ବିକାଶ୍&rsquo; କାର୍ଯ୍ୟକ୍ରମରେ ଯୋଗ ଦେବା ପାଇଁ ଯାଉଥିବା ବେଳେ ଆଳି ନିକଟରେ ବିଜେଡି କର୍ମୀମାନେ ତାଙ୍କ ଗାଡ଼ିକୁ ଅଣ୍ଡାମାଡ଼ କରିଥିଲେ। ଏପରିକି କଳାପତାକା ମଧ୍ୟ ଦେଖାଇଥିଲେ। ଏନେଇ ବିଜେପି ରାଜ୍ୟ କାର୍ଯ୍ୟକାରିଣୀ ସଦସ୍ୟ ବ୍ରଜ ସୁନ୍ଦର ଭୂୟାଁ ଆଳି ଥାନାରେ ୨୨ ଜଣଙ୍କ ବିରୋଧରେ ଏତଲା ଦେଇଛନ୍ତି।[/vc_column_text][/vc_column][/vc_row]</p>