ଲଙ୍ଗଳା ହେଲା ଗଣତନ୍ତ୍ର: କୋର୍ଟ ପାଲଟିଲେ ଗ୍ରାମବାସୀ, ବୁଲି ବୁଲି ଘଣ୍ଟା ପିଟିଲେ ୱାର୍ଡ ମେମ୍ବରଙ୍କ ସ୍ୱାମୀ

<p>ଅନୁଗୁଳ: ହାତରେ ଖଣ୍ଡିଏ ସାଇକେଲ ସାଙ୍ଗକୁ ପିଟା ଘଣ୍ଟା । ଗାଁରୁ ଗାଁ ବୁଲି ସେ ଘଣ୍ଟା ପିଟୁଥିଲେ। ଆଖିରୁ ବୋହି ଯାଉଥିଲା ଧାର ଧାର ଲୁହ। ଥରି ଯାଉଥିଲା ତୁଣ୍ଡ। ଅପମାନରେ ଜଳି ଯାଉଥିଲା ମୁହଁ। କୌଣସି ଶୁଭ କର୍ମ ପାଇଁ ସେ ଘଣ୍ଟା ପିଟୁ ନ ଥିଲେ। ଏହା ଥିଲା ଗାଁ ଲୋକଙ୍କ ଚରମ ନିର୍ଦ୍ଦେଶ। ଯାହା ତାଙ୍କୁ ମାନିବାକୁ ବାଧ୍ୟ କରିଥିଲା। ଇଏ &nbsp;କୌଣସି ମାଓ ଇଲାକା କିମ୍ବା ଆଦିବାସୀ ଉପାନ୍ତ ଅଞ୍ଚଳର ଦୃଶ୍ୟ ନ ଥିଲା। ଆଧୁନିକତାର ଭରପୁର ଏବଂ ଶିଳ୍ପ ସମୃଦ୍ଧ ଅନୁଗୁଳ ଜିଲ୍ଲାର ଛାତି ଉପରେ ଏମିତି ଘଟଣା ଘଟିଥିଲା। କୌଣସି ତାଲିବାନି ଶାସନଠାରୁ କମ୍&zwnj; ନ ଥିଲା ଏହି ଦଣ୍ଡ। &nbsp;ବ୍ୟକ୍ତି ଜଣକର ଭୁଲ ଏତିକି, ତାଙ୍କ ସ୍ତ୍ରୀ ଗାଁ ଲୋକଙ୍କ କଥାରେ ଏକମତ ନ ହୋଇ ନିଜ ମନ ପସନ୍ଦର ପ୍ରାର୍ଥୀଙ୍କୁ ଭୋଟ ଦେଇଥିଲେ। ଏତେ ବିଧି ବ୍ୟବସ୍ଥା, ଆଇନକାନୁନ ଥାଇ ଦିନ ଦିପ୍ରହରେ ଗଣତନ୍ତ୍ର କିପରି ଉଲଗ୍ନ ହେଉଛି ତାର ଚିତ୍ର ଏହି ଦୃଶ୍ୟ ହିଁ ବୟାନ କରୁଛି।</p><p>[vc_video link=&quot; &quot; align=&quot;center&quot;]</p><p>ଅନୁଗୁଳ ଜିଲ୍ଲା ବଡ଼କେରା ପଞ୍ଚାୟତ ରଗୁଡିଆପଡ଼ା ଗାଁର ଦୁଷ୍ମନ୍ତ ସାହୁ। ତାଙ୍କ ପତ୍ନୀ ଜଣେ ଓ୍ୱାର୍ଡ ମେମ୍ବର। &nbsp;ଗତ ପଞ୍ଚାୟତ ନିର୍ବାଚନରେ ତାଙ୍କ ଓ୍ୱାର୍ଡମେମ୍ବର ପତ୍ନୀ ଅନିଜ ନିଜ ମନ ପସନ୍ଦର ନାଏବ ସରପଞ୍ଚ ପ୍ରାର୍ଥୀଙ୍କୁ ଭୋଟ୍ ଦେଇ ଜିତାଇଥିଲେ।</p><p>ଗାଁ ଲୋକେ ସ୍ଥିର କରିଥିବା ପ୍ରାର୍ଥୀଙ୍କୁ ଭୋଟ୍ ନ ଦେଇ ନିଜ ଅଧିକାରର ସୁରକ୍ଷା କରିଥିଲେ ୱାର୍ଡ଼ମେମ୍ବର। ଗାଁ ଲୋକେ ଚୟନ କରିଥିବା ପ୍ରାର୍ଥୀ ପରାଜିତ ହେବାରୁ ସଂପୃକ୍ତ ଓ୍ୱାର୍ଡମେମ୍ବରଙ୍କ ପ୍ରରୋଚନାରେ ଏକାଠି ହୋଇଗଲା ପୁରା ଗାଁ। ପ୍ରଥମେ ଦୁଷ୍ମନ୍ତଙ୍କ ପରିବାରକୁ ବାସନ୍ଦ କରାଗଲା ।</p><p>ଆଉ ନିଶାପ ବସି ସ୍ଥିର ହେଲା ଗାଁରେ ମିଶିବାକୁ ହେଲେ ଦୁଷ୍ମନ୍ତଙ୍କୁ ୫୦ ହଜାର ଟଙ୍କା ଦେବାକୁ ପଡ଼ିବ। ନ ହେଲେ ଭୁଲ ମାନି ପଞ୍ଚାୟତ ସାରା ଘଣ୍ଟ ପିଟିବାକୁ ହେବ। ଆଉ &nbsp;ଅର୍ଥ ତଣ୍ଡ ଦେଇ ନ ପାରି ସାଇକେଲରେ ବୁଲି ବୁଲି ଏମିତି ଦଣ୍ଡକୁ ବରିଲେ ଦୁଷ୍ମନ୍ତ। ପ୍ରାୟ ୫ କିଲୋମିଟର ବାଟ ଏମିତି ଘଣ୍ଟ ବାଡ଼େଇବା ପରେ ସ୍ଥାନୀୟ ଲୋକଙ୍କ ଠାରୁ ଖବର ପାଇ ପୋଲିସ ପହଞ୍ଚି ଦୁଷ୍ମନ୍ତଙ୍କୁ ଏଥିରୁ ନିବୃତ କରିଥିଲା। &nbsp;ହେଲେ ଏ ଘଟଣାକୁ ନେଇ ସାରା ଜିଲ୍ଲାରେ ତୀବ୍ର ପ୍ରତିକ୍ରିୟା ପ୍ରକାଶ ପାଇଛି । ଏନେଇ&nbsp; ଥାନାରେ ଅଭିଯୋଗ ହୋଇ ନ ଥିଲେ ମଧ୍ୟ ପୋଲିସ ନିଜ ଆଡ଼ୁ ତଦନ୍ତ କରି ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବ ବୋଲି କହିଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।