ବାଃ ବାଃରେ ଛାତ୍ର: ଅଧ୍ୟାପକଙ୍କୁ ଘୋଷାରି ଘୋଷାରି ନେଲେ, କଲର ଧରି ଛେଚିଲେ, ସିସିଟିଭିରେ କଏଦ ପୂରା ଦୃଶ୍ୟ

<p>&lt;strong&gt;ଅନୁଗୋଳ&lt;/strong&gt;&lt;strong&gt;:&lt;/strong&gt; ଆମ ଦେଶରେ ଗୁରୁ-ଶିଷ୍ୟ ପରମ୍ପରାକୁ ଗୁରୁତ୍ୱ ଦିଆଯାଏ। ଗୋଟିଏ ବିନା ଅନ୍ୟଟି ଅଧୁରା। ଗୁରୁ ଶିଷ୍ୟର ନିବିଡ଼ ସଂପର୍କ କେଉଁ କାଳରୁ ରହିଆସିଛି। ଗୁରୁ ଦିବସରେ ଶିଷ୍ୟ ଗୁରୁଙ୍କୁ ପୂଜା କରିଥାଏ। ଛାତ୍ରର ଭବିଷ୍ୟତ ଗୁରୁ ନିଜ ହାତରେ ଗଢ଼ିଥାନ୍ତି। ଗୁରୁ ଓ ଶିଷ୍ୟ ସଂପର୍କ ନେଇ ଏଭଳି ଖବର ଆସୁଛି। ଯାହା ଶୁଣିଲେ ଆଶ୍ଚର୍ଯ୍ୟ ହୋଇଯିବେ।</p><p>ଅନୁଗୋଳ ସରକାରୀ କଲେଜର କିଛି ଛାତ୍ର ଅଧ୍ୟାପକଙ୍କୁ ମାଡ଼ ମାରିଥିବା ଅଭିଯୋଗ ହୋଇଛି। ଇଏ ହେଉଛି ସେହି ଭିଡିଓ। ଏହା ଅନୁଗୁଳ କଲେଜ କ୍ୟାମ୍ପସରେ ଲାଗିଥିବା ଏକ ସିସିଟିଭିରେ ଏ ଦୃଶ୍ୟ ରେକର୍ଡ ହୋଇଛି। ଏଥିରେ ଥିବା ଦୃଶ୍ୟ କହୁଛି, ଅନୁଗୋଳ ସରକାରୀ କଲେଜର ୪ରୁ ୫ ଜଣ ଛାତ୍ର, ସେହି କଲେଜର ଦର୍ଶନଶାସ୍ତ୍ର ବିଭାଗର ଅଧ୍ୟାପକ ପ୍ରଦ୍ୟୁମ୍ନ ବେଉରାଙ୍କୁ ଉଠାଇ ନେଇ ମାଡ଼ ମାରୁଛନ୍ତି। କ୍ୟାମ୍ପସ ଭିତରେ ଟାଣି ଟାଣି ନେଉଥିବାରୁ ଛାତ୍ରଛାତ୍ରୀ ମଧ୍ୟ ସମସ୍ତେ ଏ ଦୃଶ୍ୟ ଦେଖୁଛନ୍ତି। ମାଡ଼ ମାରିବା ପରେ ସଂପୃକ୍ତ ଛାତ୍ରମାନେ ଅଧ୍ୟାପକଙ୍କୁ ଅପହରଣ କରି ନେଇଥିବା ଅଭିଯୋଗ ହୋଇଥିଲା। ପିଟାପିଟି କରିବା ପରେ ଛାତ୍ରମାନେ ଅଧ୍ୟାପକଙ୍କୁ ହୁଲୁରୁସିଂହା ପାଖରେ ଛାଡ଼ି ଦେଇଥିଲେ। ପୋଲିସ୍&zwnj; &nbsp;ଖବର ପାଇ ଘଟଣାସ୍ଥଳରେ ପହଞ୍ଚି&nbsp; ଆହତ ଅଧ୍ୟାପକଙ୍କୁ ଉଦ୍ଧାର କରି ହସପିଟାଲରେ ଭର୍ତ୍ତି କରିଛି। ଅଭିଯୁକ୍ତ ଛାତ୍ରମାନେ ଫେରାର ଥିବା ବେଳେ ପୋଲିସ୍&zwnj; ଘଟଣାର ଛାନଭିନ ଜାରି ରଖିଛି।</p><p>ତେବେ କେଉଁ କାରଣରୁ ଛାତ୍ରମାନେ ଅଧ୍ୟାପକଙ୍କୁ ମାଡ଼ ମାରିଲେ ତାହା ସ୍ପଷ୍ଟ ହୋଇନି। କିଛି ଛାତ୍ର ଓ ଅଧ୍ୟାପକ ନିଜ ନାଁ ପ୍ରକାଶ ନକରି କହିଛନ୍ତି, କୌଣସି ଏକ ପ୍ରେମ ବ୍ୟାପାରକୁ ନେଇ ଏହି ଗଣ୍ଡଗୋଳ ହୋଇଛି।</p><p>ମାଡ଼ ଖାଇଥିବା ଅଧ୍ୟାପକ କହିଛନ୍ତି,&ldquo;ଆଜି ସେ କ୍ଲାସ୍ କରୁଥିବା ବେଳେ ତାଙ୍କୁ ସଂପୃକ୍ତ ଛାତ୍ରମାନେ କ୍ଲାସ୍ ଭିତରୁ ଉଠାଇ ନେଇ ମାଡ଼ ମାରିଥିଲେ। ଅଧ୍ୟାପକ କହିଛନ୍ତି,&ldquo;ପରୀକ୍ଷାରେ କପି ଛଡ଼ାଇ ନେଇଥିବାରୁ ପିଲାମାନେ ରାଗରେ ଏପରି କରିଛନ୍ତି। ପରୀ&zwj;କ୍ଷାରେ ପାସ୍ କରେଇ ଦେବାକୁ ସେମାନେ ଧମକ ଦେଇଛନ୍ତି।&rdquo;</p><p>କିନ୍ତୁ ଜଣେ ଛାତ୍ରଙ୍କ ସଂପର୍କୀୟ କହିଛନ୍ତି ଯେ, ପ୍ରେମ ବ୍ୟାପାରକୁ ନେଇ ଏହି ଗଣ୍ଡଗୋଳ ହୋଇଛି। ଛାତ୍ର ଜଣକ ପ୍ରେମ କରୁଥିବା ଜଣେ ଛାତ୍ରୀଙ୍କୁ ଅଧ୍ୟାପକ ଜଣକ ଆପତ୍ତିଜନକ ବ୍ୟବହାର କରିଥିବାରୁ ଏହି ବିବାଦ ସୃଷ୍ଟି ହୋଇଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।