ଭୁବନେଶ୍ୱର: ସୁରେନ୍ଦ୍ର ମିଶ୍ର ଓ ଓରଫ ସୁର ବାବାଙ୍କୁ ରିମାଣ୍ଡରେ ଆଣି ପଚରାଉଚରା କରିବ କମିଶନରେଟ୍ ପୋଲିସ। ବାବା ଓ ତାଙ୍କ ଦୁଇ ପୁଅଙ୍କୁ ୫ଦିନିଆ ରିମାଣ୍ଡରେ ଆଣିବାକୁ ଆଜି ଜେଏମଏଫସି କୋର୍ଟରେ ପୋଲିସ ଆବେଦନ କରିଛି। ରିମାଣ୍ଡରେ ଆଣି ସୁର ସାମ୍ରାଜ୍ୟର ଅସଲ କାହାଣୀ ଓ ତାଙ୍କ କଳା କାରନାମା ସମ୍ପର୍କରେ ଖୋଳତାଡ଼ କରିବ ପୋଲିସ୍।
ସୋମବାର ସନ୍ଧ୍ୟାରେ ସୁରେନ୍ଦ୍ର ଏବଂ ତାଙ୍କ ଦୁଇ ପୁଅଙ୍କୁ ଖୋର୍ଦ୍ଧା ଜେଏମଏଫସିଙ୍କ କୋର୍ଟରେ ହାଜର କରାଯାଇଥିଲା। ତେବେ ସୁରେନ୍ଦ୍ରଙ୍କ ପକ୍ଷରୁ ଜାମିନ ଆବେଦନ କରାଯାଇ ନ ଥିଲା କି ପୋଲିସ ରିମାଣ୍ଡରେ ଆଣିବାକୁ ଆବେଦନ କରି ନ ଥିଲା। ଫଳରେ ସୁରବାବା ଓ ତାଙ୍କ ଦୁଇ ପୁଅଙ୍କୁ ଝାରପଡା ଜେଲକୁ ପଠାଇ ଦିଆଯାଥିଲା।
ରବିବାର ପୋଲିସ୍ ହେପାଜତରେ ଥିବା ସୁରେନ୍ଦ୍ର ମିଶ୍ର ଓରଫ ସୁରବାବାଙ୍କୁ ସୋମବାର ଗିରଫ କରାଯାଇଥିଲା। ସୁରବାବାଙ୍କ ସହିତ ତାଙ୍କର ଦୁଇ ପୁଅ ବିରଞ୍ଚି ଓ ତ୍ରିଲୋଚନଙ୍କୁ ମଧ୍ୟ ଗିରଫ କରାଯାଇଥଲା। ଗିରଫ କରାଯିବା ପୂର୍ବରୁ ବାପପୁଅ ତିନି ଜଣଙ୍କୁ ଭୁବନେଶ୍ୱର ସ୍ଥିତ ପୋଲିସ୍ କମିଶନରେଟର ମୁଖ୍ୟ କାର୍ଯ୍ୟାଳୟକୁ ଅଣାଯାଇ ପଚରାଉଚରା କରାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
