ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>&nbsp;</p> <p>ଭୁବନେଶ୍ୱର: ଜଣାଶୁଣା ବ୍ୟବସାୟୀ ସତପାଲଙ୍କ ଘରେ ଭୟାବହ ଅଗ୍ନିକାଣ୍ଡ ଯେତିକି ଦୁଃଖଦ, ସେତିକି ରହସ୍ୟମୟ। ଘରର ଦ୍ୱିତୀୟ ମହଲାର ଗୋଟିଏ ରୁମରେ ଶୋଇଥିଲେ ସାନ ପୁଅ ଗଗନପାଲ୍ ଓ ବୋହୁ ଭାବନା। ଅନ୍ୟ ଏକ ରୁମରେ ଶୋଇଥିଲେ ନାତି, ନାତୁଣି ଓ ସହାୟିକା। ଅନୁମାନ କରାଯାଉଛି, ପ୍ରଥମ ମହଲାରେ ଥିବା ଠାକୁର ଘର ଏସିରେ ସର୍ଟସର୍କିଟ୍‌ କିମ୍ବା ଦ୍ୱିତୀୟ ମହଲାରେ ଥିବା ହୋମଥିଏଟର ହଲରେ ନିଆଁ ଲାଗିଯିବା ପରେ ବ୍ୟାପି ଥାଇପାରେ। ବଡ଼ ପ୍ରଶ୍ନ ହେଲା- ଏତେ ବଡ଼ ଅଗ୍ନିକାଣ୍ଡ ସତ୍ୱେ ପ୍ରଥମ ମହଲାରେ ରହୁଥିବା ସତପାଲଙ୍କ ବଡ଼ ପୁଅଙ୍କ ପରିବାର ଓ ତଳ ଘରେ ଶୋଇଥିବା ନିଜେ ସତପାଲ ସିଂ ନିଆଁ କି ଧୂଆଁର ସୁରାଗ୍ ପାଇଲେନି କମିତି ? ନିଆଁ ଲାଗିଥିବା ଜାଣି ସତପାଲଙ୍କ ବଡ଼ ନାତି ପ୍ରଥମ ମହଲାରୁ ସୁଇମିଂ ପୁଲକୁ ଡେଇଁ ପଡିଥିବା କୁହାଯାଉଛି ତେବେ ସେ କିମ୍ବା ପରିବାର ଲୋକେ ଦମକଳ ବାହିନୀ କି ପୋଲିସକୁ ଫୋନ୍ କରିନଥିଲେ କାହିଁକି ? ଡ୍ୟୁଟିରେ ଥିବା ସିକ୍ୟୁରିଟି ଗାର୍ଡ ବି ନିଆଁ ଲାଗିଥିବା ଜାଣିପାରିଲେନି କେମିତି ? ଏସବୁର କାରଣ ଜାଣିବାକୁ ପୋଲିସ ଆରମ୍ଭ କରିଛି ତଦନ୍ତ। ସାଇଣ୍ଟିଫିକ୍ ଟିମ୍ ଘଟଣାସ୍ଥଳକୁ ଯାଇ ତଥ୍ୟ ସଂଗ୍ରହ କରିଛି ନିଜେ ପୋଲିସ କମିଶନର ମଧ୍ୟ ଅଗ୍ନିକାଣ୍ଡସ୍ଥଳ ବୁଲି ଦେଖିଛନ୍ତି।</p> <p>ଅନ୍ୟପଟେ ଯିଏ ଏହି ଦୁଖଃଭରା କାହାଣୀ ଶୁଣୁଛି ଆଶ୍ଚର୍ଯ୍ୟ ନ ହୋଇ ରହିପାରୁନି। କେହି କେହି ତ ଲୁହକୁ ରୋକିପାରୁ ନାହାଁନ୍ତି। ଆଜି ରାଜଧାନୀରେ ଘଟିଥିବା ପାଲହାଇଟ୍ସ ମାଲିକ ସତପାଲ ସିଂଙ୍କ ଘରେ ଛାତିଥରା ଫ୍ୟାମିଲି ଫାୟାର ଟ୍ରାଜେଡି ପରେ ସୃଷ୍ଟି ହୋଇଛି ଏଭଳି କୋହଭରା ପରିବେଶ। ଆକସ୍ମିକ ଅଗ୍ନିକାଣ୍ଡରେ ଅକାଳରେ ଯାଇଛି ପାଞ୍ଚଟି ଜୀବନ। ପ୍ରାଣ ହରାଇଛନ୍ତି ସତପାଲଙ୍କ ସାନପୁଅ ଗଗନପାଲ,ବୋହୂ ଭାବନା,୧୦ ବର୍ଷର ନାତୁଣୀ ସୋହାବି, ୪ବର୍ଷର ନାତି ରୁବିର ଓ ଘର ସହାୟିକା ଖୁସି ଦାସ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
