ଇନ୍ଦୁଲତା କହିଛନ୍ତି,“ମହିଳା କମିଶନ ମଇଳା କମିଶନରେ ପରିଣତ ହୋଇଛି। ତାରା ଦତ୍ତଙ୍କ ଅବସର ସମୟକୁ ଅପେକ୍ଷା କରି ମୋତେ ମିଠା କଥା କହି ଦୁଇ ବର୍ଷ ଯାଏଁ ଏହି ମାମଲା ରଖିଲେ। ତାରା ଦତ୍ତ ଅବସର ନେବା ପରେ ମୋ’ ପାଖକୁ ଏକ ଚିଠି ଲେଖି ବର୍ତ୍ତମାନ ଆପଣଙ୍କ ମାମଲା ବନ୍ଦ ହୋଇଗଲା। କାହିଁକି ନା, ସୌହାର୍ଦ୍ଦ୍ୟପୂର୍ଣ୍ଣ ମିଳାମିଶା ହେବା ଆଉ ସମ୍ଭବ ନୁହଁ। ସୌହାର୍ଦ୍ଦ୍ୟପୂର୍ଣ୍ଣ ମିଳାମିଶା ପାଇଁ ମୁଁ’ କେବି ବି ଲେଖି ନଥିଲି। ତାରା ଦତ୍ତଙ୍କ ସହ ମୁଁ ରହିଲେ ମୋ ଜୀବନ ପ୍ରତି ବିପଦ ଅଛି ବୋଲି ଲେଖିଥିଲି। ସୌହାର୍ଦ୍ଦ୍ୟପୂର୍ଣ୍ଣ ମିଳାମିଶା କଥା କ’ଣ ପାଇଁ କହୁଛନ୍ତି। ମୋତେ ନ୍ୟାୟ ନ ଦେଲେ ଧାରଣାରେ ବସିବି ବୋଲି ମୁଁ କମିଶନଙ୍କୁ ଚିଠି ଦେଇଥିଲି। କିନ୍ତୁ ସେ ତରବର ହୋଇ ସଙ୍ଗେସଙ୍ଗେ ମାମଲା ବନ୍ଦ ହୋଇଗଲା ବୋଲି ଚିଠି ଲେଖିଛନ୍ତି। ଏହା ହେଉଛି ତାଙ୍କ ନ୍ୟାୟ।”
ସେ କହିଛନ୍ତି,“ପାରିବାରିକ ହିଂସା ଥିଲେ ମହିଳା କମିଶନଙ୍କ ପାଖକୁ ଆସ ଆମେ ନ୍ୟାୟ ଦେବୁ ବୋଲି ଯେଉଁ ବଡ଼ ବଡ଼ ହୋଡିଂ ଲଗାଯାଇଛି ତାକୁ ସମସ୍ତେ ପୋଡ଼ି ଦେବା ଦରକାର। ମୁଁ ଭାବୁଛି ମହିଳା ସଙ୍ଗଠନମାନେ ଯାଇ ଆଜି ସେହି ହୋଡିଂ ଗୁଡ଼ିକରେ ନିଆଁ ଲଗାଇ ଦିଅନ୍ତୁ। କାହିଁକି ନା ଏହି ହୋଡିଂ ଲାଗିବାର ଯୋଗ୍ୟ ନୁହେଁ। ଯେଉଁ ସ୍ୱାମୀମାନେ ସ୍ତ୍ରୀଙ୍କୁ ଠକୁଛନ୍ତି ସେମାନଙ୍କ ପ୍ରତି ସେହି ହୋଡିଂ ଗୁଡାକ ସବୁ ଉପହାସ କରୁଛନ୍ତି। ମୁଁ ଏବେ ମାନବାଧିକାର କମିଶନଙ୍କ ନିକଟକୁ ଯିବି।”