ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ସମ୍ୱଲପୁର: ଠାକୁରଙ୍କୁ ଦର୍ଶନ ସାରି ଘରକୁ ଫେରୁଥିଲେ। ହେଲେ ଘରେ ପହଞ୍ଚି ପାରିଲେ ନାହିଁ। ଯମ ହୋଇ ମାଡ଼ି ଆସିଲା ଟ୍ରକ୍‌। ୧୦ ଜଣଙ୍କୁ ନେଇଗଲା। ଏବେ ୪ ଜଣ ଗୁରୁତର ଆହତ ହୋଇ ମେଡ଼ିକାଲରେ ଭର୍ତ୍ତି ହୋଇଛନ୍ତି। ଆହତଙ୍କ ମଧ୍ୟରେ ଜଣେ ମହିଳା ଓ ୩ ଜଣ ନିଷ୍ପାପ ଶିଶୁ ଅଛନ୍ତି।</p> <p>ଆଜି ସୋମବାର। ସେଥିପାଇଁ ପରମାଣପୁର ବାରଡୁଙ୍ଗୁରୀ ଅଞ୍ଚଳର ୧୪ ଜଣ ଲୋକେ ଏକ ମିନିଭ୍ୟାନ(ମହିନ୍ଦ୍ରା ମେକ୍ସିମା)ରେ ହାତୀବାରି କଳ୍ପେଶ୍ୱର ଶିବ ମନ୍ଦିରକୁ ପୂଜା କରିବାକୁ ଯାଇଥିଲେ। ମହାପ୍ରଭୁ ଶିବଙ୍କୁ ଦର୍ଶନ କରି ହସଖୁସିରେ ଘରକୁ ଫେରୁଥିଲେ। ତେବେ ଜାତୀୟ ରାଜପଥର-୫୫ ର ଭବାନୀପାଲି ନିକଟରେ ସମ୍ମୁଖରୁ ଆସୁଥିବା ଏକ ଟ୍ରକ୍‌ ଟାଟା ଭ୍ୟାନକୁ ଧକ୍କା ଦେଇଥିଲା। ଘଟଣାସ୍ଥଳରେ ୩ ଜଣଙ୍କ ମୃତ୍ୟୁ ହୋଇଥିବା ବେଳେ ସଦର ମେଡ଼ିକାଲରେ ୭ ଜଣଙ୍କ ମୃତ୍ୟୁ ହୋଇଥିଲା। ତେବେ ଅନ୍ୟ ୪ ଜଣଙ୍କୁ ଗୁରୁତର ଅବସ୍ଥାରେ ବୁର୍ଲା ମେଡ଼ିକାଲକୁ ସ୍ଥାନାନ୍ତରିତ କରାଯାଇଛି।</p> <p>ଏହି ଦୁର୍ଘଟଣାରେ ମୃତକଙ୍କ ପାଇଁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସହାୟତା ଘୋଷଣା କରିଛନ୍ତି। ମୃତକଙ୍କ ପରିବାରକୁ ଦୁଇ ଲକ୍ଷ ଟଙ୍କା ଓ ଆହତଙ୍କ ଚିକିତ୍ସା ଖର୍ଚ୍ଚ ରାଜ୍ୟ ସରକାର ବହନ କରିବେ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
