ଡିଭାଇଡର ଡେଇଁ ଟ୍ରକ୍‌କୁ ପିଟିଲା ଆମ୍ବୁଲାନ୍ସ; ୩ ମୃତ, ୩ ଗୁରୁତର

<p>[vc_row][vc_column][vc_video link=&quot;: ବାଲେଶ୍ୱର ଜିଲ୍ଲା ୫ ନମ୍ବର ଜାତୀୟ ରାଜପଥର ଦହିସଡ଼ା ନିକଟରେ ଆଜି ଭୋର ପ୍ରାୟ ୪ଟା ବେଳେ ଘଟିଛି ଏକ ମର୍ମନ୍ତୁଦ ଦୁର୍ଘଟଣା। ଏକ ଆମ୍ବୁଲାନ୍ସ ଭାରସାମ୍ୟ ହରାଇ ଏକ ଟ୍ରକ୍ ସହିତ ପିଟି ହେବାରୁ ତିନି ଜଣଙ୍କର ମୃତ୍ୟୁ ଘଟିଥିବା ବେଳେ ଆଉ ତିନି ଜଣ ଗୁରୁତର ଭାବେ ଆହତ ହୋଇଛନ୍ତି। ମୃତକମାନଙ୍କ ପରିଚୟ ମିଳିପାରି ନାହିଁ। ମୃତକଙ୍କ ମଧ୍ୟରେ ଆମ୍ବୁଲାନ୍ସର ଡ୍ରାଇଭର ମଧ୍ୟ ଅଛନ୍ତି।</p> <p>ଆହତମାନେ ହେଲେ ଧନଜ୍ୱୟ ଦାସ, ସୁବୀର ଦାସ ଓ ଅଶୋକ ମଣ୍ଡଳ। ସେମାନଙ୍କୁ ସୋର ଡାକ୍ତରଖାନାରେ ଭର୍ତ୍ତି କରାଯାଇଛି।</p> <p>ଆମ୍ବୁଲାନ୍ସଟି ୬ ଜଣଙ୍କୁ ଧରି ପଶ୍ଚିମବଙ୍ଗର ବର୍ଦ୍ଧମାନ ଜିଲ୍ଲାରୁ କଟକ ବଡ଼ ଡାକ୍ତରଖାନା ଯାଉଥିଲା। ସୋର ନିକଟସ୍ଥ ଦହିସଡ଼ା ପାଖରେ ଆମ୍ବୁଲାନ୍ସଟି ନିୟନ୍ତ୍ରଣ ହରାଇ ଡିଭାଇଡର ଡେଇଁ ରାସ୍ତାର ଅନ୍ୟ ପାର୍ଶ୍ୱରେ କଟକରୁ କୋଲକାତା ଅଭିମୁଖେ ଯାଉଥିବା ଏକ ଟ୍ରକ୍&zwnj;ରେ ଯାଇ ପିଟି ହୋଇଥିଲା। ଦୁର୍ଘଟଣା ସଂପର୍କରେ ସୂଚନା ପାଇବା ପରେ ସୋ ଥାନା ଆଇଆଇସି ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଡାକ୍ତରଖାନା ପଠାଇଥିଲେ।[/vc_column_text][/vc_column][/vc_row]</p>