ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର,(ଓଡ଼ିଶା ରିପୋର୍ଟର): ପତି ଓ ପତ୍ନୀଙ୍କ ଭିତରେ ସେ ପଶି ଆସିବାକୁ ନେଇ ଝଡ଼। ଆଉ ଶେଷରେ ପ୍ରେମିକା ସହ ପତିଙ୍କୁ ଏକାଠି ଦେଖି ଉଭୟଙ୍କୁ ଉତ୍ତମ ମଧ୍ୟମ ଦେଲେ ପତ୍ନୀ। ଭୁବନେଶ୍ୱର ଏୟାରପୋର୍ଟ ବାହାରେ ଫ୍ୟାମିଲି ଫାଇଟ୍‌ର ଏହି ଦୃଶ୍ୟକୁ ନେଇ ଚର୍ଚ୍ଚା। ଭିଡିଓ ଭାଇରାଲ୍ ହେବା ପରେ ଏବେ ପ୍ରତାରିତ ପତ୍ନୀ ଡିସିପିଙ୍କ ପାଖରେ ନ୍ୟାୟ ପାଇଁ ଗୁହାରି କରିଛନ୍ତି।<br /> ଭୁବନେଶ୍ୱର ଏୟାରପୋର୍ଟ ବାହାରେ ଫ୍ୟାମିଲି ଫାଇଟ୍। ସ୍ୱାମୀଙ୍କ ପ୍ରେମିକା ଉପରେ ପତ୍ନୀଙ୍କ ହଲ୍ଲାବୋଲ୍। ନିଜ ସୁଖ ସଂସାରରେ ନିଆଁ ଲଗାଇ ଅନ୍ୟ ଜଣେ ମହିଳାଙ୍କ ସହ ସ୍ୱାମୀ ବାଙ୍ଗଲୋରରୁ ଏକାଠି ଫେରୁଥିବା ଜାଣି ନିଜ ସହଯୋଗୀଙ୍କ ସହ ଏୟାରପୋର୍ଟରେ ଅପେକ୍ଷା କରିଥିଲେ ପତ୍ନୀ। ଆଉ ରଙ୍ଗେହାତରେ ଉଭୟଙ୍କୁ ଧରିବା ପରେ ପତିଙ୍କ ପ୍ରେମିକା ଉପରେ ପତ୍ନୀ ଆରମ୍ଭ କରିଦେଇଥିଲେ ଉତ୍ତମ ମଧ୍ୟମ, ଟଣାଓଟରା ଓ ଝିଙ୍କାଝିଙ୍କି। ଏଥିରୁ ସ୍ୱାମୀ ମଧ୍ୟ ବାଦ୍ ପଡ଼ି ନଥିଲେ। ୧୫ ତାରିଖର ଏକ ଘଟଣାର ଭିଡିଓ ସୋସିଆଲ୍ ମିଡିଆରେ ଭାଇରାଲ୍ ହେବା ପରେ ମାଡ଼ ମାରିଥିବା ମହିଳା ଆଜି ମୁହଁ ଖୋଲିଛନ୍ତି। ସେ କହିଛନ୍ତି, ସ୍ୱାମୀ ଓ ତାଙ୍କ ପ୍ରେମିକାଙ୍କୁ ପରସ୍ପରଠାରୁ ଅଲଗା କରିବା ପାଇଁ ବାରମ୍ବାର ଅନୁରୋଧ କରି ବିଫଳ ହେବା ପରେ ଏଭଳି ପଦକ୍ଷେପ ନେବାକୁ ବାଧ୍ୟ ହୋଇଛି। </p> <p>ଭୁବନେଶ୍ୱର ଖଣ୍ଡଗିରି ଅଞ୍ଚଳରେ ରୁହନ୍ତି ସିଲା ପଟ୍ଟନାୟକ। ସେ ପେଷାରେ ଜଣେ ସାମ୍ବାଦିକା। ୨୦୧୦ରେ ବିବାହ କରିବା ପରେ ସଂପୃକ୍ତ ମହିଳାଙ୍କ ସହ ସ୍ୱାମୀଙ୍କ ଅନୈତିକ ସଂପର୍କ ବିଷୟରେ ଜାଣିବାକୁ ପାଇ ଏହାର ବିରୋଧ କରିଥିଲେ। ଉଭୟଙ୍କୁ ବିଭିନ୍ନ ଫୋରମ୍‌ରେ ବୁଝାଇଥିଲେ। ହେଲେ ସବୁଠୁ ବିଫଳ ହେବା ପରେ ସେ ଏଭଳି ପଦକ୍ଷେପ ନେବା ସହ ଆଜି ଭୁବନେଶ୍ୱର ଡିସିପିଙ୍କ ପାଖକୁ ଯାଇ ଘଟଣା ସଂପର୍କରେ ଅଭିଯୋଗ କରିଛନ୍ତି।<br /> ଅଭିଯୋଗକାରିଣୀ ମହିଳା ସିଲା ପଟ୍ଟନାୟକ କହିଛନ୍ତି-“ଉଭୟ ଗିରଫ ହୁଅନ୍ତି। ବିଶେଷକରି ସମ୍ପୃକ୍ତ ମହିଳା ପ୍ରଥମେ ଗିରଫ ହେଉ। ଏବେ ଏହି ଘଟଣାକୁ ସମାଜ ଉପରେ ଛାଡ଼ି ଦେଉଛି ମୋ’ ଉପରେ କଣ ନ୍ୟାୟ ହେଉଛି।” </p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
