ନୂଆଦିଲ୍ଲୀ: ଭାରତୀୟ ଜନତା ପାର୍ଟି ଶନିବାର ଲୋକସଭା ନିର୍ବାଚନ ପାଇଁ ୧୮ତମ ପ୍ରାର୍ଥୀ ତାଲିକା ପ୍ରକାଶ କରିଛି। ମୋଟ ୭ଟି ରାଜ୍ୟ ପାଇଁ ୨୪ ପ୍ରାର୍ଥୀଙ୍କ ନାଁ ତାଲିକାରେ ପ୍ରକାଶ ପାଇଛି।
ଏହି ପର୍ଯ୍ୟାୟରେ କେନ୍ଦ୍ରମନ୍ତ୍ରୀ ଉମା ଭାରତୀ, ରାଞ୍ଚିର ପାଞ୍ଚ ଥରର ସାଂସଦ ରାମ ଟହଲ ଚୌଧୁରୀଙ୍କ ସମେତ ୧୦ ସାଂସଦଙ୍କ ଟିକେଟ୍ କାଟିଛି ବିଜେପି। ତେବେ ଉମା ଭାରତୀ ଚଳିତ ନିର୍ବାଚନ ଲଢ଼ିବେ ନାହିଁ ବୋଲି ପୂର୍ବରୁ ସ୍ପଷ୍ଟ କରିଥିଲେ।
ବିଜେପିର କେନ୍ଦ୍ରୀୟ ନିର୍ବାଚନ ସମିତି ଦ୍ୱାରା ପ୍ରକାଶ ପାଇଥିବା ୧୮ତମ ପ୍ରାର୍ଥୀ ତାଲିକାରେ ହରିଆଣାରେ ୮, ଉତ୍ତର ପ୍ରଦେଶର ୪, ରାଜସ୍ଥାନର ୪, ମଧ୍ୟପ୍ରଦେଶ ୩, ଝାରଖଣ୍ଡର ୩ ଏବଂ ଓଡ଼ିଶା ଓ ପଶ୍ଚିମବଙ୍ଗର ଗୋଟିଏ ଲେଖାଏ ଆସନ ପାଇଁ ନାଁ ଘୋଷଣା କରାଯାଇଛି।
ଝାନସି ଲୋକସଭାରୁ ସାଂସଦ ଥିବା ଉମା ଭାରତୀଙ୍କ ସ୍ଥାନରେ ବୈଦ୍ୟନାଥ ଗ୍ରୁପ୍ର ମାଲିକ ଅନୁରାଗ ଶର୍ମାଙ୍କୁ ଦଳ ଟିକେଟ୍ ଦେଇଛି। ସେହିପରି ଓଡ଼ିଶାରେ ଜଗତସିଂହପୁର ଲୋକସଭା ଆସନ ପାଇଁ କଂଗ୍ରେସ ଛାଡ଼ି ଆସିଥିବା ପୂର୍ବତନ ସାଂସଦ ବିଭୂ ପ୍ରସାଦ ତରାଇଙ୍କୁ ଦଳ ଟିକେଟ୍ ଦେଇଛି।