ଭୁବନେଶ୍ୱର: ଚଳିତ ରଣଜୀ ସିଜିନ୍ରେ ଗ୍ରୁପ୍ ‘ବି’ରେ ଥିବା ଓଡ଼ିଶା ତା’ର ତୃତୀୟ ମ୍ୟାଚ୍ ଆସନ୍ତାକାଲିଠାରୁ ଦିଲ୍ଲୀ ବିପକ୍ଷରେ ଖେଳିବ। ମୋହାଲିର ପଞ୍ଜାବ କ୍ରିକେଟ୍ ଆସୋସିଏସନ୍ ଷ୍ଟାଡିୟମ୍ରେ ସକାଳ ସାଢ଼େ ନଅଟାରୁ ଏହି ମ୍ୟାଚ୍ ଆରମ୍ଭ ହେବ।
ଦିଲ୍ଲୀ ଓ ରାଜସ୍ଥାନ ବିପକ୍ଷ ମ୍ୟାଚ୍ ପାଇଁ ଓଡ଼ିଶା ଦଳରେ ସାମାନ୍ୟ ପରିବର୍ତ୍ତନ ହୋଇଛି। ପ୍ରତୀକ ଦାସ ଓ ରଶ୍ମୀରଞ୍ଜନ ସାହୁଙ୍କୁ ବାଦ୍ ଦିଆଯାଇଛି। ମନୋଜ ନାୟକ ଓ ଅଂଶୁମାନ ଗୋପଙ୍କୁ ଟିମ୍ରେ ସାମିଲ କରାଯାଇଛି।
ଚଳିତ ସିଜିନ୍ରେ ଓଡ଼ିଶା ଦୁଇଟି ମ୍ୟାଚ୍ ଖେଳି ସାରିଛି। ବିଦର୍ଭ ବିପକ୍ଷ ମ୍ୟାଚ୍ ଡ୍ର’ ହୋଇଥିବା ବେଳେ ଦ୍ୱିତୀୟ ମ୍ୟାଚ୍ରେ ଦଳ ସୌରାଷ୍ଟ୍ରକୁ ୩୨ ରନ୍ରେ ପରାସ୍ତ କରିଥିଲା।
ନଭେମ୍ବର ୫ ତାରିଖରୁ ଓଡ଼ିଶା ରାଜସ୍ଥାନ ବିପକ୍ଷରେ ଖେଳିବ।