ପାଇଖାନାରେ ଲୁଚିଥିଲେ ଫେରାର ସିଏସଓ

ବଲାଙ୍ଗିର ମୁଖ୍ୟ ଯୋଗାଣ ଅଧିକାରୀ ମୀରରାଜ ଅଲ୍ଲିଙ୍କୁ ନେଇ ଗତ ୨୦ ଦିନ ହେବ ଚର୍ଚ୍ଚା। ଜଣେ ମହିଳା ଅଧିକାରୀଙ୍କୁ ଦୁର୍ବ୍ୟବହାର ଓ ଯୌନ ନିଯ୍ୟାର୍ତନା ଅଭିଯୋଗରେ ସଂଗୀନ ଦଫାରେ ତାଙ୍କ ବିରୋଧରେ ମାମଲା ରୁଜୁ ହୋଇଛି। ପୋଲିସ ତଦନ୍ତ ବି ଜାରୀ ରହିଛି। ମାମଲା ରୁଜୁ ହେବାର ଦଶ ଦିନ ପରେ ଅଫିସକୁ ଯାଇଥିଲା ପୋଲିସ। ହେଲେ ପାଇନଥିଲା। କିନ୍ତୁ ଗତକାଲି ବଲାଙ୍ଗିର ଜିଲ୍ଳାର କିଛି ବଛା ବଛା ମିଲର୍ସଙ୍କ ସହିତ ଜଣେ ମିଲର୍ସଙ୍କ ଆପାର୍ଟମେଣ୍ଟ ଭିତରେ ଚାଲିଥିଲା ବାବୁଙ୍କ ସେଟିଂ। ସିକ୍ରେଟ ଡିଲ ସମୟରେ ଜାଗା ଉପରେ ପହଞ୍ଚିଥିଲେ ଗଣମାଧ୍ୟମ ପ୍ରତିନିଧି। ଗୋଟିଏ ପରେ ଗୋଟିଏ ରୁମ ବନ୍ଦ ଥାଏ। ନକ କଲାରୁ ଖୋଲୁଥିଲେ ମିଲର୍ସ। ହେଲେ ସିକ୍ରେଟ ଚେମ୍ବରରେ କେବଳ ମିଲର୍ସ ଥିବା ବେଳେ ନଥିଲେ ମୁଖ୍ୟ ଯୋଗାଣ ଅଧିକାରୀ। ଖୋଜାଖୋଜି କଲା ପରେ ବାଥରୁମ ଭିତରେ ଆଉ ଜଣେ ମିଲର୍ସଙ୍କ ସହିତ ଲୁଚିିଥିଲେ ମୁଖ୍ୟ ଯୋଗାଣ ଅଧିକାରୀ ମୀରରାଜ ଅଲ୍ଲି।