୨୭ ଫେବ୍ରୁଆରୀ, ଶନିବାର: ସହକର୍ମୀମାନେ ଈର୍ଷା କରିପାରନ୍ତି

ମେଷ: ସକାରାତ୍ମକ ଚିନ୍ତା ଆଗକୁ ବଢ଼ିବାରେ ସାହାଯ୍ୟ କରିବ। ବ୍ୟବସାୟରେ ଭଲ ଲାଭ ମିଳିବ। ବନ୍ଧୁଙ୍କ ସହଯୋଗ ମିଳିବ। ସମାଜରେ ମାନସମ୍ମାନ ବଢ଼ିବ। ପ୍ରତିକାର– ମା’, ବାପା ଓ ଗୁରୁଙ୍କୁ ପ୍ରଣାମ କରନ୍ତୁ।

ବୃଷ: କଠିନ ପରିଶ୍ରମ କରିବାକୁ ପଡ଼ିବ। ବୁଝି ବିଚାରି ସବୁ ନିଷ୍ପତ୍ତି ନିଅନ୍ତୁ। ଶାନ୍ତ ହୋଇ କାର୍ଯ୍ୟ କରି ନିଅନ୍ତୁ। ପ୍ରତିକାର– କୁକୁରକୁ କିଛି ଖାଇବାକୁ ଦିଅନ୍ତୁ।

ମିଥୁନ: ବ୍ୟବସାୟରେ ଆଶା ମୁତାବକ ଲାଭ ପାଇବେ। ଯୋଜନା କରିଥିବା କାର୍ଯ୍ୟ ସଠିକ୍ ସମୟରେ ସଂପନ୍ନ ହେବ। ଆୟର ନୂଆ ଉତ୍ସ ପ୍ରାପ୍ତ ହୋଇପାରେ। ପ୍ରତିକାର– ମାଦକ ଦ୍ରବ୍ୟଠାରୁ ଦୂରେଇ ରୁହନ୍ତୁ।

କର୍କଟ: ଅଫିସ୍‌ରେ ଉଚ୍ଚ ଅଧିକାରୀଙ୍କ କୃପା ଦୃଷ୍ଟି ପଡ଼ିବ। ସହକର୍ମୀମାନେ ଈର୍ଷା କରିପାରନ୍ତି। କଳା, ସାହିତ୍ୟ, କ୍ରୀଡ଼ା, ଚଳଚ୍ଚିତ୍ର ଓ ଆନୁଷ୍ଠାନିକ କାମରେ ପ୍ରଶଂସା ମିଳିବ। ବାଦବିବାଦରୁ ଦୂରେଇ ରୁହନ୍ତୁ। ପ୍ରତିକାର– ଗୋମାତାକୁ କିଛି ଖାଦ୍ୟ ଦିଅନ୍ତୁ।

ସିଂହ: ଦାମ୍ପତ୍ୟ ଜୀବନ ସୁଖମୟ ହେବ। ଆର୍ଥିକ ସ୍ଥିତି ଭଲ ରହିବ। ଜନକଲ୍ୟାଣ କାର୍ଯ୍ୟରେ ମନୋନିବେଶ କରିବେ। ପ୍ରତିକାର– ପକ୍ଷୀଙ୍କୁ କିଛି ଦାନା ଖାଇବାକୁ ଦିଅନ୍ତୁ।

କନ୍ୟା: ପଡ଼ୋଶୀଙ୍କ ବ୍ୟବହାରରେ ଖୁସି ହେବେ। ପ୍ରତିବନ୍ଧକ ସତ୍ତ୍ୱେ ଆଗକୁ ବଢ଼ିବେ। ଆତ୍ମବିଶ୍ୱାସ ବୃଦ୍ଧି ପାଇବ। ରାସ୍ତାରେ ଯା’ଆସ ବେଳେ ସତର୍କତା ଅବଲମ୍ବନ କରନ୍ତୁ। ପ୍ରତିକାର– କଦଳୀ ଗଛ ମୂଳରେ ଅଳ୍ପ ଗୁଡ଼ ଥୋଇ ଦିଅନ୍ତୁ।

ତୁଳା: ବିରୋଧୀମାନଙ୍କୁ ପରାସ୍ତ କରିବେ। ନିଜ ବୁଦ୍ଧିବଳରେ କାର୍ଯ୍ୟ ହାସଲ କରିବେ। ଅଟକି ଥିବା କାର୍ଯ୍ୟ ସଂପୂର୍ଣ୍ଣ କରିବେ। ପୈତୃକ ସମ୍ପତ୍ତିକୁ ନେଇ ଭାଇ-ଭଉଣୀଙ୍କ ସହ ଥିବା ବିବାଦର ଅନ୍ତ ଘଟିବ। ପ୍ରତିକାର– ମା’, ବାପା ଓ ଗୁରୁଙ୍କୁ ପ୍ରଣାମ କରନ୍ତୁ।

ବିଛା: ଆୟ ବଢ଼ାଇବା ପାଇଁ ପ୍ରୟାସ କରିବେ। ନୂତନ କର୍ମ ନିଯୁକ୍ତି ପାଇଁ ଚେଷ୍ଟା କରି ସଫଳ ହେବେ। ସମ୍ପତ୍ତି ସମ୍ବନ୍ଧୀୟ ମାମଲାରେ ଭାବିଚିନ୍ତି ନିଷ୍ପତ୍ତି ନିଅନ୍ତୁ। ପ୍ରତିକାର– ମହୁ ଖାଇ ଘରୁ ବାହାରନ୍ତୁ।

ଧନୁ: ସନ୍ତାନଙ୍କୁ ନେଇ କିଛି ଭଲ ଖବର ଶୁଣିବେ। କର୍ମକ୍ଷେତ୍ରରେ ଉତ୍ସାହ ବଢ଼ିବ। ମାନସମ୍ମାନ ବଜାୟ ରହିବ। ବ୍ୟବସାୟ କ୍ଷେତ୍ରରେ ଥିବା ଲୋକେ କୌଣସି ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇପାରନ୍ତି। ପ୍ରତିକାର– ମା’, ବାପା ଓ ଗୁରୁଙ୍କୁ ପ୍ରଣାମ କରନ୍ତୁ।

ମକର: ପରିବାରରେ ସୁଖଶାନ୍ତି ବଜାୟ ରହିବ। ଅଧ୍ୟୟନ, ଅଧ୍ୟାପନା ତଥା ରଚନାତ୍ମକ କ୍ଷେତ୍ରରେ ସମ୍ମାନିତ ହେବେ। କେତେକ କ୍ଷେତ୍ରରେ ସମାଲୋଚିତ ହୋଇପାରନ୍ତି। ପ୍ରତିକାର– ଗୋମାତାଙ୍କୁ କିଛି ଖାଦ୍ୟ ଦିଅନ୍ତୁ।

କୁମ୍ଭ: ଶୁଭ ସମ୍ବାଦ ପାଇବେ। ଅଳ୍ପ ପରିଶ୍ରମ କରି କାର୍ଯ୍ୟ ହାସଲ କରିନେବେ। ଛାତ୍ରଛାତ୍ରୀମାନେ ପଢ଼ାପଢ଼ିରେ ଭଲ କରିବେ। ପ୍ରତିକାର– ନୀଳବସ୍ତ୍ର ପରିଧାନ କରନ୍ତୁ।

ମୀନ: ଦୂର ସ୍ଥାନକୁ ଯାତ୍ରା କରିପାରନ୍ତି। କୌଣସି ପୁରାତନ ରୋଗରୁ ମୁକ୍ତି ପାଇବେ। ଆୟ ବଢ଼ିବ। ପ୍ରତିକାର– ହଳଦୀ ଚନ୍ଦନ ମୁଣ୍ଡରେ ଲଗାନ୍ତୁ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।