୧୪ ଅଗଷ୍ଟ, ଶୁକ୍ରବାର: ଅନେକ ଦିନର ଆଶା ପୂରଣ ହେବ

ମେଷ: ଶତ୍ରୁମାନେ ପରାଜିତ ହେବେ। ବ୍ୟବସାୟରେ ଉନ୍ନତି ହେବ। ବହୁ ପୁରୁଣା ସମସ୍ୟାର ସମାଧାନ କରିବେ। ହନୁମାନଙ୍କୁ ଦର୍ଶନ କରନ୍ତୁ।

ବୃଷ: ଅନେକ ଦିନର ଆଶା ପୂରଣ ହେବ। କୌଣସି ନୂତନ କାର୍ଯ୍ୟ ଆରମ୍ଭ କରିବାର ସୁଯୋଗ ପାଇବେ। ଛାତ୍ରଛାତ୍ରୀଙ୍କ ପାଇଁ ଦିନଟି ଶୁଭ ହେବ। କିଛି ମୁଗଡାଲି ପକ୍ଷୀମାନଙ୍କୁ ଖାଇବାକୁ ଦିଅନ୍ତୁ।

ମିଥୁନ: ପାରିବାରିକ ଓ ଦାମ୍ପତ୍ୟ ଜୀବନ ସୁଖମୟ ହେବ। ମାନସମ୍ମାନ ମିଳିବା ସହିତ ଉତ୍ତମ ଭୋଜନ ପ୍ରାପ୍ତି ହେବ। ଜମିବାଡ଼ି ଜନିତ ବ୍ୟବସାୟରୁ ଅଧିକ ଲାଭ ପାଇବେ।

କର୍କଟ: କର୍ମକ୍ଷେତ୍ରରେ ବାଧାବିଘ୍ନ ଦେଖାଦେବ। ଯାତ୍ରାଜନିତ କ୍ଲେଶ ଅନୁଭବ କରିବେ। କୌଣସି ଖାଦ୍ୟ ବା ପାନୀୟ ହେତୁ ସ୍ୱାସ୍ଥ୍ୟ ଖରାପ ହୋଇପାରେ। ତେଣୁ ସଠିକ୍ ଖାଦ୍ୟ ଗ୍ରହଣ କରନ୍ତୁ।

ସିଂହ: କୌଣସି ନୂତନ ଯାନବାହନ ବା ଭୂମି କ୍ରୟ କରିବାର ସୁଯୋଗ ମିଳିବ। ନିଜର ଅସୀମ ଧୈର୍ଯ୍ୟ ଓ ସହନଶୀଳତା ଗୁଣ ଯୋଗୁ ସମସ୍ତ କାର୍ଯ୍ୟରେ ସଫଳ ହେବେ। ମହିଳାମାନେ ଉଚ୍ଚ ସମ୍ମାନର ଅଧିକାରୀ ହେବେ।

କନ୍ୟା: ଲାଗି ରହିଥିବା ବିବାଦର ଅବସାନ ଘଟିବ। କୌଣସି ନୂତନ ଦ୍ରବ୍ୟ ଲାଭର ସୁଯୋଗ ରହିଛି। ଶରୀରର କୌଣସି ସ୍ଥାନରେ ପୀଡ଼ା ଦେଖାଦେଇପାରେ।

ତୁଳା: ପାରିବାରିକ ଜୀବନରେ ସ୍ନେହ ଶ୍ରଦ୍ଧା ଅତୁଟ ରହିବ। ବସ୍ତ୍ର ଓ ଆଭୂଷଣ ଆଦି ବ୍ୟବସାୟରେ ବେଶ୍ ଭଲ ଲାଭ ମିଳିବ। କର୍ମକ୍ଷେତ୍ରରେ ସଫଳତା ମିଳିବ।

ବିଛା: କାର୍ଯ୍ୟସ୍ଥଳରେ କାମର ଚାପ ବୃଦ୍ଧି ହେତୁ ବ୍ୟସ୍ତ ବିବ୍ରତ ହୋଇଯିବେ। ଦୁର୍ଘଟଣା ଘଟିବାର ସମ୍ଭାବନା ରହିଛି। ତେଣୁ ସତର୍କ ରୁହନ୍ତୁ। ମହିଳାମାନେ ପ୍ରତ୍ୟେକଟି କାର୍ଯ୍ୟରେ ସମାଲୋଚିତ ହେବେ।

ଧନୁ: ପ୍ରତ୍ୟେକଟି କାର୍ଯ୍ୟରେ ସଫଳତା ମିଳିବ। ଦୁଃସାହସିକ ପଦକ୍ଷେପ ନେଇ ଲକ୍ଷ୍ୟ ସ୍ଥଳରେ ପହଞ୍ଚିବେ। ବକେୟା ଅର୍ଥ ହସ୍ତଗତ ହେବ।

ମକର: କର୍ମକ୍ଷେତ୍ରରେ ନୂତନ ପଦ ପଦବୀ ପାଇବା ପାଇଁ ଯୋଗ୍ୟ ବିବେଚିତ ହେବେ। ବିବାଦୀୟ ଘଟଣାରେ ଜୟଯୁକ୍ତ ହେବେ। ସମାଜରେ ସମ୍ମାନ ବଢ଼ିବ।

କୁମ୍ଭ: ସ୍ଥଗିତ ଥିବା କାମକୁ ତ୍ୱରାନ୍ୱିତ କରି ଶେଷ ପର୍ଯ୍ୟାୟରେ ପହଞ୍ଚାଇବେ। ଅସହାୟଙ୍କୁ ସାହାଯ୍ୟ କରନ୍ତୁ। ବ୍ୟବସାୟ ବାଣିଜ୍ୟରେ ଲାଭ ପାଇବେ।

ମୀନ: ବୃଥା ଭ୍ରମଣରେ ସମୟ ବିତିବ। ଗୁପ୍ତଶତ୍ରୁ ମନରେ ଭୟ ସୃଷ୍ଟି କରିବେ। ଅପ୍ରିୟ ସତ୍ୟକଥା କହି ଦୋଷୀ ସାବ୍ୟସ୍ତ ହୋଇପାରନ୍ତି। ଅସହାୟଙ୍କୁ ନିରାଶ କରନ୍ତୁ ନାହିଁ।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।